اسامي الافلام زمان كانت عجيبة اوى
مرة بفتح الجرنال لقيت مكتوب ان القناة التالتة هتعرض فيلم "أستغفر الله العظيم" من بطولة فريد شوقي
الناس دي كانت بتفكر في إيه و هم بيعملوا الفيلم؟
إيه اللي يخلي النقاد يطلعوا السما بالفنانين القدام رغم ان كلهم عملوا أفلام تكسف في السبعينات؟
ليه بيقولوا علي بتوع افلام زمان زمن الفن الجميل؟
خالد صالح موهوب أكتر من محمود المليجي
أحمد السقا موهوب أكتر من كمال الشناوى
أحمد عز موهوب أكتر من شكري سرحان
كريم عبدالعزيز موهوب أكتر من محمود يس
مني زكي موهوبة أكتر من فاتن حمامة
منة شلبي موهوبة أكتر من هند رستم
نيللي كريم موهوبة اكتر من ماجدة
حنان ترك موهوبة اكتر من مريم فخرالدين
اصلا تبقي كارثة لو احنا ماتطورناش في السينما عن زمان
بس في 3 هم اللي يعدوا من اقوي الممثلين زمان و مايقلوش عن فنانين دلوقتي
سعاد حسني و رشدي أباظة و إسماعيل يس
4 comments:
بقى منى زكي أحسن من فاتن حمامة
وبالمقابل اسماعيل ياسين من عباقرة التمثيل
فاتن حمامة يمكن في بدايتها كان تمثيلها متصنع زي أغلبية الممثلين خصوصا أبيض واسود فبداية مشوارهم عموما
لكن ازاي تنسى ..الحرام..أريد حلا..دعاء الكروان..لا أنام
منى زكي ممثلة كويسة..لكن مش مميزة أوي يعني او بتمثل دونا عن العالم
أكبر دليل مسلسل السندريلا
لـــــــــــكن كل دا ممكن يتهضم..يتبلع
إنما اسماعيل ياسين من عضماء التمثيل
!! دا مهـــــــرج
دا بتاع بوقو
يالهويييييييييي
يا شماتة كل الطازات فيك يا سلطان
الحمدلله لقيت حد مأيدني في رايي اللي الاغلبية رافضة و بتقوم عليا لمجرد طرح الفكرة
اخيرا حسيت اني مش غريبة شكرا للبوست ده
انا حاسة ان بابا هوا اللي بيتكلم :)
بابا دايما شايف ان كل حاجة دلوقتي احلى من كل حاجة زمان
بس الناس هيا اللي فقدت الاحساس بطعم الحاجات :)
انا متفقة معاك في الفكرة ومختلفة في بعض التفاصيل
واول اختلاف هوا المليجي وخالد صالح
يا راجل حرام عليك :)
شكري سرحان ومحمود ياسين وعماد حمدي والحاجات دي انا نفسي افهم دول اتصنفوا جانات سينما على اساس ايه اصلا
متفقة معاك تماما في النقطة دي
وفاتن حمامة انا بسميها خدعة الشاشة العربية مش سيدة الشاشة العربية
اكيد هيا ممثلة موهوبة جدا بس مش الاسطورة اللي بيقولوا عليها دي خالص
بس الا هند رستم
دي لا حصلت ولا هتحصل تاني :)
وايش جاب حنان ترك لمريم فخر الدين ..دي معتوهة اصلا :)
حنان ممثلة قديرة ومريم مش اكتر من بنت حلوة وجمالها باااارد جدا كمان
سعاد حسني ورشدي اباظة حاجات لن تتكرر
حنان :
انتي عارفة ان انا عارف انك مابتفهميش في السينما فعادى بقي
بقي مني زكي مش مميزة و إسماعيل ياسين مهرج؟
إغربي عن وجهي احسنلك :@
ريم: إتطمني انتي صح..سيبك من كلام الناس
فنون : خالد صالح احسن من المليجي ..كفاية تنويعه للأدوار
المليجي كل ادواره متشابهة
كلهم شر × شر
لدرجة انني فاكر فيلم لفؤاد المهندس طلع فيه المليجي عشان يتريق علي الحكاية دي
و قاله انت مفيش مجرم غيرك؟
و اذكر كمان و انا صغير كان عندي أمنية اشوفه طيب في فيلم
بالنسبة لهند رستم..بصراحة مش شايفها مزة عشان يقولوا انها كانت رمز للأنوثة..اذواق بقي :D
Post a Comment