الصيف دخل و الحر ابتدا
و بالتالي الحشرات خلصت بياتها الشتوي
و من الحشرات الشهيرة في الصيف الصرصار
و الصرصار لمن لا يعرفه هو كائن بني اللون بيضاوى شكل يتمتع بشنبات طويله و منه فصيلة بتطير مثل الهليكوبتر
و عند فعص الصرصار فهو يصدر صوت قرقعة مصاحبه انتشار سوائل لزجة تلتصق بحذائك
ناس كتير بترش فليت و يستنوا يشوفوا صرصار ماشي قدامهم عشان يفعصوه
بس ده عمره ما قضي علي الصراصير مهما كانت احتياطاتك الأمنية
و لذلك انا توصلت الي تجربة عملية مع الصراصير أثبتت فعاليتها
في الاماكن الخطرة لما بيخش شخص غير مرغوب فيه بيضربوه عشان يحرم ييجي تاني..لكن لو قتلوه اهله هينتقموا و يرجعوا كلهم مسلحين
نفس الشيء بالنسبة للصراصير..لما يقابلك صرصار شوطه و ماتفعصوش
الشوطة هتبقي هي العلقة اللي خدها الصرصار خصوصآ لو الشوطة رزعته في الحيطة و اتقلب علي ضهره و قعد يلعب شنباته هيقعد ذليل بالساعات لحد ما يعرف يتعدل و يهرب
لكن لو مات هييجي جيش نمل يشيله هيلا بيلا و نملة خسيسة تروح تبلغ كبير الصراصير انك قتلت ابنهم
و بالتالي ييجوا بكل احجامهم و انواعهم..و مهما عملت بطل مش هتقدر تواجه صرصار بيطير
يبقي خليك في انك تضرب الصرصار فيروح لأهله و يقولهم خدوا بالكم من البني ادم ده..ايده تقيله
و طبعآ إياكم و رش الفليت
5 comments:
اااااااااااااااااايييييييييييييييي ياااااااااااااااااااااااع
مممممممممممممممممممممممم
خخخخخخخخخخخخخخخخخخخخخخخ
مش عارفه اقول ايه اكتر من كدا
بكره الحشرات والزواحف كره مش طبيعييييييييييييييي
انا على السيرة حاسة ان هيجرالي حاجة
:(
في حل اسهل من دا كله
لما تشوف صورصار
سيب البيت وانزل
دا الحل الاظرف والاسلم
أسيب البيت عشان يروح يجيب أهله كلهم و يقعدوا في اوضتي؟ لا طبعآ العين بالعين
و انا صغير كنت لما اشوف واحد منهم في الشارع افضل اطارده لحد ما يرجع بلاعته
علي رأى يوري مرقدي
"لنا ليست لكم..الأرض إبعدوا عنها"
لا مانت تنزل من البيت وتبعت حد متخصص يقتله :)
انا بعمل كدا
بجري برا البيت وابعت البواب يقتله :)
وما بحبش اشوف المعركة
لما تخلص عمليه القتل والتطهير برجع تاني
على سيرة الزواحف
النهاردة وانا في الشغل قاعدة ع الكمبيوتر لاقيت عنكبوت نونو بيتمشى على الشاشة
افتكرت وقعدت اقول يعني اصطبح بموضوع عن الصراصير والاقي قدامي العنكبوت النونو
طبعا صوت وصرخت وطلعت اجري برا المكتب وبعت الواد ال office boy عشان يقوم بمبهمة قتل العنكبوت :(
طبعآ مش هتنادي البواب يقتل الصرصار ببلاش
و ده قصاد القانون بيحول البواب الي قاتل مأجور
لكن لو انتي اللي قتلتي الصرصار هتبقي مناضلة بتدافعي عن قضيتك
مش عايز اقولك ان في ناس بتحب تخلص الموضوع بإيدهم مش بتوع يدوسوا برجلهم
يااه , انتوا عندكوا اوفيس بوى يا فنون؟ :D , انا كنت بعمل النسكافيه بايدى في شركة ايجى فيلم :D
ياعم لا تشوطه ولا يشوطك , انت تخلى الحاجة تكنس بذمة وتشفط اى حاجة بالمكنسة وخليه زى الكلب يدور على حاجة ياكلها , عشان يعرفه انه وقع في بيت منايفه :D
Post a Comment