محمد منير - طعم البيوت

طعم الحاجات

بيعيش ساعات

و يدوب قوام

و قوام يفوت

جوه القلوب و الذكريات

مايعيشش غير طعم البيوت

جدران بتحضن جوه منها قلوب كتير

و ابواب بتقفل ع الجنايني و ع الوزير

شباك موارب من وراه واقفه الصباييا

قضوا النهار في الوقفه قدام المرايا

اسرار كتير عند البيوت

في الشارع الطيب يا ناس

مايبانش منها غير اللي يطلع منه صوت

طعم الحاجات
بيعيش ساعات

و يدوب قوام
و قوام يفوت
جوه القلوب و الذكريات
مايعيشش غير طعم البيوت

طعم الحاجات

اللمه لما تحلي في ساعة العصاري

تفتح مزاد ع الحب تلقي الف شاري

شاهد بيفضل من البداية للنهاية

و لكل ركن في قلبه يحكي لك حكاية

و كفاية لما بتلاقيه فاتح دراعه و بيناديك

و يقول تعالي في حضني ده انت واحشني موت

طعم الحاجات

بيعيش ساعات
و قوام يفوت
جوه القلوب و الذكريات
مايعيشش غير طعم البيوت

طعم الحاجات
بيعيش ساعات
و يدوب قوام
و قوام يفوت
جوه القلوب و الذكريات
مايعيشش غير طعم البيوت