إبتلعني حوتآ فسررت
الجملة بتاعة يوري مرقدى لكن مش ده المهم
المهم إن الإحساس إحساسي
ياتري لو إبتلعني حوت
هيبقي ايه احساسي؟
و ايه احساس الناس اللي علي الشاطيء و شافوا الحوت بيبتلعني؟
اعتقد انني هرتاح شوية لو إبتلعني حوت
هرتاح من الغباء اللي بقي مسيطر علي تفكير ناس كتير
هرتاح من تحوير ناس كتير
هرتاح من التفكير في منطقية الحاجات اللي بتحصل معايا و حواليا
هرتاح من إحساسي بالمسئولية تجاه حاجات كتير
هرتاح من انني احلم لانني هبقي عارف حدود واقعي
هرتاح من التفكير في الجملة اللي قالهالي احد اصدقائي
"انت هتفضل تعمل الصح لحد ما تفاجيء في يوم انك كنت عايش غلط لانك المفروض ماتعملش الصح"
رغم إنني بكره الأماكن المقفوله
رغم إنني بكره الأماكن المظلمة
رغم إنني ممكن أفتقد حاجات موجودة في عالمي الحالي
بس إن إبتلعني حوت لسررت..علي الاقل يومين تلاتة
لكن الأكيد ان في ناس هيزعلوا لو الحوت إكتفي بيومين تلاتة
5 comments:
أعتقد إنك بتمر بحالة من حالات الهذيان يا سلطان
خير إن شاء الله
my dear friend life goes on
مدونتك جميلة اوي و احلى مافيها انها شيقة مش بتخلي الواحد يمل
بس اكيدانا من الناس اللي مش هحب الحوت يبتلعني لاني بخاف من الاماكن الضيقة و المفلقة ممكن يبقى الوضع مريح زي ما وصفته بس هيبقى صعب اكتر من ماهو مريح
لو ابتلعني حوت في ناس هتكون سعيدة سعادة لا توصف :)
بس مش الحل ان الواحد يتقوقع ابدا
وكل ما بحس اني غريبة في عالمي
وكل ما بحس اني مصدر ازعاج لبعض الاشخاص
بحس اني عايزة ابقى موجودة اكتر
يمكن بقى عقد نفسية او يمكن المحارب العنيد اللي جوايا بيرفض انه يستسلم
ولما بحس كمان اني مهمة في حياة ناس كتير
بحس اني لا يمكن اتخلى عنهم واخذلهم وابعد واتقوقع
انا مش عايزة الحوت يبتلعني ابدا
ولو ابتلعني حوت هموت مخنوئه
حلوة اوي يا سلطان :)
حنان: اه شكلي افرطت في شرب الشاي :D
مرمريتوس: ما هو انا عايزها تـ"جو" بعيد عني :D
ريم:أهلآ بيكي
مشكلتك نفس مشكلتي كره الاماكن المظلمة و المغلقة. بس اعتقد انني لقيت لها حل
فنون: هي مش تقوقع و هروب علي قد ما هي صداع
عارفة لما واحد يبقي مصدع و عايز يخش ينام ساعتين و محدش يصحيه
اهو ده نفس الإحساس
صدعت من كتر التفكير و عايز اخدلي يومين أجازة جوه اي حوت
بس بما انني بواجه مشكلة الاماكن المظلمة قررت ان الحوت اللي يبلعني يكون من بتوع مجلة ميكي
الواحد يلاقي كرسي و شمعة و ترابيزة و جو اخر دلع
أذكر في احدي المغامرات واحد بلعه حوت لقي بنت جميلة جوه و اتجوزوا و عاشوا في تبات و نبات
Post a Comment