Life is a big multiple choices question
دي إحدى نظرياتي من حوالي 5 سنين
انا شايف الحياة إختيارات..دايمآ في كل موقف بنتعرض له بيكون متاح سيناريوهات متعددة ممكن نتصرف بها في الموقف ده
بس إحنا برد فعلنا اللي بنختار السيناريو اللي يناسب شخصيتنا و يعدل الاحداث عشان يوصلنا لموقف تاني نختار فيه
treesحاجة كده اشبه بنظام الـ
اللي درسته في حوارات الداتابيز و انا في الكلية
if yes >
if no>
كل إختيار بيوديك علي حاجة تانية في البرنامج
ساعات بنتحط قدام مواقف صعبة..الإختيار فيها بيكون شبه مستحيل
لان كل سيناريو متاح بيكون له الدوافع اللي بتدعمه
الرغبة في إثبات الذات..الرغبة في إرضاء الغرور..الرغبة في راحة البال..الرغبة في المخاطرة..الرغبة في التخلص من ضغوط
بس كان في مرة شاب تايه و سايب بلده و بيجوب البلاد المحيطة به بلا هدف ولا عارف يعيش فين..قابل حكيم عجوز قال له..بص ورا اللي قدامك
و فضل الشاب ده ماشي و يبص قدامه و مايشوفش حاجة غير جبل عالي و يقول لنفسه العجوز ده مجنون اكيد
لحد ما قابل شاب تايه زيه و مشوا سوا و حكي له قصة الحكيم اللي قال له بص ورا اللي قدامك
و الشاب التاني وافقه الرأى ان اكيد العجوز ده بيخرف
و فجأة قرروا يقفوا مكانهم و يتأملوا المكان حواليهم
بصوا تاني للجبل و فكروا شوية
يا تري ايه اللي ورا الجبل؟
طلعوا فوق الجبل و شافوا اللي وراه
ارض خضرا ساحرة فيها بحيرة و مليانة اكل
و هنا فهموا السر وراء نصيحة العجوز للشاب
و إستقروا في المنطقة دي عشان يعيشوا احلي ذكريات حياتهم فيما بعد
ممكن يكون اللي قدامي جبل..بس انا هبص ورا اللي قدامي..حد حابب يبص معايا؟
