سحقآ للأوغاد في جهينة
سحقآ للأوغاد في السوبرماركت اللي حاول يبيع لي علبة لبن جهينة
سحقآ للبقرة التي أنتجت لبن جهينة من الأساس
لبن جهينة تم منعه من التداول لانه مخالف لشروط التصنيع الصحية و حسب ما سمعت فيه بلاوى في العلبة
حاجة اشبه بفضيحة مصنع اللبن بتاع فيلم جاءنا البيان التالي
لو دخلت سوبر ماركت و مالقتش علب لبن في طريقك هتقول للراجل عايز علبة لبن إنجوي..هيقولك سوري معندناش غير جهينة
بيحاولوا يصرفوا البضاعة بأى طريقة
من شوية كنت بطلب حاجات من السوبر ماركت..فقلت لهم عايز علبتين لبن إنجوي
رد الرجل و قاللي سوري يا فندم مفيش إنجوي
قلت له جهينة ع البلاك ليست مش كده؟
قاللي ايوه جهينة اتمنع من السوق
نزلت زي الشاطر و قلت الف ع المحلات
كل ما اخش الاقي جهينة علي الارفف و مفيش اي نوع تاني لا بيتي ولا انجوي ولا بخيره ولا حتي نيدو للأطفال في 6 شهور
كلهم معندهمش غير جهينة..بيصرفوا البضاعة الخربانة
لحد ما لقيت محل في شارع جانبي دخلته لقيته سوبر ماركت ضخم و رجل تقي قاعد علي الباب و قاللي ايوه يا بني
قلت له علبتين لبن انجوي لو سمحت
قاللي امشي قدام علي ايدك الشمال
بصيت لقيته راصص ييجي 50 علبة انجوي و زيهم قزايز بيتي
كإنهم هيعدموا البقر بكرة و اللي مش هيشتري لبن النهاردة هو الخسران
المهم..جيت احاسبه لقيت سعر علبة الانجوي زاد جنيه و نص
بس رجعت البيت مرفوع الرأس و بعمل دلوقتي كوباية شاى بلبن إحتفالآ بصيدي الثمين
و نصيحة ارجو ان تنشروها لكل اللي تعرفوهم
اللي عنده علبة جهينة يرميها في اقرب صفيحة زبالة
لإن صحتك..مش في العلبة دي
2 comments:
لا انت فاهم غلط حضرتك
انجوي باظ من قبل جهينة بكتير
انجوي الشركة افلست وبنك مش عارفه ايه حجز عليه
ومن وقتها مافيش مراقبة جودة
انا عرفت الموضوع دا بسبب حاجة شخصية
اختي جابت علبة عصير جهينة كبير
وجاية بتحط في الكوباية لاقيت العصير نازل كتل مكتلة
راحت قطعت العلبة ودلقت العصير
وبتبص
لاقيت العلبة كلها ضاربة عفن ومكتل من جوا
واحد صديق ليا في نفس الفترة دي تقريبا
كان بردو جايب علبة عصير انجوي كبير
وفتح العلبة وعلى بوقه
طلع في بوقه 2 من ابو شنب
صرصارين يعني
بعد الموقفين دول انا حاولت اوصل للادارة في امجوي عشان اتخامق
قالولي المعلومة اللي انا قولتهالك فوق دي
يعني صحتك اكيد مش في اي علبة خالص
حتي إنجوي؟
مفيش غير انني اجيب بقرة و اربطها في باب التلاجة
Post a Comment