زي النهاردة و في منتصف مايو
من سنتين لما كنت طالب جامعي
كان ده الشهر القاتل بالنسبة لي
كنت بتحول لسوبرمان و مركز خدمة عملاء الطلبة
كنت باعتمد علي برود اعصابي في المذاكرة و التعامل مع الإمتحان
يمكن اصحابي بيتعودوا يشوفوني هادى و لما اتكلم باهزر
لكن في الايام دي كنت بابقي شخص تاني مابيبتسمش
لما اتكلم ابقي غير قابل للنقاش
خصوصآ لو في شغل في مشاريع..مابحبش الغلطات و دايمآ بابقي عايز افضل النتايج
في الوقت نفسه مكنتش مقضيها مذاكرة ليل و نهار
كنت بقعد العب جيمز
ذكريات مهولة مع العاب ساهمت في مسيرتي التعليمية الجامعية
Max Payne 1 & 2
GTA Vice City
Generals - Command & Conquer
و كلها العاب عنيفة و دموية تنم عن مدي إتزاني النفسي و بتعتمد علي التفكير الإستراتيجي و وضع الخطط لتنفيذ المهام
كان تركيزي بيتحول انني اطلع القلق بإنني العب العاب محتاجة تفكير و تركيز
بحيث انني وقت المذاكرة مخي يبقي نشط و جاهز للمعركة الكبري
لان اهم حاجة عشان الواحد يذاكر انه يصفي ذهنه و يتخلص من علاقته بالحياة المحيطة به
يمكن حياتي في الجامعة كانت مليئة بالتصاعدات الدرامية و التغيرات المناخية
بس اعتقد اننا لو قيمنا الـ9 تيرمات اللي قعدتهم في الكلية هنطلع بنتيجة مهمة لخصها جوزيه مورينيو في جملته التاريخية
I'm a special one & I'm fantastic
قابلت في الكلية ناس كتير..اثروا فيا بالسلب و بالإيجاب
ناس حبيتهم و ناس احترمتهم
و ناس كرهتهم و ناس إشمئزيت منهم
أكيد مش هلاقي أفضل من شهر مايو عشان أحكي ذكرياتي في مرحلة الدراسة في سلسلة لا اعلم مدي طولها من البوستات
في تلك السلسلة إن شاءالله هكتب مذكرات سوبرمان متقاعد
عن مغامرات حصلت لي في الكلية اللعينة اللي انا العاشر علي اهم اقسامها و العشرين علي دفعتها بلا فشخرة
To Be Continued...
No comments:
Post a Comment