فاكرين أغنية "ذهب الليل" اللي كانوا قارفيننا بيها زمان و احنا اطفال؟
كانت بتقول
ذهب الليل
طلع الفجر و العصفور صوصو
شاف القطة
قالها بس بس
قالت له نونو
ماما قالت له سيب القطة و خليها في حالها
ساب مدرسته و رمي كراسته و راح جر شكلها
راحت القطة مخربشة ايده لما مسك ديلها
و ادى جزات اللي مايسمعش كلمة ماما تقولها
أشعر ان الاغنية دي لها مدلولات اجتماعية خطيرة
الأغنية دي بتتكلم عن التحرش الجنسي اصلا
الولد شاف البنت ماشية و قالها
"بس بس يا جميل ايه النظام؟"
قالت له "نو نو" بمعني نو انا مش بتاعة معاكسات
فأمه شافته و قالت له يابني اتلم وسيب البنات في حالهم
قام هو مكسر كلامها و زوغ من المدرسة و اول ما شاف البنت جري عليها و قعد يعاكسها
و هي تقوله لو ما اتلمتش هندهلك العسكري
لحد ما مد ايده ع المحظور
هنا قامت قالعة اللي في رجلها و نزلت علي دماغه و الناس اتلموا عليه و نزلوا فيه ضرب بنظام فين يوجعك
و ده جزاء الولد المستهتر اللي ما سمعش كلام امه
No comments:
Post a Comment