هو: عايزك في كلمة
هي: مش فاضية دلوقتي
هو: خلاص..هتصل بيكي بالليل
هي: بلاش نتكلم الليلة
هو: و هو انتي ايه ضمنك ان دي مش اخر ليلة في عمر حد فينا ولا حتي احنا الاتنين
هي: ايه بس التشاؤم ده..عايز ايه؟
هو: انتي اللي عايزة ايه؟ مالك اليومين دول بتتعاملي ع الواقف كده؟
هي: عادى..هي دي معاملتي دايمآ
هو: مش معايا..انتي عارفة كويس ان الكلام ده مايجيبش معايا سكة
هي: و مين قالك انني بدور علي سكة معاك..انا كده و اللي مش عاجبه
هو: اللي مش عاجبه ايه؟ ماتقولي
هي: في ايه؟ انت بتعمل مشكلة و خلاص؟
هو: لا..انا بس فاض بي من انني استحمل معاملتك دي
هي: محدش جابرك تستحملها من الاول اصلا
هو: يا سلام؟ يعني هي بقت كده؟
هي: مش عارفة..ارجوك ممكن مانتكلمش دلوقتي؟
هو: لا..مش ممكن..الا لو قلتي لي مالك
هي بضعف: أرجوك..سيبني في حالي
هو: قلت لك لا..لازم افهم
هي بعد ما بدأت دموعها في النزول: تفهم ايه بس؟
هو بصوت هادى: طيب ماتعيطيش..في ايه حصل دلوقتي؟
هي بصوت باكي: سيبني لوحدي شوية
هو بحنية: لا مش هسيبك..مش هينفع..مالك؟
هي: انت بالذات مقدرش اقولك
هو بضيق: و ده من امتى؟
هي: ماتقفشش و تعملي فيها كرامتك ناقحة عليك..جرب مرة تفهمني
هو بخجل: مش القصد انني اقفش..انا بس متضايق انك مش عايزاني اسمعك
هي بإنهيار اكتر: اسكت بقي
هو يمسح دموعها بكفه: مش هقدر اسكت..فهميني بقي بتعيطي ليه؟
هي بصوت مخنوق بالدموع: بعيط عشان بحبك..بحبك و انت مش مهتم حتي بكل اللي باعمله عشان ابين لك ده..إرتحت؟ خلتني اعترفت لك و انجرحت اكتر؟ سيبني بقي
هو: يا عبيطة..بقي كل ده عشان بتحبيني؟ و كمان عايزاني اسيبك؟
هي: اه..سيبني لوحدي دلوقتي
هو: لا..مش هسيبك..لا دلوقتي ولا بعدين
هي: يعني ايه يعني؟
هو: يعني انا كمان بحبك يا اهبل و اطيب و احلي بنت قابلتها في حياتي..و نفسي اقولك ده من سنة
هي بصوت ممزوج بالضحك و بقايا العياط: يا سلام..و سكتت ليه كل ده؟
هو: سكتت عشان مفيش حاجة..خلاص خلصت فيك الحب
هي بضحكة طفولية: انت غلس بجد
هو: و انا بحبك اوى..بجد
جميع الحقوق محفوظة لشركة سلتو للإنتاج الفني
© 2008
© 2008
8 comments:
حلو الحب :)
كويس انك المرة دي ماقلتيش نفسي ارجع صغيرة :D
كنت هقولها هههههههههههههههههههههههههههههههههههههههههههههههههههه
والله كنت هقولها بس قولت اغير :)
انتي لازم تراجعي بطاقتك كويس..اكيد في معلومة واصلة لك غلط متعلقة بتاريخ ميلادك :D
مش رقم يا سلطان
مشكلتي مش مع عمري كرقم
انا حاسة اني كبرت اوي
نفسيا :)
ما البني ادم جواه شوية بني ادمين من مختلف الفئات العمرية..واحد بيصحي و التانيين يناموا
يبقي صحي الطفلة اللي جواكي و عيشيها بمعيلة :D
يا الله يامحمد
حلوووووووة بجد
أول مرة أقراها..
تحياتي لك
شكرآ يا الاء :)
Post a Comment