العجوز: غلطاتك كترت اوى
الشاب: عارف
العجوز: و ليه كده؟
الشاب: مش عارف
العجوز: تصرفاتك الاخيرة صدمتني
الشاب: عارف
العجوز: و كنت بتعملها عن عمد؟
الشاب: مش عارف
العجوز: يا إبني لما تبقي ماتعرفش تحكم علي تصرفاتك تبقي انسان مغيب
الشاب: عارف
العجوز: و ايه اللي مخليك مغيب و مش دريان بحالك؟
الشاب: مش عارف
العجوز: لا حول ولا قوة الا بالله..انت حالتك بقت صعبة يا ابني
الشاب: عارف
العجوز: كنت شاب زي الفل و نموذج للشاب اللي اهله يفخروا به..ايه اللي حصل لك؟
الشاب: مش عارف
العجوز: حبيبتك اللي الكل كان بيضرب بحبها لك المثل..زهقت منك و سابتك
الشاب: عارف
العجوز: و انت ليه سبتها تمشي من غير ما تحاول تحافظ علي اللي كان بينكم؟
الشاب: مش عارف
العجوز: دي كانت بتحبك اوى
الشاب: عارف
العجوز: و انت..كنت بتحبها؟
الشاب: مش عارف
العجوز: دي اتقدم لها عريس و اهلها موافقين عليه
الشاب: عارف
العجوز: و هي منهارة و رافضاه و متمسكة بك..هتعمل ايه يا فالح؟
الشاب: مش عارف
العجوز: ايه اللامبالاة اللي انت فيها دي..كل ما اقولك حاجة تردلي بعارف و مش عارف..انت سلبي اوى
الشاب: عارف
العجوز: و لما انت عارف و مستسلم كده..جيت لي ليه؟
الشاب: مش عارف
العجوز: بص يا ابن الناس..انا عارف مشاكلك كلها..مش مستنيك تحكي لي..بس كل اللي املك اعملهولك هو انني انصحك
الشاب: عارف
العجوز: و ياتري بعد ما انصحك هتعمل بكلامي ولا هيطلع من ودنك التانية؟
الشاب: مش عارف
العجوز: حيرتني و انا صبرت عليك كتير النهاردة..انت لما تطلب نصيحتي و انت مش ناوى تنفذها تبقي بتضيع وقتي و وقتك
الشاب: عارف
العجوز: ربنا يعافيك من اللي فيك..طيب هتسيب نفسك كده لامتى؟
الشاب: مش عارف
جميع الحقوق محفوظة لشركة سلتو للإنتاج الفني
© 2008
© 2008
3 comments:
wise man say .. only fools rush in
but i can't help falling in love with you
المفروض تسمي الموضوع دا كدا
جميل يا سلتو استمر
ربنا يخليكي يا فاطمة..ماجالكيش ملل من الراجل؟ :D
جالي ملل من الشاب اللي مش عارف حاجة
Post a Comment