هو: عارفة..انا كان دايمآ عندي احلام كتير و خيالية صعب تتحقق..حاسس ان ربنا بعتك لي عشان تبقي احلي حلم ينسيني باقي الاحلام
هي: ماتخليك طماع و تحقق حلم منهم
هو: بس انا حلمي كبير اوى
هي: بسيطة..حققه
هو: تحقيقه مش سهل..و ظروفي و امكانياتي مايسمحوش
هي: بص..اللي عايز حاجة بيعملها مش بيفرق معاه حاجة
هو: ده كلام انشاء..لكن الواقع عكس ده
هي: ليه؟ انت ماسمعتش عن الناس اللي بيموتوا و هم مسافرين ايطاليا؟
هو: اه..لكن دول مهاجرين غير شرعيين
هي: مش مهم صفتهم ايه..المهم انهم خاطروا بحياتهم عشان يوصلوا لحلمهم..منهم اللي وصل و منهم اللي غرق
هو: اديكي قلتيها..غرقوا و ماتوا..بعدين اللي عملوه ده جريمة
هي: مايهمنيش..المهم انهم ماتوا و هم بيحققوا حلم
هو: ده بدل ما تقوليلي ان شاءالله تلاقي الطريق السليم اللي يوصلك لحلمك؟ انا مش مصدق انك انتي اللي بتقولي كده
هي: ليه يعني؟ عشان مش رومانسية زيك و بتكلم بالعقل؟
هو: عقل ايه؟ انتي كل اللي قلتيه ده جنان
هي: المجنون هو اللي يرفض يجرب كل الطرق عشان يوصل لحلمه
هو: يعني عايزاني اسرق ولا ازور عشان اقدر اوصل لحلم من احلامي؟
هي: لو ده هيخليك انسان له لازمة اعمل ده
هو: ليه؟انتي شايفاني ماليش لازمة
هي: مش قصدي..لكن اقصد انني نفسي انك توصل و تبقي ناجح..ياريت تفكر كويس في كلامي
هو: انا فعلا فكرت دلوقتي..و اول حاجة اتأكدت منها انك طلعتي وهم..حلم فاسد مايصحش اكمله
هي: ماتخليك طماع و تحقق حلم منهم
هو: بس انا حلمي كبير اوى
هي: بسيطة..حققه
هو: تحقيقه مش سهل..و ظروفي و امكانياتي مايسمحوش
هي: بص..اللي عايز حاجة بيعملها مش بيفرق معاه حاجة
هو: ده كلام انشاء..لكن الواقع عكس ده
هي: ليه؟ انت ماسمعتش عن الناس اللي بيموتوا و هم مسافرين ايطاليا؟
هو: اه..لكن دول مهاجرين غير شرعيين
هي: مش مهم صفتهم ايه..المهم انهم خاطروا بحياتهم عشان يوصلوا لحلمهم..منهم اللي وصل و منهم اللي غرق
هو: اديكي قلتيها..غرقوا و ماتوا..بعدين اللي عملوه ده جريمة
هي: مايهمنيش..المهم انهم ماتوا و هم بيحققوا حلم
هو: ده بدل ما تقوليلي ان شاءالله تلاقي الطريق السليم اللي يوصلك لحلمك؟ انا مش مصدق انك انتي اللي بتقولي كده
هي: ليه يعني؟ عشان مش رومانسية زيك و بتكلم بالعقل؟
هو: عقل ايه؟ انتي كل اللي قلتيه ده جنان
هي: المجنون هو اللي يرفض يجرب كل الطرق عشان يوصل لحلمه
هو: يعني عايزاني اسرق ولا ازور عشان اقدر اوصل لحلم من احلامي؟
هي: لو ده هيخليك انسان له لازمة اعمل ده
هو: ليه؟انتي شايفاني ماليش لازمة
هي: مش قصدي..لكن اقصد انني نفسي انك توصل و تبقي ناجح..ياريت تفكر كويس في كلامي
هو: انا فعلا فكرت دلوقتي..و اول حاجة اتأكدت منها انك طلعتي وهم..حلم فاسد مايصحش اكمله
جميع الحقوق محفوظة لشركة سلتو للإنتاج الفني
© 2008
© 2008
10 comments:
انا شايفة ان هي اللي عندها حق مش هو
هو عايز الحاجة تيجي لحد عندو والا مش هيتحرك
وهي شايفة ان اللي عايز حاجة يروحلها برجليه وميقعدش يحسب ويقول مش قادر وكلام عبيط
من الاخر هو اللي واقع فاشل مينفعش هي تعيشه مش هي اللي وهم فاسد
إيه ده..طب ممكن سؤال ؟!
هو ليه من ((موقف واحد)) أو(( مناقشة واحدة))..((فجأة فكر)) وحكم بكدة !!
آسفة مرة تانية لتدخلي..معلهش
آسفة..
هو مسابهاش عشان قالتله اسعى ورا حلمك
بس هى ميكافيليه حقيره
شايفه ان الغايه تبرر الوسيله
مهما كانت الوسيله .. مشروعه او مش مشروعه
هو عايز يحاول بس فى الطريق السليم
هى شايفه انه يسرق ... لو ده هيوصله
ممكن يكون مستسلم و عايز يمشي جنب الحيط و يحلم على قده
بس معندوش استعداد يبيع نفسه للشيطان عشان يوصل
ومش موضوع موقف واحد
بس ده فكر و دماغ و طريقه تفكير
لو حد شايف ان السرقه طريق صح
يبقي حد ملوش امان .. عشان اللى يبيع نفسه
مش هيشترى اى حد و سهل عليه يبيع فى اى وقت اى حد
فاحسن له يبعد عنها
بصراحة انا شايف ان البنت دى 10 على 10 و بجد الواحد محتاج واحدة زى دى فى حياته .. مش محتاج واحدة بتحب الدباديب و شغل الفاكسين دا :D
بالنسبة للجزء اللى أثار جدلا واسعا فى الصحافة المصرية و الماسنجر المصرى .. البنت لما قالت لو السرقة و النصب حيخليك بنى أدم أسرق .. و دا يرجعنا لمفهوم البنى أدم .. هيا لو عايزاه بنى أدم محترم و هوا محترم مش حيسرق بس حيشتغل و دى أستعارة مكنية .. لو عايزة فلوس و خلاص و مادية يبقى الطيور على أشكالها تقع
و دمتم :D
الواد سلبى و ينرفز
حد مستعد يتخلى عن احلامه عشان كبيره
و مش مقتنع ان لو عايز يحقق حلمه هيقدر و شايفه كلام انشا
انا عن نفسي مقدرش استحمل حد كده
وهى طموحه و عايزه تحقق احلامها مش تنساها
بس المشكله ان الاتنين غلط
بس هو بس هياذى نفسه
و هيضيع مستقبله هو
لكن هى معندهاش مانع تدوس على اى حاجه و تأذى اى حد عشان توصل
فخطره هو اقل
تعقيب من الكاتب و المنتج :
انا سعيد ان في جدل و نقاش..لان ده دليل ان الحمدلله القصة عجبت اللي قروها
الشخصيتين وحشين..و هم نقيضين متضادين
هو بدل ما "يأيف" احلامه علي مقاسه قال بخ كده و كفاية عليا البنت..اللي طلعت في الاخر وهم مش حلم
هي ميكافيليه حقيرة زي ما نانسي وصفتها..عايزة توصل و خلاص ايا كانت الغاية و المبررات
و زي ما العنوان بيقول "خلص الكلام كله" يعني الاتنين اتحطوا عند النقطة بتاعة عدم الالتقاء بعد كده اللي مفيش بعدها كلام يتقال و هي دي فكرة القصة
طيب أنا آسفة للتدخل وسطكم
ممكن سؤال
هو إيه أصل الكلمة دي
ميكافيليه
معلهش آسفة
من غير اسف ولا حاجة :)
الميكافيليه دي نسبة لفيلسوف ايطالي في القرن الـ15 كان اسمه نيقولو ميكافيلي هو مخترع قاعدة
"الغاية تبرر الوسيلة"
اها..طيب شكرا :)
tanx 3la elma3loma ya Prince..
t7yaati
Post a Comment