المشهد الاول
هي: إهيء إهيء..انا بجد مش عارفة عملت كد إزاى..و إزاى بالسهولة دي سابني
الصديقة: لأ..إوعي تلوميه..لومي نفسك..انتي اللي وصلتيها لكده
هي: بس ده حب 8 سنين يا ماجي..انا فتحت عيني عليه..معرفش احب غيره..ولا اعيش من غيره
الصديقة: ما انتم ياما اتخانقتوا عشان حتة نشفان الدماغ دي
هي: انتي عارفة دماغي لما تقفل بابقي جزمه و غبية و حماره
الصديقة: انتي عارفة ان من و انتم عيال صغيرين مسئولة منه..طول عمره هو اللي بياخد باله منك..إزاى تيجي دلوقتي تقولي له انت مالكش كلمة عليا؟
هي: عشان انا حمارة..انا حمارة..إهيء إهيء
الصديقة: طيب إهدي انتي بس..و انا هحاول اتكلم معاه
المشهد التاني
ام البنت: يا سلوي احنا مش لازم نسيب العيال الهبل دول يضيعوا مستقبلهم..أنا و انتي عارفين انهم ماينفعش يكونوا غير لبعض
ام الولد: انا لو عليا عايزة اخنق الاتنين من رقبتهم..جايين قبل كتب الكتاب بإسبوع و يتخانقوا الخناقة التافهة دي؟
ام البنت: انا مش فاهمة ايه اللي جرالهم..أكيد عين صابته..ما طول عمرهم بيتخانقوا و يتصالحوا..و كانت بتبقي حاجات اكبر من كده..إيه اللي جري المرة دي؟
ام الولد: انا هكلمه و أحاول الين دماغه..و انتي كلميها و إقنعيها تحاول تصالحه و تاكل دماغه..و ربنا يقدم اللي فيه الخير..انا تعبت من لعب العيال بتاعهم ده
المشهد التالت
ام الولد: كريم..إنجي علي التليفون..بتقولك إنت مابترد علي الموبايل ليه؟
هو: مش عايز اكلم حد
ام الولد: يابني إخزي الشيطان و قوم كلم خطيبتك
هو: مش هكلمها يا ماما..و هي خلاص مش خطيبتي..و أرجوكي قولي لها ماتحاولش تتصل بي
المشهد الرابع
الصديقة: كريم..إنجي حاسة انها غلطانة و حالتها وحشة جدآ
هو: يعني انتي شايفاني انا اللي حالتي عدلة؟
الصديقة: طيب مادمتم انتم الاتنين تعبانين عشان سبتم بعض..إرجعوا
هو: لا خلاص..معدش ينفع يا ماجي
الصديقة: إيه اللي قل نفعها بس؟ انت بس تلاقيك محموق و راكب دماغك
هو: فعلا..انا راكب دماغي..عشان لما أخدت القرار كنت واخده بإقتناع..و انا لما باخد قرار بإقتناع مابرجعش فيه
الصديقة: ما بلاش العند بتاعك ده
هو: هي اللي ابتدت العند..و عندت في حاجات ماينفعش تعند فيها..الراجل راجل..و البنت بنت..كلام المساواة و ان البنت زي الولد ده يتقال في التليفزيون
الصديقة: مش عارفة اقولك ايه..بس هي غلطانة و معترفة بغلطها و بتعتذر لك
هو: و انا مقدرش ما اسامحهاش..بس القرار اللي اخدته مش هرجع فيه
الصديقة: طيب هي كان عندها عشم كبير انني ارجع لها بخبر حلو..مش عارفة اقولها ايه
هو: قولي لها كريم بيقولك مش هيحب بعدك..و مش هيتجوز غير جواز تقليدي..قعدة صالون و فرح...لكن قلبي انا قتلته و دفنته مع الموضوع اللي اتدفن..و من قلبي بدعي ربنا يوفقك لانك اصلا تستاهلي حد احسن مني..بس إحنا معدناش ننفع لبعض
...و تبقي النهاية مفتوحة
جميع الحقوق محفوظة لشركة سلتو للإنتاج الفني
© 2008
18 comments:
إيه ده..ده حرام عليه
((بعد إذنك أرد بس ..معلهش :) ))
يعني ولد وكمان فاسخ الخطوبة وبيتأمر..
المفروض إن البنت هي اللي تفسخها وتتأمر :O
لا وكمان هي بتعيط وهو مش موافق :S
وكمان بتعيط علشان ترجع له
وهو مش موافق :O
كرامتها بقى :O
هو قرر يبعت لها انها هيتجوز جواز صالونات..يا سلام :O
دي تروح تتجوز حالا :O
هو قاعد يتأمر ليه :O
.........
بعد إذنك اتدخلت ورديت معلهش
اموت انا في النكد ده
نكد علينا كمان وكمان يا سولتو
آسفة معلهش لو ضايقتكم بالردود في المدونة بجد :)
سما مصر 1: واضح انك متحيزة بشدة للبنات..رغم ان في الجزء الاول من القصة البنت راكبهاالغلط و هي اللي وجهته لحتة فسخ الخطوبة
انصحك تقري الجزئين تاني يمكن تغيري رأيك في الولد وا لبنت :D
مارو: مارديتيش غير في قصص النكد..واضح انك بتعزيه زي عينيكي :D
سما مصر 2: بدون اسف خالص..ردي زي ما انتي عايزة و براحتك
لا والله قريتها..وإن هي عندت معاه وكدة
وفي النهاية برضه شفت انها قالت له..إن من غير ما يقول برضه الموضوع ده منتهي
بس..
هما ليه بينهوا كل حاجة كدة من موقف واحد برضه
مهو برضه بينهم حب..
و..صعب على البنت..إن الولد..هو إللي ينهي موضوع زي موضوع الجواز ده
متهيألي صعب قوي على البنت
هي في الجزء التاني تقريبا متدمرة
وهو بسهولة بيقول كدة..
صعب على أي بنت كدة :)
مش عارفة يمكن أنا غلطانة برضه في الفهم بدون قصد :)
..
شكرا ليك :)
ومدونتك والله جميلة جدا..بجد مش نفاق والله أبدا
إممم..بلاش كلمة من غير نفاق دي
هم مش بينهوا كل حاجة في لحظة واحدة..لكن القصة بتركز علي اللحظة الاخيرة..لحظة الفراق
متشكر لذوقك و رأيك في المدونة :)
يعني هي لحظة..بتكون أخيرة..وبتكون لحظة فراق
يعني..هما..قابلوا مشاكل كتيرة
ولازم تيجي اللحظة دي..
القشة اللي قصمت ظهر البعير..صح
بس مهو..هما في الاساس بيحبوا بعض
ليه تبقى كل حياتهم مشاكل
وليه مش تتم؟
ليه ..مش عارفة ليه ايه
بس ليه مفيش قصة حلوة..
غير لما يكون مش مترتب لها
يعني..
القدر بيمشيهم كلهم ..صح
يحبوا بعض..ويرتبطوا عن حب
والقصة دي مش تكمل..صح..
آسفة..ممكن بقول أي كلام فعلا
بص..هو حضرتك اللي كاتب القصة وعارفها
انا مش عارفة
اسفة :)
شكلها هتبقى زي المسلسلات :D بقول أي حاجة مش مشكلة معلهش :D
انا اكتر بني ادم بيكره مواقف الفراق..لو عليا عايز اخلي كل الناس يعيشوا قصص حب سعيدة :)
بس الفكرة ان القصص دي معظم احداثها خيال عشان كده مش بيصعبوا عليا :D
بس حتي في الواقع..بيحصل الفراق ده..لان الحب و الارتباط ده قسمة و نصيب
للأسف الواحد بيشوف في الواقع حاجات اسوأ من القصص دي
بعدين ما في كام قصة حب حلوين كاتبهم في الاول..دول بيوزنوا مع دول :D
صح..هي دي اللي فهمتها وطلعت منها من القصة
القسمة والنصيب برضه
بقول أي رد غبي معلهش :D
طيب ليها جزء تالت صح :D
القدر يلعب لعبته في الجزء التالت :D
والاتنين يتجوزوا اتنين تانين
ويتطلقوا..
ويتقابلوا بعد كام سنة تاني
ويكتشفوا انهم غلطانين
ويرجعوا لبعض
تمام :D
آخرتها ايه كدة :D هينسوا بعض
هي المهم..لسة أجزاء قدام ليها صح :)
شكرا..ومعلهش والله على ردودي دي غبية جدا معلهش :)
لا مفيش جزء تالت..زي ما قلت النهاية مفتوحة :D
يعني كل واحد يسرح بخياله و يحط النهاية اللي يحبها للقصة :)
danta 3ayel mot3eb.. na2sak heya aslaha :D
يا عم خلي الشعب يستمتع :D
سولتو سيبك من اي حد
انا بعشق الي بتكتبه
بجد بجد مش عارفه اعلق غير انك عبقري في الكتابه
ليك اسلوب بيخليني اقرا مواضيعك مرتين و تلاته
نغنغ..ربنا يخليكي ع الكلام الحلو
ده..كلك ذوقك يا ضنايا :D
طول عمري زوق يا واد :D
و لا انت ناسي (H)
Post a Comment