انا مش فيلسوف..ولا واعظ
و يمكن اكون ماجبتش التايهة
انا بس عندي رأى و فكرة
دلوقتي إحنا في رمضان
يعني الشياطين متسلسلة
يعني أي واحد فينا بيغلط اي غلط مش بيكون بسبب الشيطان و جوجوجوجوجو
ده عشان نفسه هي اللي امرته بده
يعني الغلط نابع من قلب و عقل البني ادم بكامل إرادته
إتعود علي الغلط يعني
يعني اللي مابيصومش مش بيعمل كده عشان الشيطان بيوسوس له
ولا الكائن العجيب اللي كان معبي اسانسير البيت دخان سجاير النهاردة الصبح كان الشيطان ضاحك عليه
ده هو اللي عمل كده..نفسه اتعودت علي الغلط
محدش فينا ملاك
بس كل اللي حابب اوصل له
انك لما تعمل حاجة غلط في رمضان - ماهو محدش معصوم من الخطأ- إعرف ان الغلط ده نابع من جواك انت
لانك لوحدك بدون شيطان
و اعتقد ان تهذيب النفس في رمضان بيقوم علي الجزئية دي
انك تنضف من الحاجات اللي نفسك بتعملها بدون وسوسة شيطان
اعوذ بالله من الشيطان الرجيم و من شر النفس الامارة بالسوء
هذا هو ديني..هذه هي حياتي..mbc
1 comment:
ممكن أعلق :)
كان فيه..في الأخبار..في ملحق السبت :)
حاجة زي كدة..يعني..
المهم..في الآخر كان بيقول هو
إذا..فلا يلزم من تصفيد الشياطين أن لا يقع شر ولا معصية..لأن لذلك أسبابا..غير الشياطين..كالنفوش الخبيثة..والعادات القبيحة...والشياطين الإنسية..............
فافتركت موضوع حضرتك :)
Post a Comment