الاسبوع اللي فات مريت بحالة نشاط فنى زائدة
و كنت محظوظ انني في 3 ايام متتاليين اشوف 3 عروض فنية رائعة
السبت
فيلم الفرح
نزلته من ع النت
الصوت ممتاز و الصورة مش وحشة
القصة تدور في حي عشوائي بجد -مش من بتوع خالد يوسف- عن مجموعة ابطال مطحونين
الابطال دول كلهم بيجمعهم شيء واحد..الفرح
خالد الصاوى بيخترع فرح وهمي لاخته الوهمية بهدف انه يلم النقطة و بفلوسها يشتري الميكروباص اللي بيحلم به
و الافراح دي معروفة باسم "الجمعية" نسبة للجمعيات اللي الناس بيعملوها و كل شهر شخص يقبضها
اللي بينظم الجمعية دي متعهد افراح و كل شهر واحد بيعمل فرح و يلم فلوس
و العريس و العروسة بيكونوا متأجرين
الشخصيات اللي جوه الفرح ورا كل واحد منهم قصة..و بيحصل اثناء الفرح ان ام صاحب الفرح اللي قاعدة في البيت بتتعب..فمراته بتروح له و تاخده علي البيت و يروحوا يلاقوها ماتت
فبيطلب ان الفرح يقف و بيجتمع في بيته مع متعهد الفرح..و النباطشي اللي بيحيي الفرح و العريس و بيقرروا انهم يخبوا الخبر و الفرح يكمل عشان يلم فلوسه
و بيرجعوا للفرح و يكملوه فبتحصل احداث و صدمات كتير متصاعدة و متتالية
لحد ما يخلص الفرح
و ينتهي الفيلم بمشاهد بتعرض النهاية اللي كان ممكن تحصل لو البطل رفض يكمل الفرح بعد موت امه
الفيلم قالب احداثه متشابه بشدة مع كباريه و ان اختلفت التفاصيل
و في المجمل هو فيلم مختلف و ممتع
الأحد
فيلم العالمي
الصوت ممتاز و الصورة مش وحشة
القصة تدور في حي عشوائي بجد -مش من بتوع خالد يوسف- عن مجموعة ابطال مطحونين
الابطال دول كلهم بيجمعهم شيء واحد..الفرح
خالد الصاوى بيخترع فرح وهمي لاخته الوهمية بهدف انه يلم النقطة و بفلوسها يشتري الميكروباص اللي بيحلم به
و الافراح دي معروفة باسم "الجمعية" نسبة للجمعيات اللي الناس بيعملوها و كل شهر شخص يقبضها
اللي بينظم الجمعية دي متعهد افراح و كل شهر واحد بيعمل فرح و يلم فلوس
و العريس و العروسة بيكونوا متأجرين
الشخصيات اللي جوه الفرح ورا كل واحد منهم قصة..و بيحصل اثناء الفرح ان ام صاحب الفرح اللي قاعدة في البيت بتتعب..فمراته بتروح له و تاخده علي البيت و يروحوا يلاقوها ماتت
فبيطلب ان الفرح يقف و بيجتمع في بيته مع متعهد الفرح..و النباطشي اللي بيحيي الفرح و العريس و بيقرروا انهم يخبوا الخبر و الفرح يكمل عشان يلم فلوسه
و بيرجعوا للفرح و يكملوه فبتحصل احداث و صدمات كتير متصاعدة و متتالية
لحد ما يخلص الفرح
و ينتهي الفيلم بمشاهد بتعرض النهاية اللي كان ممكن تحصل لو البطل رفض يكمل الفرح بعد موت امه
الفيلم قالب احداثه متشابه بشدة مع كباريه و ان اختلفت التفاصيل
و في المجمل هو فيلم مختلف و ممتع
الأحد
فيلم العالمي
كان في دماغي افلام اجنبي كتير شفتها عن الكورة بما فيها فيلم "جول" اللي مؤلف الفيلم صرح انه تأثر به فقرر يكتب فيلم مصري مشابه بس بملامح انسانية اكتر
و الحقيقة الراجل ماكدبش
الفيلم بيحكي قصة صعود لاعب كرة قدم بس بمنظور انساني و بنشوف حياته الشخصية من ايام الطفولة
لحد ما وصل لانه يبقي لاعب عالمي بيوصل بمصر لكاس العالم
الفكرة نفسها جديدة.."انسنة" البطل..و دي حاجة احنا مش متعودين عليها
البطل شخص غير مثالي نشأ في مناخ غير مثالي
طريقة السرد و المزج بين الواقع و الفلاش باك كانت ممتعة
حياته كلاعب اتعملت بطريقة حلوة و كعادة اللاعب المصري..حياته ماشية بالعواطف و الحظ
و زي اى لاعب كرة بيلاقي حواليه معجبات و شهرة...بيصاحب ابراهيم سعيد و يسهر معاه ليلة معسكر المنتخب
قصة صعوده كلاعب كرة قدم متاخدة من قصص مهاجمين منتخب مصر
حتة من محمد زيدان علي حتة من ابوتريكة علي حتة من ميدو علي حتة من عماد متعب علي حتة من عمرو زكى
تم تغليف ده كله بظهور عدد مهول من الشخصيات الكروية المحلية و العالمية
مع واقعية شديدة في الاحداث خلت في مصداقية للفيلم
قبل الفيلم كنت متخوف ان اداء الممثلين يفسد الفيلم..بس احمد مدحت قدر يختار ممثلين صح و يتحكم في اداءهم
خالد حماد كان في منتهي التألق في الموسيقي التصويرية و من اول ثانية في تتر البداية قدر يشدني
و الحقيقة الراجل ماكدبش
الفيلم بيحكي قصة صعود لاعب كرة قدم بس بمنظور انساني و بنشوف حياته الشخصية من ايام الطفولة
لحد ما وصل لانه يبقي لاعب عالمي بيوصل بمصر لكاس العالم
الفكرة نفسها جديدة.."انسنة" البطل..و دي حاجة احنا مش متعودين عليها
البطل شخص غير مثالي نشأ في مناخ غير مثالي
طريقة السرد و المزج بين الواقع و الفلاش باك كانت ممتعة
حياته كلاعب اتعملت بطريقة حلوة و كعادة اللاعب المصري..حياته ماشية بالعواطف و الحظ
و زي اى لاعب كرة بيلاقي حواليه معجبات و شهرة...بيصاحب ابراهيم سعيد و يسهر معاه ليلة معسكر المنتخب
قصة صعوده كلاعب كرة قدم متاخدة من قصص مهاجمين منتخب مصر
حتة من محمد زيدان علي حتة من ابوتريكة علي حتة من ميدو علي حتة من عماد متعب علي حتة من عمرو زكى
تم تغليف ده كله بظهور عدد مهول من الشخصيات الكروية المحلية و العالمية
مع واقعية شديدة في الاحداث خلت في مصداقية للفيلم
قبل الفيلم كنت متخوف ان اداء الممثلين يفسد الفيلم..بس احمد مدحت قدر يختار ممثلين صح و يتحكم في اداءهم
خالد حماد كان في منتهي التألق في الموسيقي التصويرية و من اول ثانية في تتر البداية قدر يشدني
ياسين كامل نجح في انه يكتب فيلم تراجيدي مبهج و اهم حاجة انه مفيهوش ابطال مثاليين
بإختصار..انا معجب بالتجربة اللي في الفيلم ده
بإختصار..انا معجب بالتجربة اللي في الفيلم ده
و دي تالت تجربة مختلفة علي السينما بيقدمها محمد حفظي في سنتين
الإتنين
قهوة سادة..مكتبة الاسكندرية
قهوة سادة..مكتبة الاسكندرية
المسرحية كانت بتعرض ليلتين بس في الاسكندرية
قريت عنها كتير جدآ و كان عندي حماس انني اشوفها
العرض مدته ساعة و نص..و كانوا ساعة و نص من الابداع و الابهار المتواصلين
و كمية تصفيق و ضحك عالية جدآ
قريت عنها كتير جدآ و كان عندي حماس انني اشوفها
العرض مدته ساعة و نص..و كانوا ساعة و نص من الابداع و الابهار المتواصلين
و كمية تصفيق و ضحك عالية جدآ
المسرحية بتتكلم عن السلبيات اللي بقت موجودة في حياتنا..و قبل كل مشهد بيظهر الابطال قاعدين يشربوا قهوة سادة كإنهم في عزاء
و كإنهم بيشربوا قهوة سادة علي السلبية اللي هيناقشوها في المشهد اللى جاى
المسرحية مفيهاش حاجة وحشة
الموسيقي التصويرية و الإعداد الموسيقي رائعين
الإضاءة و استخدامها في العرض ممتاز
الممثلين موهوبين جدآ
و خالد جلال كتب و اخرج عرض مسرحي عبقري..و كفاية ان الابطال كان بيبقي قدامهم 30 ثانية في الظلام قبل كل مشهد يحضروا نفسهم
قهوة سادة حالية فنية تخلي الواحد بعد العرض له نفس يشرب شربات فرح رجوع العروض المسرحية المحترمة
ملحوظة: يوم الاربعاء شفت فيلم 1000 مبروك
بس اظن ان الكتابة عن فيلم لاحمد حلمي بقي مفيهاش شيء جديد ممكن يتقال
كالعادة...أحلي أفلام الصيف
11 comments:
عجبنى اوى الفرح مع انه فى رايى اقل فى المستوى من كباريه..لكن عامة الافلام اللى بتدور حوالين اكتر من شخصية فى يوم واحد بتبقى ممتعة خصوصا لو اتعملت صح..دنيا سمير غانم كانت مفاجاة حقيقية و خالد الصاوى كان ممتع كالعادة
خسارة ان البوست دا اتاخر الكام يوم دول..انا كنت فى اسكندرية الاسبوع اللى فات لو كنت اعرف ان قهوة سادة بيتعرض ما كنتش فوته دا كان عامل انقلاب فى القاهرة و حسب معلوماتى ان دخوله كان صعب جدا
الف مبروك هشوفه انهاردة او بكرة ان شاء الله..بس اللى سمعته انه اقل كتير من اسف على الازعاج
العالمى ما شوفتوش و ما اعتقدش انه هيبقى فى الخطة الخمسية الصيفية الجاية..فيلم كامل عن الكورة تقريبا دى الوصفة السحرية لتعذيبى :D
لسه مشوفتش الفرح .. بيقولوا حلو بس مش فى مستوى كباريه .. شكلى حاخده منك :D
شوفت العالمى .. على ما أعتقد أن الفيلم بطولة صلاح عبد الله و أروى :D
الجزء الاول من الفيلم كان عاجبنى و شدتنى اكتر علاقته بأخته ..الجزء التانى من الفيلم حسيت ان فيه عك و طبخ بسرعة ملهوش لازمة
النص الاول بتعيط عياط رهيب .. النص التانى فرحان و مبسوط و ناقص ترفع علم مصر :D
فيلم حلو .. بس مش جامد و مينفعش فيلم فى الصيف
يوسف كلمنى و قالى أنكوا ريحين قهوة سادة قولتله أن معادها مع معاد الكورس بتاعى :(
1000 مبروك .. أحسن فيلم فى هذا الموسم الغتيت .. فيلم جميل قوى .. كالعادة الواد دا بارع فى أفلام السيكو .. انا من عشاق أفلام السيكو على مر التاريخ .. من أيام i'm sam
لغاية أسف على الأزعاج .. بحسنى فيها :D
كالعادة ماشفتش ولا فيلم
ولا شكلي هشوف غير لما تنزل في موقع الأفلام
بس دخلت اتطمن
اخبار مارينا ايه احكيلي :D
ياسمين
الفرح فعلآ أقل في المستوي من كباريه
حسيت انه فيه إستغلال لنجاح الفكرة
كويس ان عادل امام عمل فيلم المولد..لانه كان هيبقي فرصة لصناع الفيلم يعملوا جزء تالت بما انهم بيحبوا الاماكن اللي فيها دوشة :D
انا برضه عجبني في الفيلم خالد الصاوى..حاسس ان الدور ده خطوة كويسة بعد دوره العبقري في فيلم ميكانو
و عجبني في دور دنيا سمير غانم اخر مشهد لها..كانت هايلة و هي عمالة تكلم باسم سمرة و انفعالاتها عمالة تتغير
من اهم الحاجات اللي يفضل انك تعمليها قبل ما تسافري الاسكندرية انك تشوفي جدول حفلات مكتبة الاسكندرية خصوصآ في الصيف عشان ماتكرريش تجربة تفويت قهوة ساده :D
تقريبآ كل اسبوع في حفلة تستاهل ان الواحد يروحها
و الغريب ان التذاكر متوافرة لحد قبل الحفلات..و دي حاجة ماكنتش بتحصل في حفلات الشتاء
بس اظن المسرحية هتتعرض تانى في القاهرة..جربي انك تحجزي قبلها بكام يوم..لانها حاجة ماتتفوتش
العالمي مش فيلم كورة خالص..ده فيه خط تراجيدي حلو جدآ
اعتقد انهم لو غيروا مهنة البطل لاى مهنة تانية فيها شهرة..الفيلم مكنش هيتأثر
العالمى تجربه حلوة و فيلم مؤثر بجد..يعني عياط و دموع و الكلام ده
:D
قباري
مش لما اشوفك الاول ابقي اديلك الفيلم..شهر بنظبط في يوم و انت علي طول الموضوع فاكس منك :D
العالمى زي ما انت قلت..بطولة صلاح عبد الله
الراجل عامل دور فظيع و مختلف عن اى حاجة قدمها قبل كده
و البطلات كلهم حلوين و قمامير..سواء اروي او رحمة او الكام بنت بتوع اسبانيا
ابقي فكرني احكي لك علي لقاء تامر امين مع اسرة الفيلم :D
و طبعآ 1000 مبروك هو اللي في الموسم فعلآ
حلمي عمل شوية مشاهد بعيدة عن الكوميديا..رهيييييبة
و إختيار الممثلين كان مفاجأة بكل الحسابات و المقاييس
بس مش حاسس ان الفيلم ده مبني علي جو السايكو اللي كان عامله في اسف علي الإزعاج
يا خوفي من كتر حبك للأفلام السايكو تتحول لبني ادم سيكوباتي :D
سـاره
نص الافلام موجودين علي النت بصورة و صوت حلوين جدآ..هبقي ابعت لك اللينكات :D
بالنسبة لمارينا..فهو كان يوم ظريف الحمدلله..بس قلة النوم وحشة اوى :D
الفرح منزله بقالي اسبوعين وماشفتهوش لغايه دلوقتي وقلت ادخله سينما بس الكل قعد يقوللي كئيبب وانا فعلا مش في موود يخليني اتفرج علي حاجه زي كد مع اني اكتر واحد متحمس اني اشوف التجربه السبكيه هترسي علي ايه
قهوه ساده بقالي 5 شهور عاوز ازبط واحضر المسرحيه بتاعتهم كانت بتتعرض في ساقيه الصاوي لمده كبيره وهي ناجحه جدا
احلي حاجه ان مكي خد اتنين منهم معاه في الفيلم وحلمي خد اتنين منهم برده
الف مبرووك مش مهم اني اضحك المهم اشوف حلمي ناوي علي ايه والفيلم ده خصوصا لو طلع زي مانا متخيل يبقي حلمي كرسي بتاعه مش هيتهز بعد كده من اي حد تاني ماعدا مكي اللي غالابا هيبقي المنافس بتاعه برده
العالمي الكل بيقولي عليه حلو انا بحب شركه فيلم كلينك لغايه دلوقتي الفيلمين اللي شوفتهم لهم عجبوني جدا ورقه شفره وزي النهارده وهم عاوزين يعملوا سينما مختلفه بشباب ودماء جديده
شفت فيلم مكي صحيح
حاجه متختلفه تماما
الفرح كئيب شوية فعلآ..منصحكش تشوفه لو هيفرق مع مزاجك
لانه فيلم عكننه
قهوة سادة بتتعرض دلوقتي في الأردن و المفروض لما يرجعوا مصر هيكملوا العروض..حاول تحجز مسبقآ
حلمي اخد معاه تلاتة منهم حسب ما قريت
محمد فراج (صاحبه) و امير صلاح (سواق التاكسي) و رحمة حسن..و دي معرفش تبقي اخته ولا مين؟
ياتري شفت الف مبروك ولا لسه؟
انا شايف ان حلمي ثابت علي قمته الخاصة..و صعب حد ينافسه فيها دلوقتى
مكي محتاج فيلم او اتنين كمان عشان يبقي له خطورة علي المنافسة في السوق
بالنسبة لرأيك في فيلم مكي انت كاتب "حاجة متختلفة"..دي مختلفة ولا متخلفة؟ :D
لا ياعم اقصد مختلف طبعا انا اقدر اقول متخلف علي مكي
حلمي بقالي 4 ايام مش عارف ادخله بجد مش لاقي وقت خالص هاتشل
بس هاغصب نفسي اليومين الجايين والاقي اي وقت بالعافيه بجد
محمد شفت الفرح امبارح :D
بس مافهمتش النهاية حسيت اني اتلخبطت
يعني وهو في عزا والدته كان بيقول ياريتني ماسمعت كلامكم وشوية جابوا الأحداث على ورى وان الفرح فعلا اتوقف والمعازيم راحت وكل اللي حصل في البداية ولا كإنه كان موجود!!!
هي انهي وحده فيهم النهاية انا اتلخبطت
هو كان بيتخيل لو انتهى كده ولا هو فعلا انتهى كده؟!!
القصص الواقعية انتهت بالجملة بتاعة خالد الصاوى..ياريتني ما سمعت كلامهم
بعد كده في اخر دقيقتين بيعرضوا ايه اللي كان ممكن يحصل لهم كلهم لو الفرح وقف وقت وفاة ام البطل
عندي بس ملحوظة علي النسخة اللي موجودة علي النت..الموسيقي التصويرية فيها هي مجرد مقطوعات موسيقية من اعمال فنية تانية تم وضعها قبل ما خالد حماد يقوم بوضع موسيقي الفيلم
لكن النسخة اللي في السينمات فيها موسيقي تصويرية مختلفة اللي عاملها خالد حماد
Post a Comment