و حياة امي ما انا سايبك...كلها يوم و هكون جايبك
هعمل قتيل..هعمل مجنون..و يانا يانا يانا يا حكايتك
نيمت العجلة كده ع الجنط..و حلفت لاجيبها و حياة طنط
هتروحي مارينا ولا العجمي وراكي لغاية شبرامنت
و عايزها تيجي تبوسني..اعمل لها تامر حسني
و غني لها و دلعها..تيجي لها تقوم ترقص لي
!الإسفاف ده كلام اغنية "و حياة امي" احدث إبداعات تامر حسني الأخيرة
السؤال..ايه اللي يخلي واحد يعمل اغنية بالمستوي ده؟
و هل ده مثلا مطرب بيحترم جمهوره ولا شايفه شوية عيال تافهين هيفرحوا بأى هرتلة يقولها؟
22 comments:
هي دي في السياق الدرامي لفيلم أو حاجة؟!
مهو السياق الدرامي بقى بيحتمل حاجات كتيرة !!!!!!!!
بسمعهم بيقولوا كدة
في السياق الدرامي للعمل
وكتير منها..وحش..
بس السياق الدرامي بقى كدة :)
أنا أصلا مش فاهمة حاجة في الفن!!
.........
صح..افتكرت حاجة مهمة :)
أنا وبابا مرة..كنا بنتفرج على التلفزيون
علق على برنامج
وقال
ايه ده..مين دول
قلت له..ده فنان...دي فنانة..دي مذيعة
قالي
زمان
أغنية
ياما القمر ع الباب
اتمنعت من الإذاعة
لأنها تقريبا
اعتبروها
مش عارفة
اغنية..خليعة
ولا فيها اسفاف
مش فاكرة قال ايه !!
انت متوقع ايه من الشئ الي اسمه تامر ده
فلتت منك انك نزلت من نفسك و اتكلمت عنه :@
يا اخي انا عمري ما كرهت حد قده :s
ده صفيقه اصلا
دي الوقتي الاء تيجي تعلقني و تعلقك :$
مع الاعتذار ل لولو روح قلبي انا :$ :d
بصراحة انا من محبي قديم تامر و بسمع لبعض قليل جدا من الجديد
و فعلا شايفة انه نزل شوية باغانيه رغم انه فعلا كلامه
واقع بحسه او ساعات بسمعه من اولاد لكن
انا من محبي الرقي في الحب و الروقان في الاغاني يعني كمان غير تامر
للحق عامة الالفاظ في اغاني الحب بقت سيئة جدا
بقى حب بالعافية تحضن او احضن انا و يانا يا انت
و هروحلها و اعملها و اسويلها و افعله و اسبله
بقى كدة هتحبيني يعني هتحبيني و هتحبني
يعني هتحبني
بقى كانه حرب و انتهاك مش حب
راح ايام الاغاني الرقيقة في الحب لدرجة حسستني اني عجوزة ومن زمن بعيد اوي
ايمان: لا دي مش في سياق اي عمل درامي..زي ما سعد الصغير برر اغنية بحبك يا حمار
تقدري تقولي ان اغنية تامر في سياق الهبل الفني:D
انغام: دلوقتي بقيت مستني منه اغاني فيها بجاحة اكتر
و متوقع كارثة في البومه الجاى تخلي الاغنية دي حاجة محترمة
و مظنش الاء او اى حد بيحب تامر يقبل ان فنانه المفضل يغني له الكلام ده
ريم: عندك حق..تامر كل مدي مستواه بيقل..يمكن في بدايته كان له اغاني افضل
بالنسبة للعنف في الاغاني فده ناتج ان دلوقتي اي مطرب بيطلب من الشاعر كلام يشد
و بالتالي بيضطروا يكسروا القالب بتاع الرومانسية و يميلوا لكلمات تفاجيء المستمع و تجذبه
ابسط مثال هشام عباس..من 10 سنين كان بيقول
ليالي الشوق لها احساس مايوصفش
لو احكي عليه و اغني يا ناس مابطلش
دلوقتي بيقول
هتقولي امشي مش هامشي
هتجيب لي حد يقولي امشي مابمشيش
يا عم حتستنى أيه من واحد بيقول لحبيبته متخفيش من حسيحلك و لا لما بيقولها أعتذرى للى جاى بعدى أصل مش عارف أيه اخدت كل حاجة فى عهدى ..
و الله يا عم الغلط مش عليه .. الغلط على البنات اللى بيمثلوا 70 % من عشاقه ..
السؤال الأهم .. هل فى بنت تحب حبيبها يقولها فى أغنية مش حسيحلك و أعتذرى للى جاى بعدى ألا بقى أذا كانت بنت الأيه ؟ :D
انت بتتكلم جد ولا دا على سبيل الدعابة !!!!!
لا والله بجد دا كلام اغنية ولا انت بتهزر
اصلها ما وصلتش لكدا بصراحة !!!
تامر كشخص ماعنديش ناحيته مشاعر بس صوته مش وحش صوته حلو
اما اغانيه فانا بحب اوي اوي اغنية ليه اسمها بعيش
فعلا بحبها
وبستغرب لما هو بيعرف يعمل اغاني حلوة كدا ايه بنت الايه وبنت الكلب وبنت ال... اللي بيغنيهم دول وليه !!!
وقمة السفالة فاعتذري للي جاي بعدي دي انا ركبني العفريت لما سمعتها بالصدفة مرة
بس ما توصلش لكدا بجد
مافيش رقابة على المصنفات الفنية !!!!!
يانهار اسود
انا مذهولة بجد
طيب كويس يا نغنغ إنك فاكرة إني متابعة الPlog
وشكرا يامحمد على طرحك الرائع للموضوع بصراحة.
ليا رد آخر
بعد ما أهدى..
هو انا لما سمعتها
ساعة ما بعتهالي لاحسن الناس تفتكر اني ممكن اسمع للمخلوق ده برضايا
جالي ازبهلال
بس عادي تلاقيه كان ضارب حاجة وطلعت معاه التحفة الفنية دي
هو بامانة له اغنيتين او تلاتة اللي يتسمعوا ميحرمنيش منك ويا نور عيني
والباقي ارمي في اقرب صفيحة زبالة
قباري:نصر محروس طلع بتصريح مفتكس قال ان اغنية اعتذري للي هييجي بعدي اغنية من واحد لمراته بعد ما اتطلقوا و ان كده تامر بيغني للكل
و تامر طلع فقع تصريح يؤكد فيه صدق كلام نصر
شفت الدنيا صغيرة ازاى و طلعنا ظالمين الراجل المحترم الهادف؟ :D
فاطمة: للأسف بتكلم جد
تامر دايمآ معودنا انه من سيء لاسوأ
حتي مستوي اغانيه العادية بقي اقل من الاول و كلماتها متشابهة مع اغانيه اللي ابتدي بها
يعني الابتكار و التجديد بالنسبة له بيكون في الإسفاف
كل فترة يطلع بحاجة اسفل من اللي قبلها
الاء: مستني ردك بعد ما تهدي
اكيد غضبانة من تامر عشان الاغنية دي
لكي حق طبعآ :D
مارو: بالظبط..مستحيل اي انسان واعي يعمل اغنية زي دي
over doseمؤكد الاغنية دي نتيجة لـ
صوته حلو..بس بيضيعه في اغاني هايفة
سولتو انت تموت في الحرايق
ماما من اكبر محبين تامر
و لما سمعت الاغنيه كسرت عينها و بقيت بزلها ع الرايحه و الجايه :D
عملت فيا جميله يا سولتووو
فاضل كده تجيب لي اغنيه زي دي بس بصوت منير
بابا بيموت في منير
عشان اعرف اتحكم في بابا و ماما (H)
لا بجد يعني انتو متوقعين ايه غير الكلمات دي من تامر حسني
انا لما سمعتها يا سولتو بجد حسيت انه بكلم واحده ضحكت عليه
فكرني بمشهد لعادل امام في عماره يعقوبيان لما كان في البار و البنت الي راحت معاه المكتب
سرقته و صحى الصباح لقى خاتم اخته ضاع
بجد قمه السفاله في الاغنيه دي
بكره يغني اغاني like 50 cents and akon
و مش بعيد تلاقي اغانيه بعد كده rated R
انغام: تشبيهك للاغنية و المشهد مظبوط اوى :D
سهل تلاقي اغاني لتامر تكره مامتك فيه..بس مستحيل تلاقي اغنية لمنير تكره باباكي فيه
لان ببساطة منير بيحترم جمهوره و بيغني عشان يبسطهم و يوصل لهم افكار ايجابية
من كام شهر تامر طلع علي المسرح مع منير..جمهور منير تفرغ انه يشتم تامر
منير زعل من جمهوره و عاتبهم..لانه شايف انهم لازم يحترموا ان تامر ضيفه في الحفلة
صدفة مضحكة ان جمهور منير بيلقبه بالملك..و جمهور تامر بيلقبه بالملك
بس شوفي الفرق بين مملكة كل واحد فيهم و الفن اللي بيقدمه
نفسي واحد من اللي بيحبوا تامر حسني يقول رأيه بالتحفة الفنية دي بجد
نفسي اعرف ايه تعليقهم
طيب اعتذرى و لقولها قصة ..
بالنسبة لقسمة و نصيب و مش حسيحلك
الأذاعة أمبارح كانت جامدة جدا ..
بجد أستمتعت و أحلى حاجة فيها التواصل السريع عبر الماسنجر و شريط الأهداءات :D
مستنيك من غير الواد يوسف علشان بيخلى صوتك وحش :D
مارو: سمعت رأى من حد بيحب تامر حسني
و كان تبرير خلاني اكره تامر اكتر :D
قباري: ما هو اتلكك للأغنية اللي الناس سألوه عنها..لكن لا اعتذري ولا غيرها لهم معني خفي
كلهم اسفاف علني :D
تشكر علي استماعك لإبداعي الإذاعي
و ارجوكم ابقوا معنا :D
محمد نفسي افهم ايش اللي قاهرك..
بعرف الواحد لما في حاجة ما بتعجبه
مابيتكلم عنها ولابتلفت نظره أساسا
ليه غرامك تتكلم عن تامر..
عموما ياسيدي..
الاغنية بالنسبة ليا مالها معنى
ولا حاسة إنها أغنية اساسا
حاسة انها هبل وخلاص..
ومابيعنيلي الكلام ده..
يمكن أنا مابحب ادقق في تفاصيل الأمور
وإذا عجبني حاجة الحمدلله تمام وكويس
وإن ماعجبني بتمنى من أحد يوصل لتامر
إن جمهوره في حاجة معينة ماعجبته
وبنتمنى منه إنه يتفاداها
ومافي احد بيتعلم ببلاش..
انا ده رأيي..
وشكرا..
الاء..اول حاجة تامر حسني ولا قاهرني ولا هو غرامي و هوايتي اتكلم عنه..تامر حسني مجرد شخص مستفز معتقدش انني بتكلم عنه الا لما تيجي سيرة موضوع هو مرتبط به
بالنسبة لفكرة انني اكتب عن الحاجات اللي بحبها و اتجاهل اللي مابحبوش فده اتجاه سلبي صعب امشي وراه
انا بكتب عن الحاجات اللي بتلفت انتباهي سواء بحبها او كارهها او مجرد حاجة شايفها و خلاص
تفكير سليم انك شايفة ان الاغنية دي نوع من الهبل و ان تامر لازم يبطل يعمل الحاجات دي
لان ده نفس اللي انا طارحه في البوست..التساؤل بتاع هل ده احترام من تامر لجمهوره ولا لأ؟
و انتي كواحدة من جمهوره جاوبتي السؤال..لأ
فقط لا غير :D
Post a Comment