شريف: بس خيالية اوى الرسالة دي..صح؟
كريم: لا بتحصل
كريم: لا بتحصل
شريف: مش عارف..بس انا مقتنع بحتة ان لما الصداقة بتطول مدتها بيبقي صعب عليك تعرف مشاعرها حب ازاى.. اصل ممكن من طول الوقت بتتعود عليك اكتر
كريم: لا بيبان .. فى فرق كبير لما كنت بتكلم واحدة صديقة و هيا بتكلمك كحبيب
شريف: ما هي كاتمة جواها..عمرك ما هتعرف بوضوح
كريم: كفاية العينين .. مفيش بنت بتعرف تخبى و مفيش ولد مش بيفهم
شريف: يا عم انا احمر واحد يفهم البنت في حتة الحب دي
كريم: و انا مش كل يوم بتقع عليا بنت .. بس أول ما يبقى فى سهوكه و سهتنه ببعد
شريف: بتبعد ليه؟ مش عايز ولا مش حابب؟
كريم:مش ليلتى
شريف: يعني ايه..فهمني
كريم: يعني دايما اللى يحبنا منحبهوش .. و اللى مش واخد باله بنموت عليه
شريف: نظرية فعلا..هو احنا ليه بنعمل كده في نفسنا؟
كريم: هيا كده طبيعة الأنسان
و مش بيفرق بقى مسلم مسيحى يهودى ولا مصرى و لا هندى ولا أجنبى
جوليا روبرتس كانت بتموت فى صاحبها .. و راح أتجوز غيرها
كريم: هيا كده طبيعة الأنسان
و مش بيفرق بقى مسلم مسيحى يهودى ولا مصرى و لا هندى ولا أجنبى
جوليا روبرتس كانت بتموت فى صاحبها .. و راح أتجوز غيرها
شريف: ممم..طبيعة انسانية عجيبة
كريم: انا تبقى السكة السهلة قصادى و أروح للسكة الأصعب
شريف: دي جملتي المفضلة من وقت ما سمعتها..بقعد اغنيها لنفسي
شريف: دي جملتي المفضلة من وقت ما سمعتها..بقعد اغنيها لنفسي
كريم: دى جملة البنى أدمين كلهم
شريف: علي رأيك
كريم:عارف..انا نفسى اعمل دراسة عن ليه الأنسان شايف نفسه أطيب واحد..و دايما بيحب أغاني عمر فرحنا قصير..و الأيام الحلوة بتعدى فى ثوانى
شريف:لان بكل بساطة الانسان كائن غير قنوع بطبعه..و اللي بتلاقيه قنوع و راضي بتقول ياااه شايف الراجل ده؟
كريم: اه و الله صح
شريف: بقولك ايه..ماتيجي نبعت الكلام ده لسلطان و نقوله ينشره في البلوج
كريم: بس يا عم دي بلوج..يعني هو بس اللي بيكتب فيها
شريف: فيها ايه لو جربنا يا عم؟
كريم: خلاص انا هكلمه في التليفون و احكي له اللي قلناه
شريف: تفتكر هينزله في بوست؟
كريم: مظنش
إنتاج مشترك
No comments:
Post a Comment