انا مش نايم ولا مغيب
انا عارف كل حاجة
فاهم الحكاية
أصل إحنا عايشين في دايرة..و السر لف و جه عندي و إنكشف
أكيد مستنيين رد فعلي؟
كدب
غش
حب إمتلاك
تخريب لحياة غيركم
لعب في الدماغ
متوقعين ايه مني بعد ما كشفتكم؟
ثورة؟
غضب؟
صدمة؟
إنهيار؟
كل دول مع بعض؟
ماتتوقعوش حاجة
ماتستنوش رد فعل
كل اللي يتقال لكم جملة واحدة
عشان ماتستاهلوش اكتر منها
مع نفسكم يا حلوين..بس ماترجعوش تاني بعد ماتتعوروا و تقولوا لي ندمانين
2 comments:
عارف يا سلطان
دي من اسوأ الحاجات اللي الواحد ممكن يمر بيها في حياته
طيب بلاش الناس تتقي ربنا في الناس
بس لو كل واحد فكر ان الكلمة اللي طالعة منه على حد مصيرها هتوصله
هيفكر كتير قبل ما يتكلم
انا مش ملاك
وزمان يمكن كنت بأذي الناس بكلامي عليهم من ورا ضهرهم سواء بقصد او بدون قصد
سواء بنية كويسة او بنية وحشة
بس اكتشفت ان الدنيا منفدة على بعض
واللي انا ماقدرتش امسك نفسي وماقولوش غيري بردو مش هيقدر يمسك نفسه
من يومها قررت
اني ماقولش حاجة خالص غير لو كنت متأكدة انها لو اتنشرت في وسائل الاعلام المختلفه مش هتكون غلط ولا تجرح حد ولا تحطني في موقف وحش :)
معلش يا سطان
سامح من قلبك
سامح عشان ربنا يسامحك وبس
الدنيا مش مستاهلة نحرق دمنا ع الناس
الواحد وراه حاجات كتير اهم من ناس فاضية ماورهاش غير لوك لوك
عندك حق يا فنون الحياة مش مستاهلة الواحد يزعل نفسه
مهما المواقف دي بتكون وراها حاجات بسيطة او مهمة
بس الفكرة ذات نفسها بتجرح
فكرة الغش و الكدب علي حد بيديلك ثقته مش سهلة
ياما مريت بمواقف زي دي و بكبر دماغي و بعدى عشان صعب الواحد يدي اهتمام و لو بسيط لحد بايعه
Post a Comment