يا صباح الخير ياللي معانا..ياللي معانا
هنستفتح 2009 اهو عشان تبطلوا تقولوا كسلان
خلونا نستفتح و نقول الحاجات اللي أحب اشوفها بتحصل في عالم الفن في 2009 إن شاء الله
نيللي كريم تتفرغ للباليه و تسيبها من التمثيل
هيفاء وهبي تلبس فستان مقاسها
نانسي عجرم تبطل تحلو عشان كده النمل هيتلم
خالد صالح يعمل مسلسل جديد و البطل يكون اسمه أمجد..بعد ما عمل سلطان في سلطان الغرام و يوسف الصياد في بعد الفراق
تامر حسني يقرر انه يبطل بقي و يحترف الغناء..و يبطل تشتمل حاجات كتير مفيش داعي لذكرها
لؤي يغني
بعد تجربة الشبكة القديمة و القرد اللي بيتكلم..إحتراف عايدة رياض و ميمي جمال التمثيل في مسلسلات التليفزيون الشمبونجي
ياسمين عبد العزيز ترجع للتمثيل
مي عز الدين تشتغل مذيعة في ميلودي تريكس
سمية الخشاب تتجوز بدل ما هي مقضياها تمثيل
خالد يوسف يبطل أدواره القيادية بكافة اتجاهاتها
خالد النبوي يبقي خالد النبوي بس
بلال فضل يكتب فيلم سينما بنية صافية
قناة موريتانيا الفضائية تعرض مسلسل نبيلة عبيد الجديد حصريآ
عمر طاهر يكتب فيلم سينما له علاقة بموهبته..بعد الفيلم العجيب "عمليات خاصة"..خالد سليم و تامر هجرس و نبيل عيسي؟؟
أحمد البدري و أكرم فريد يتجهوا للمجال الإداري و كل واحد فيهم هيمسك فرع من فروع جزارة السبكي و ده بعد ما السبكي قرر إعتزال السيما
إعتزال تلات ارباع النقاد السنيمائيين في مصر
أشرف عبد الباقي يعرض فيلمه الجديد في 60 دار عرض
يستضيفوا رامز جلال في برنامج و يبطلوا يفقعونا بسيرة الصواريخ اللي بيفرقعها
إختفاء المركب التي تقل عايدة رياض و ميمي جمال في مثلث برمودا أثناء إتجاههم لشمبونجو و أنباء عن إحتفالات في العاصمة الشمبونجية
8 comments:
احلى حاجة والله سلطان والصياد فعلا باقي أمجد..
:)
تحيـاتي
يا صباح النور
نيللي كريم تتفرغ للباليه ..موافقة جدا
هيفاء وهبي تلبس فستان مقاسها ..مش موافقة خااالص ليه بس كدا يا سلطان ناس كتير هتزعل منك في الحتة دي
خالد صالح يعمل مسلسل جديد و البطل يكون اسمه أمجد..بعد ما عمل سلطان في سلطان الغرام و يوسف الصياد في بعد الفراق..تصدق ماخدتش بالي قبل كدا
دا يعرفكوا دا ولا ايه ؟!
تامر حسني يقرر انه يبطل بقي و يحترف الغناء..و يبطل تشتمل حاجات كتير مفيش داعي لذكرها..خسارته والله صوته حلو اوي واحساسه احلى
مي عز الدين تشتغل مذيعة في ميلودي تريكس...ياااااه في الجون دي يا سلطان
عمر طاهر يكتب فيلم سينما له علاقة بموهبته..بعد الفيلم العجيب "عمليات خاصة"..خالد سليم و تامر هجرس و نبيل عيسي؟؟...هوعمر طاهر اللي كان كاتبه ؟!!
طب يمكن كتبه على اساس انه كوميدي بس عثمان ابو لبن عمله جد ؟!
صباح الفل
الاء: و امجد مادة خصبة للأعمال الدرامية..يعني خالد صالح هيعمل دور مركب من 3 ادوار بواجهة تطل علي الشارع العمومي :D
فاطمة: مساء الانوار علي رأى الكابتن مدحت شلبي :D
هيفاء وهبي بالنسبة لي مثيرة للقرف..مش عارف ازاى اصلا في رجالة بيحبوها..دي بنتها اقتربت من سن العشرين..يعني ممكن خلال سنوات قليلة تبقي جدة
تامر حسني مضيع نفسه و وقته و لازم يفوق بجد لان جمهوره هيبتدي يعدي مرحلة المراهقة و مش هيلاقي حد يسمعه لو ماكبرش معاهم :D
عمر طاهر كتب الفيلم مع اتنين كمان..بس هو لو قصده انه يبقي كوميدي و عثمان ابو لبن عمله جد..فالممثلين قدروا ببراعة يقروا اللي بين السطور و قدموا اداء كوميدي جدآ :D
همسك كم حتة طياري كدة
نيللي و خالد النبوي دول اصل مش ممثلين دول تماثيل و بس في رايي
هيفا تلبس على مقاسها حرام عليكي دي هتموت من الخنقة و الحر كدة
نانسي دي بقى الحلوة اللي مش قادرة اقول حلوة يعني لو مسكنا راسها بس غير الصبغة والحواجب الطبيعي يعني اي وحدة تعملها دي عملها سنانها و خدودها و مناخيرها و شفايها يعني كله صناعي ده و احنا لسه ما كملناش و نزلنا تحت اي ست بصراحة جوزها يقولها كوني زي نانسي تقول ايدك على الكردت كارت و انا ابقى اجمل من نانسي
بس البنت حلوة
تامر بجد اتمنى يرجع زي زمان و خصوصا في اغنية بتقولك اوصفهالك ياريته يرجع يسمعها و يرجع تاني لنفس المستوى
طيب ما سمية كانت متجوزة وهي بتمثل
رامز كنت بحب لقائاته زمان بس بقت دلوقت كأنك مستضيف قرد بيستهبل اركز شوية يا ابني
سولتو انا ما شفتش غير سلطان الغرام
و شكل نهايتك علي ايد مزه تخليك ع الحديده loooooool
علي فكره في مسلسل تركي مش عارفه اسمه بس البطل اسمه امجد و ماما قارفاني بيه lool
اول ما نزل سلطان الغرام امي جابت سيرتك يا ابو السلاطين
و المسلسل التركي جابت سيره امجد
لاسف ما اعرفش يوسف الصياد و لا شفت مسلسل الفراق
نفسي حاجات تحصل في ٢٠٠٩
١. تامر حسني يشوف له شغلانه عشان كده بقت اوفر و هو صاير زنخ و دمه تقيل
٢. نفسي بقي اشوف محمد فواد
٣. اجي اقرفك في عيشتك يا محمد في عقر دارك
٤. اشتري اللعبه الي نفسي فيها بس ماما رافضه
٥. نفسي ازور المدينه الي ولدت فيها في اليمن و اتمشي ع البحر هناك
٦. نفسي اضرب واحد ضربه مووووت
٧. نفسي افهم ليه الشباب عنيفيين و مش بيهتمو بحاجات بتهم البنات
٨. ليه انتو يا صبيان بتقولو اننا بنات تافهه و مش بنفكر بجديه
٩. نفسي افهم يا سولتو ايه سر حبك لسعاد ماسي مع ان صوتها مش حلو
١٠. هتجيب لي ايه هديه عيد ميلادي
ريم..انا عارف ان نانسي كلها عمليات تجميل و تعتبر حلاوتها مزورة..بس الفكرة انها عمالة تحلو..بعدين مش كل ست يليق لها عمليات التجميل..رولا سعد خير مثال
بالنسبة لسمية الخشاب..هي كانت ملمومة لما كانت بتقول انها متجوزة..بس بعد الطلاق بدأت الإنطلاق في السينما
فياريت تتجوز تاني و اهو في الخفاء احسن من العلانية
و علي رأى هاني سلامة..مصر كلها شافتك يا سمية :D
نغنغ..مزة مين اللي تخليني علي الحديدة؟ لست انا هذا الرجل :D
حلينا نجاوب اسئلتك الرذلة
١. يعني ايه زنخ؟
٢. انتي تعالي مصر و هوديكي للقهوة اللي بيشيش فيها :D
٣. كويس انك عارفة ان مجيتك فيها قرف :D
٤. هي تصنيفها العمري كام؟
٥. روحي و عيشي فيها بقية حياتك كمان :D
٦. ده انتي لو عيل صغير نفخ فيكي تطيري
٧. إبتدينا الكلام اللي يعلي الضغط..شباب ايه اللي عنيفين و مين مابيهتمش بحاجات البنات؟
امال مين اللي بيجيب لكم الهدايا؟
٨. لا..ماتعمميش كلام الولاد عنك علي كل البنات :D
٩. سعاد صوتها مش حلو؟ امال مين اللي صوته حلو..فؤش؟
١٠. بلغة برباط..مانزلش منها غير جوز واحد في سوق الجمعة
Post a Comment