دي طبعآ غير الجملة بتاعة
"اللي فيكم مابيغلطش يروح يحاسب مريم"
اللي هاني سلامة قالها في فيلم "ويجا" لاصحابه لما منة شلبي اعترفت انها غلطت معاه
و طبعآ محدش فاهم هم ليه يلوموا مريم و مايلوموهوش هو؟
انا بتكلم عن ميريام مش مريم
و ميريام هنا هي ميريام فارس
اما ليه حد يروح يحاسب ميريام؟
فده ناتج عن تساؤلاتي المتكررة بعد سماعي لاغنيتها الاخيرة "انا مش انانية" اللي بتتذاع بشدة علي قناة مزيكا
الأغنية حلوة و ميريام غنتها بإحساس كويس
و هي بتدور حوالين ان ميريام بتترجي حبيبها انه يحاول يختار بينها و بين واحدة تانية بيحبها
و في الكليب بنشوفها مقهورة و بتعيط و منكسرة
يعني الراجل خاين و بيخونها و بتترجاه يحاول ينقي؟
ايه الذل و الدلق اللي هي فيه ده؟
بس بتيجي في نص الاغنية و تثبت لنا انها مش انانية فعلا
و تقعد تقوله ان لا هي ولا حبيبته التانية حاسين به لانه بيحب اتنين و مش مركز مع واحدة فيهم
فالأحسن انه يركز مع واحدة و يسيب التانية
و انها معندهاش مشكلة تبقي هي اللي يسيبها
طبعآ احنا كده فهمنا انها قعدت مع حبيبته التانية و تناقشوا مين فيهم تاخده و عيوبه و مميزاته
و الظاهر انهم زهقوا و سابوه يقرر مين فيهم تبقي حبيبته
بس بتفهمه انهم مش هيرضوا يفضلوا يحبوه في نفس الوقت
حاجة عجيبة..مظنش في بنت في الزمن ده ممكن تفكر بالطريقة دي
البنت دلوقتي لو جالها شعور ان حبيبها بص لواحدة غيرها ممكن تبهدله و ترن البنت التانية علقة
لكن ضعف ميريام في الأغنية رغم إنه ضعف أنثوي..الا انه مجرد خيال فني
مفيش أنثي بالضعف ده..إطلاقآ
No comments:
Post a Comment