دايمآ بيلفت إنتباهي و انا بتفرج ع التليفزيون اصوات المذيعين في الإعلانات
ناس زي طارق نور و عصام سيف و أسامة منير..الأصوات اللي تشد دي
دايمآ بييجي علي بالي سؤال..هم الناس دول بيتكلموا في حياتهم كده؟
يعني هل مكالمة تليفونية مع طارق نور لها نفس مفعول إعلان طويل بيعلق عليه بصوته؟.
طيب أي واحد من دول يوم ما بييجى له برد..صوته بيبقي عامل إزاى؟ و ياتري الحكاية دي بتقف عليه بخسارة؟
و صوتهم اللي بنسمعه ده هو فعلا صوتهم ولا صوت مصطنع زي أصوات ممثلين الكارتون ما بتكون واخدة طبقة مصطنعة؟
شيء جميل ان شغلانتك تمسك ورقة و تقرا 10 جمل و تقبض قصادهم مبلغ محترم
انا من النهاردة هقضيها شرب ينسون و نعناع لحد ما زوري يسلك و أبقي زيهم..مفيش أحلي من كده شغلانة
2 comments:
هوا صوتهم فعلا بس متضاف عليه شوية احساس
يعني الصوت واحد
بس في الحياة العادية طارق نور مش هيتكلم بالحماس اللي بيتكلم بيه في الاعلانات ولا اسامة هينحنح كدا الا لو بيكلم مزة ولا حاجة :)
اهم من حلاوة او وحاشة الصوت احساس الصوت
جورج وسوف حاليا صوته ككوالتي صوت ما تقدرش تقول صوت جميل او ملائكي
بس احساسه جبار
طبعا دا بغض النظر عن الامكانيات الصوتية وانه مش نشاز عشان كدا الودن بتستسيغه
يعني
الاهم من حلاوة الصوت ..احساس الصوت
بدل ما تشرب ينسون اقعد عود نفسك تتكلم من قلبك باحساس
لما صوتك يوصل احساسك سواء بالفرح ولا بالزعل ولا باي حاجة
هتبقى ذو صوت مؤثر جدا
لا من جهة الإحساس انا مع شعار موبينيل اتكلم من القلب :D
بس جورج وسوف مابيبقاش حاسس بحاجة ولا حد و هو بيغني..هي الدماغ بس بتخليه يغني بمزاج :D
Post a Comment