(1)
مش لاقي كارتون سوبر هنيدي علي اى قناة..محدش عنده خبر عنه؟
(2)
حماسي لمسلسل بوجى و طمطم لن يتخطي مشاهدة تتر البداية بعد ما شفت مشهد واحد من حلقة امبارح
كنت متوقع ان المشكلة تبقي في دوبلاج بوجي..خصوصآ ان صوت يونس شلبي كان مميز
لكن المشكلة طلعت في دوبلاج طمطم
إيمي سمير غانم عامله صوت طماطمايه مفعصه
(3)
في رمضان الشياطين بتتسلسل و تتحبس
و يبقي شهر من غير وسوسة
يعني اى حاجة وحشة بيعملها اى حد..بتكون نتيجة لوسوسة النفس
لكن سؤال يحيرني..هو الموضوع بتاع سلسلة الشياطين ده مع المسلمين بس ولا بيشمل كل الناس؟
(4)
كابوس سيد ابو حفيظة مسخرة بكل معني الكلمة
قصة حب علام ابو حفيظة و إلزا ألبرتو قمة في الرومانسية
(5)
رمضان بيكون فرصة للناس انهم يغيروا نفسهم و يعدلوا طريقة حياتهم
كل سنة بيظهر لي شخص عنده قناعة ان رمضان هيكون فرصة حلوة له عشان يغير حياته للاسوأ
تعدد الاشخاص و العرض واحد..انا و انت و مزتين بكرة بعد الفطار و البلد فاضية و عيش يا معلم
تقول لهم حرام ده إحنا في رمضان..يقولوا ماهو حرام بعد رمضان كمان..يبقي عادى
(6)
المنافسة شرسة علي لقب اكتر حملة إعلانات مستفزة..و لحد دلوقتى هي محصورة بين حملة إعلانات موبينيل المعمولة علي اغانى عبد الحليم حافظ..و حملة إعلانات عبد القوي بتاع الضرائب اللي اكيد مخترعها طفل عمره مايزيدش عن 12سنة
(7)
إعلانات الحاجة الساقعة جامدة جدآ..و كالعادة بيبسي و كوكاكولا بيتباروا في مين يعمل اعلانات كوميديه اكتر
بس السنة دي بتظهر حملة إعلانات شويبس لاول مرة
الفكرة مجنونة جدآ..انك تعمل حملة إعلانات تسخر فيها من الاخرين و تقول احنا منتجاتنا مش محتاجة اعلانات
(8)
نص مسلسلات رمضان اللي بتتذاع قبل الفطار..لا تصلح للعرض قبل الفطار
(9)
مع اول ايام رمضان بيتباري المطربين في الادعية و الكليبات المصحوبة بصور للطبيعة من طيور و زهور و جبال و بحور
بس صناع فيلم "اخر ايام الارض" قاموا بتجربة مختلفة..نزلوا اغنية الفيلم
و الحكاية كلها غريبة جدآ..اول مرة اسمع عن الفيلم رغم انه من بطولة خالد صالح و حنان ترك
الاغنية مناسبة لرمضان
لكن لما نفكر فيها كأغنية فيلم و نشوف الكليب اللي اخرجه عمرو سلامة..حالة مختلفة جدآ
ده غير ان اسم الفيلم نفسه جديد
الاغنية هي "قلب فارس" و هي الاغنية الشغالة في البلوج دلوقتى
و نظرآ لإن الاغنية مانزلتش علي سايتات الاغاني
صنعت نسختي الخاصة بإستخدام التقنيات العالية المتوافرة علي حاسوبي الخارق
و هي متاحة لكم عشان تعملوا لها داونلود
و ده فيديو الاغنية علي يوتيوب
(10)
طوال الفترة اللي فاتت كان كل الناس بينتقدوا اعلانات قناة القاهرة و الناس لانها مسروقة من اعلانات اجنبية كلها موجودة علي اليوتيوب
لحد ما قناة القاهرة و الناس اعلنت قبل رمضان بيوم عن برنامج يوتيوب بالمصري احلي
و هو قائم علي تقليد فيديوهات مشهورة علي اليوتيوب..و منها الاعلانات اللي الناس هاجموا القناة بسببها
10 comments:
إعلانات موبنيل حلوة:)
رمضان كريم عليكم جميعا يارب :)
أنا أخدت صورة حضرتك,خلفية للكمبيوتر :)
رمضان كريم,عليكم يارب:)
جميعا بإذن الله:)
كلكم يارب:)
ونيس حلو قوي:)
حلو قوي قوي قوي:)
عبلة,و :)
كلهم:)
اتفرجوا على ونيس بجد,ونيس بيجي من جديد :)
أحلى حاجة:)
اراهنك ان طارق عمل حكاية يوتيوب بالعربي احلى بعد ماعرف انه اتفضح
عيييييب دا عشرة عمر :)
اعلانات موبينيل حلوة جدا حاول تشوفها تاني
بوجي وطمطم وحش مش عاجبني وماشوفتش سوبر هنيدي والكابوس هستييييري
كل سنة وانت طيب :)
1
هو بيجي اصلا ماشوفتلوش اعلان
2
ماشوفتوش هو بيجي امتى و فين لاني بصراحة ماصادفتوش ابدا بس مخمنة انه
وقت مابتفورج على طاش ما طاش
3
بيتهيألي الكل و الله اعلم
4
ماعرفوش
5
الله لا يجعلنا منهم
6
بالعكس دي عجباني اوي حلوة وكلها فرحة والوان
7
الاغلان ده لذيذ اوي تغير عن الكل
8
قبل الفطار مش وقت تلفيزيون خالص يادوب طبخ ونفخ و شغل يادوب بشوف حجر الزاوية بصراحة المسلسلات من كترها مش عارفة اتفرجها يادوب بتابع طبعا طاش ما طاش كأي مواطن سعودي
و تامر و شوقية و شكلي هشوف ونيس و مسلسل امارتي عجبني و كفاية عليا
اه صح
كل سنة وحضرتك طيب
عمرى مش شوفت سوبر هنيدى دا مع انى سمعت من اكتر من حد انه حلو و مختلف اوى
هو سيد ابو حفيظة دا بييجى فين انا مش لقياه خالص
رمضان بقى موسم للمطبلاتية..سواء اللى بيعدولك عدد الركعات اللى بيصلوها و الاجزاء اللى بيقروها من القران كانهم بيعملولك انت كل دا او اللى بيطبلوا على الناحية التانية و بيجيلهم ارتيكاريا من الدين و من سيرته..حاجة تزهق بجد
لا عبد القوى يكسب بجدراة دا جابلى الضغط اساسا
اعلانات شويبس مميزةجدا بس اعلانات اتصالات هى الاقوى على الاطلاق فى رايي
الاغنية تحفة على فكرة
ايمان
ألله اكرم..و انتى طيبة :)
كنت مستني اشوف مسلسل ونيس و احفاده من اول ما سمعت عن تصويره..برغم اى ملاحظات علي اسلوب تقديم المسلسل او الحوار
بس لسه ونيس له بريق يخلينا نستحمل المسلسل بكل عيوبه..و لو انني ما اعتقدش انني هقدر استحمله كتير
فاطمة
و انتى طيبة :)
انا مقتنع بحكاية انه ما سرقهمش عن عمد..لان الكليبات مسروقة بالكادر..يعني مش مجرد سرقة افكار
فممكن نفترض حسن النية فيه في جزئية اعلانات القناة
بس مش هسامحه ولا افترض حسن النية فيه بسبب اعلانات عبد القوي بتاع الضرائب..ازاى ضميره طاوعه يعمل فينا كده؟؟
مفيش في بوجي و طمطم غير اغنية التتر..شيرين جامدة اوى :D
انا حاسس ان سوبر هنيدي ما اتذاعش و لا هيتذاع
و لو ان دي هتبقي اول سنة التليفزيون المصري ماينتجش كارتون
ريـم
و حضرتك طيبة :)
بوجي و طمطم بيتذاع الساعة 6 بتوقيت مصر علي قناة الحياة
الالوان حلوة..بس فكرة الاعلانات مش عاجبانى
بعكس إعلان الـ23 مليون مصري اللي بصوت محمود ياسين..عجبتني فكرته و وصلني رسالته علي طول
انا متعود علي مستوي معين من إعلانات موبينيل..و الحملة الجديدة دي خفيفة اوى
تامر و شوقية شفت حلقة منه بس ماعجنيش
يـاسـمـيـن
سوبر هنيدي هو اكتر كارتون كوميدي ممكن تشوفيه..من اوله لاخره ضحك × ضحك
كل الحلقات بتاعة الموسمين اللي فاتوا موجودين علي يوتيوب
سيد ابو حفيظة بييجي علي موجه كوميدي الساعة 7 مساءآ
دول في يومين ذاعوا 4 إعلانات من حملة عبد القوي..و كل مرة يختموها بتواجد الراجل الغلس في مكان مواجه لمكان عبد القوى
بعيدآ عن رخامة و رذالة الفكرة..بقي في حد يجيب عود و يعزف في اتوبيس نقل عام او حتى محطة الاتوبيس..ده جنان رسمى
إعلانات اتصالات عاجباني..بس مش فاهم ايه المقصود بده وقتها؟
ياريت يكونوا ناويين يصلحوا كل غلطاتهم و يعوضوني بخط مفتوح مدي الحياة :D
Post a Comment