بقي لي اسبوع او اكتر ما كتبتش حاجة
و رغم معدل الافكار اللي جتلي الاسبوع ده اللي كاد ان يصل الي بوستين كل يوم
و رغم معدل الافكار اللي جتلي الاسبوع ده اللي كاد ان يصل الي بوستين كل يوم
بوستين = بوست + بوست.. مش حاجة تانية
بس لما اجى اكتب.. كعادتى بحب اشغل اى حاجة اسمعها
و انا الفترة دي معلق معايا البوم شيرين
أكون بكتب عن الحب و الرومانسية..الاقيها بتقول ماتحاسبنيش
فأبطل كتابة و ابتدى افكر في الوغد اللعين اللي خانها و كسرها لدرجة تخليها تقول له
منك لله قلبي بيتألم من جوه من اللي انا حاساه
ماشية و مش شايفة انا قدامي ولا حواليا
انفض لفكرة الرومانسية اللي بكتب عنها
و ابتدى اكتب عن الغدر قد ايه بيكسر الانسان خصوصآ لو من شخص محتل مساحة في قلبك
الاقي شيرين دخلت في اغنية انكتب لي
ايه الرومانسية دي؟
انا انكتب لي عمر تانى و انا بين ايديك
و حاجات كتير كانت بعيدة زمان عليا
لقيتها فيك
فكرتني بايام الحب النقي
و تطلع مليون جملة رومانسية عدوا عليا قبل كده
فأسيبني من الخيانة و اقرر ارجع تانى للكلام عن الحب
بس المرة دي هتكلم عن حبي الاول
و ابتدى اسرح مع الاف الذكريات و الاحلام
و اسأل نفسي هو الحب دلوقتى طريقته اتغيرت ولا احنا اللي اتغيرنا؟
لكن شيرين تواصل المقاطعة و تبدأ تغني في حد
ايه التعاسة دي؟
وقفت حياتى عليك و بس
و كإنني بفرح لو لقيت قلبي اتظلم
مابحبش انا البنات اللي يبقوا تابعات لشخصيات مهزوزة
هي عاجبها الولد و هو ممرمطها و مطلع عينها..و هي خايفة علي زعله
عقولهم بتروح فين؟
و ابتدى اسخن و اقرر اكتب عن الموضوع ده بإستفاضة
وقتها تبدأ اغنية حبيت
و رغم ان الاغنية فيها حالة ممكن تتحس الا انها بتسبب لي حيرة شديدة
لانني مش عارف هي بتتكلم عن ايه؟
هي حبت و حاسة انها غلطانة ولا بتحب واحد بيحب واحدة تانية؟
ولا هي بتموت فيه و بتغنى له؟
هنا بحس بحيرة و تشتيت و اقفل البلوج و اقرر تأجيل الكتابة ليوم تانى
و اقعد اسمع البوم شيرين بروقان
بس لما اجى اكتب.. كعادتى بحب اشغل اى حاجة اسمعها
و انا الفترة دي معلق معايا البوم شيرين
أكون بكتب عن الحب و الرومانسية..الاقيها بتقول ماتحاسبنيش
فأبطل كتابة و ابتدى افكر في الوغد اللعين اللي خانها و كسرها لدرجة تخليها تقول له
منك لله قلبي بيتألم من جوه من اللي انا حاساه
ماشية و مش شايفة انا قدامي ولا حواليا
انفض لفكرة الرومانسية اللي بكتب عنها
و ابتدى اكتب عن الغدر قد ايه بيكسر الانسان خصوصآ لو من شخص محتل مساحة في قلبك
الاقي شيرين دخلت في اغنية انكتب لي
ايه الرومانسية دي؟
انا انكتب لي عمر تانى و انا بين ايديك
و حاجات كتير كانت بعيدة زمان عليا
لقيتها فيك
فكرتني بايام الحب النقي
و تطلع مليون جملة رومانسية عدوا عليا قبل كده
فأسيبني من الخيانة و اقرر ارجع تانى للكلام عن الحب
بس المرة دي هتكلم عن حبي الاول
و ابتدى اسرح مع الاف الذكريات و الاحلام
و اسأل نفسي هو الحب دلوقتى طريقته اتغيرت ولا احنا اللي اتغيرنا؟
لكن شيرين تواصل المقاطعة و تبدأ تغني في حد
ايه التعاسة دي؟
وقفت حياتى عليك و بس
و كإنني بفرح لو لقيت قلبي اتظلم
مابحبش انا البنات اللي يبقوا تابعات لشخصيات مهزوزة
هي عاجبها الولد و هو ممرمطها و مطلع عينها..و هي خايفة علي زعله
عقولهم بتروح فين؟
و ابتدى اسخن و اقرر اكتب عن الموضوع ده بإستفاضة
وقتها تبدأ اغنية حبيت
و رغم ان الاغنية فيها حالة ممكن تتحس الا انها بتسبب لي حيرة شديدة
لانني مش عارف هي بتتكلم عن ايه؟
هي حبت و حاسة انها غلطانة ولا بتحب واحد بيحب واحدة تانية؟
ولا هي بتموت فيه و بتغنى له؟
هنا بحس بحيرة و تشتيت و اقفل البلوج و اقرر تأجيل الكتابة ليوم تانى
و اقعد اسمع البوم شيرين بروقان
14 comments:
انت بس يا محمد لو تبطل تسمع البوم شيرين هتطلع من حالة الحيرة وعدم الرغبة في الكتابة ويبقى زي ما قولت العيب في شيرين :D
مش عارفه مبحبش لون غنا شيرين ليه ؟
محستهاش غير في اغنية المراية بس
يمكن انغام بموت فيها احساسها صادق اوي مع كل حرف بتغنيه
تحسها كدا يا محمد بتغني من ساسها لراسها:D
لما بتغني لحبيها تحسها بتعشقه وتحسسك ان في أمل
زي اغنيتها ( واتقابلنا )
والشجن والحزن بحسه فيها بتوصفه بجد
------
طلب عالهامش كدا يا محمد لو سمحت
نفسي تكتب بوست عن البوم عمرو وياه
الوحيد اللي شوفته بيفصص البومات عمرو هو احمد المصري اكيد وبجد بيحلله مش بيفصصه بس:D
يجد عايزة يا محمد اشوف بوست ليك عن البوم عمرو بقلمك :)
هو الحب دلوقتى طريقته اتغيرت ولا احنا اللي اتغيرنا؟
اه طريقته اتغيرت وكله بقى بيواكب عصر السرعه.. بيحبوا بسرعه وبيسيبوا بعض بسرعه !!
عارف يامحمد طريقة التعبير عن الحب القديمه حلوة اوووي بجد .. لما الوحده تقعد جنب التلفون مستنية بكل لهفه اتصال من حبيبها .. وبما ان المكالمات المستمرة مش متاحه فيبتدي هنا التواصل بالرسايل .. احساس جميل اوووي بجد وهي قاعده لوحدها وتقفل عليها باب اوضتها عشان تقرا الرساله براحتها وبعد كل سطر يقولها بحبك ..ولما يحب يشوفها مايقابلهاش في كافي اوغيره لالالا يجيلها تحت شباك اوضتها ويندهلها ويقعدوا يتهامسوا عشان ماحدش يسمعهم .. طريقة التعبير عن الحب الكلاسيكية دي جميلة اووووي بجد فيها شوق ولهفه كبيرة اوووي ..
ومع ذلك في ناس والله بتحيي الطريقة دي مابينهم .. تلاقيهم بيحافظوا على ان يكون في رسايل بينهم مش مسجات موبايل وبس .. حلاوة الرسايل انك تقدر تجيبها في اي وقت وتقرا كلام الشخص اللي بتحبه وبتحس فيها بصدق احساسه بعكس وسائل الإتصال الحديثة اللي بحس فيها ببرود ماحدش بيقدر يعبر عن احساسه بصدق من خلالها
ايه ده؟!!
انا حاسة اني في فيلم ابيض واسود :D
ياعم مش عارف أبلع شريط شيرين دى خالص
يمكن عاجبنى كوبليه واحد ..
حبيت .. انا حد يقولى أن انا غلطانة
ما انا برضه بحس أصل انا إنسانة
و بعدين أول ما أفتح الألبوم و أقول أسمعه .. أرجع أقول ليه أسمع شرين لما ممكن أسمع انغام .. قالوللى ليه متسمعش الأتنين .. بس بجد مش بقدر :D
أسمع ليه واحدة طالبة معاها تهزق و تصرخ و شويه تحب و تقول هبيبى :D
لما ممكن أسمع عشت سنين و نفسى أحبك حب تانى .. دى كفاية اغنية مش فى بالك
تصدق ماسمعتش شيرين ! ولا انغام ولا تيمو ولا عمرو ولا اي البووون جديد
مش عارفه ليه كدا
بس أنا عموما بحب شيرين سمعت اغنية واحدة في الراديو بتقول فيها باين انا مش مبيناله انا ناوياله على ايه كانت ظريفة بالذات الحتة اللي بتقول كتر خيري مش عارف ايه كت خيري دي عجبتني جدا :P
مش مهم تكتب عن ايه اكتب وبس او اقولك اكتب عنهم كلهم والبركة في الملمة شيرين
انا سمعت الشريط اول مرة ما عجبنيش خالص مش عارفة العيب كان فيا ولا فى شيرين :D
تانى مرة علقت اوى معايا اغنية كتر خيرى بما ان دى اكتر نوعية بحبها فى الاغانى عادة و من شيرين خصوصا
انكتبلى عمر شايلاها لما ابقى فى مود رومانسي بما ان الناس كلها مجمعة على كمية الاحاسيس اللى فيها و انا مش حاسة كدا خالص الحقيقة
بتاعت منك لله دى حلوة برضه بس ما بحبش مود الاستسلام دا عادة
انا هستنى الموضوع اللى عن الشخصيات التابعة المهزوزة دا عشان عندى كلام كتير اقوله و مش قادرة اكتب جزء تانى من حواديت نساء من الشرق :D
شرين وعمرو بصراحة ماعرقتش احس و اتذوق جديدهم خالص يمكن عمرو اغانيه اكتر حبيت قريتها كشعر اكتر من سماعها كأغنية
و شيرين بصراحة حسيت البومها ده واللي قبله مجرد كرواتة حد عايز ينزل جديد و كويس وخلاص مع العلم انه بطمنك احلى من حبيت عندي مش حاسة باتقان و اختيار و تركيز زي ما كانت اغانيها قبل كدة
عموما اكتب في كل حاجة لانه من الممتع القراءة ليك بصراحة
هو انا عندي اقتراح ممكن تركنه على جنب لو عايز بس بشوف اننا كترنا جلد المهزومين و الضعاف في بوستاتنا بصراحة لما بعقد افكر بلاقي انه مافيش حاجة تضمن اني ما ابقى مكانهم في يوم وساعتها مش هستحمل حد متفرج زي حالي دلوقت يجي يجلدني بكلامه فشخصيا قولت اني هخف عليهم شوية لفترة ما
مروة
انا متحيز لانغام و متحمس لشيرين
و احلي حاجة ان الاتنين مختلفات عن بعض
عشان كده ماحبش اقارن بينهم
اغانى انغام عندي هي رمز للبنت اللي احب ارتبط بها
و يمكن لما اكون بشرح لحد مواصفات البنت اللي احب ارتبط بها و اعجز عن الشرح
بقول له اسم كام اغنية لانغام..يسمعهم هيفهم انا بدور علي ايه :D
بالنسبة لموضوع عمرو دياب..عمري ما لقيت حاجة اقولها عن البومه الجديد
ممكن تعجبني كلمات اغنية..يعجبني توزيع اغنية..لكن انني الاقي حاجة اقولها عن الالبوم او اداء عمرو نفسه..مفيش
أحمد المصري قايم بالواجب بقي :)
سـاره
اكيد طريقة الحب اتغيرت
بس مش كل تغيير بيكون في اتجاه واحد
يعني في حاجات اتغيرت للاسوأ زي الإيقاع بتاع الحب..دلوقتي بقت الحكاية سهلة اوى
و بقي في علاقات مسلوقة قائمة علي الإستلطاف
زي الحاجات الهبلة اللي بتحصل في دروس الثانوية العامة السنين دي
نظام سألني انتى مصاحبة قلت له لأ..قال لي ممكن نتصاحب قلت له افكر
و لما روحت لقيته باعت لي مسدج علي الموبايل يقول لي سوزي انا مش قادر اعيش من غيرك
قلت له بطل جنون يا كيمو
قال لي بحبك يا متخلفة
عجبتني طريقته و جنونه و من ساعتها و احنا سوا
اهو السلق ده مكنش بيحصل زمان
و نيجي للتغيير للأفضل
اكيد معدش في الذل بتاع الوقفة تحت الشباك و يفرج عليهم الناس..و ابوها يطلع من الشباك يشتمه
بالنسبة للرسائل..انا برضه مش مع جو الافلام و حبيبتي سلوى طال فراقنا
ممكن رسالة حلوة لطيفة علي ورقة صغيرة اسيبها لمراتي و انا نازل الشغل
قبارى
انغام حلوة طبعآ ماقلتش حاجة
بس شيرين كويسة برضه
لازم تفصل بينهم و ماتقارنش..لان اللي يليق لانغام مايليقش لاي حد تانى
انغام رقيقة حتى في اغاني الفراق و الخيانة..ده يوم ما حبت تعمل بلطجية قالت لحبيبها عرفها بيا
بس برضه ده مايقللش من ان شيرين مقدمة البوم حلو و مفيهوش استخفاف ولا كروتة
اسمعه..و زي ما حبيت نفسي احبك..هتحب اغنية زي انكتب لي
و مالكش دعوة باغاني الضرب و الطحن :D
فاطمة
انتي كده فاصلة نفسك جامد عن الساحة الغنائية :D
البوم شيرين فيه اغاني حلوة هتناسب اى مود انتي فيه
و هي منوعة في كل حاجة بما فيها مستويات عمق كلمات الاغاني
الالبوم معمول بحرفية عالية اوى..حاولي تسمعيه :)
يـاسـمـيـن
اعتقد انك لو حبيتي اغنية كتر خيري..ممكن تلاقي اغنيتين او تلاتة كمان في الالبوم بنفس الاحساس
و لو ماعجبكيش كل ده ممكن تسمعيها و هي متألقة في تتر بوجي و طمطم
عايز اعمل بوست الشخصيات المهزوزة ده قبل زحمة رمضان إن شاء الله
بس انتي لازم تكملي نساء من الشرق
ده كان فيلم معمول بطريقة إخراج عالمية :D
ريـم
مختلف معاكى هو شعار الكومنت ده :)
البوم شيرين مفيهوش اى كروتة..ده البوم معمول بعناية و حرص شديدين
قدرت تعمل تركيبة صعبة ترضي كل الاذواق و ماتخليهاش تتخلي عن نقط قوتها و تميزها
بالنسبة لحكاية جلد المهزومين..مش شايفه انه تعبير قاسي شوية؟:D
كل الناس بيحبوا و ناس كتير بيفشلوا..دي طبيعة بشرية
إحنا بنتكلم و ننتقد اى نماذج سلبية..احيانا بتكون احنا النماذج دي :)
و انا شايف ان لو في نموذج سلبي قرأ حاجة من اللي بتتكتب في المواضيع دي مش هيحس بالعذاب او انه بيتم جلده
بالعكس هيحس ان دي قصته..و هيعرف رأى الناس في مواقف مشابهة لحاجات تعرض لها
متهيألي دي إستفادة مش جلد خالص :)
بالنسبة لشرين بصراحة سمعتها مرتين وتلاتة و برضو نفس الاحساس الالبوم متكروت على ماتعودت منها بصراحة
و على فكرة انا ماقولتش وحش انا قولت انه كويس بس اقصد انه مستواه قليل على شرين من وجه نظري
اما تعبيري جلد فلاني حسيت اني بجلدهم اصلي بصراحة من الناس الي بتنقد و توجه حتى في حياتي الشخصية بس مؤخرا خدت بالي انه بعد انتقادي بيبقى في صمت و نظرة عتاب او مش عارفة هي ايه من اللي انتقدته او ما شابه ففغليا بقيت احس بذنب واحط نفسي مكان الحد ده و بقيت افكر كتير قبل ما انتقد و احسب حساب اللي بيسمعني اوي اصل مش حمل احساس ذنب كمان
بس عموما في الاخر هي بتعتمد على الاسلوب وشكله انا اللي اسلوبي قاسي اوي الظاهر
المهم انتقدت او لا نحن دايما في انتظار جديدك كفاية متعة اسلوبك
ربنا يخليكي يا ريم :)
بس يا تري ايه رأيك في رائعة شيرين الجديدة...اغنية تتر بوجى و طمطم
بجابيجو يا بجبج يا بجابج بوجي يا بيجو
طمطومه يا طمطم يا طماطم يا طماطمايه
Post a Comment