الفيلم بإختصار ممتع
الفكرة بسيطة..بس التنفيذ رائع
مش هتكلم عن القصة ولا الاحداث عشان محرقش عليكم حاجة
لكن الفيلم من أكتر الافلام اللي بتحترم عقل المشاهد
لازمه تركيز في كل لقطة و جملة
كل الممثلين كانوا في احسن حالاتهم
محمد لطفي نضج اوى كممثل
لكن اكتر حد وقفت قدامه في الفيلم ده هو المخرج..أحمد علاء
الاسم كنت لاول مرة اسمعه..حتي ما اتذكرش انني شفته كمساعد مخرج في تتر فيلم الفترة اللي فاتت
الافلام اللي من النوعية دي بتعتمد علي المخرج
و في بدل فاقد..في مخرج عبقري و له رؤية مميزة و خاصة
أنصحكم بعدم تفويت متعة المشاهدة
6 comments:
انات لسه راجع منه
بص انا اللي شدني هو نهايه الفيم علشان شسايفها عظه اخلاقيه او
النص الاولاني من الفيلم مكانش عاجيبني وكان مشوش جدا في اخراجه وكنت هنام فعلا او اقوم واسيبب الفيلم
لكن بدايه من النص التاني وبالتحديد لما التوام اتقابلوا والحوار اللي دار بينهم ابنتدي الفيلم يحلو
احمد عز الوحيد اللي شايف انه كان بيمثل كويس
الباقيين عاديبين حتي منه شلبي ماعبجتنيش
الفيلم مكتنتش متوقع انه هيبقي كويس
انا عايزة اشوفه :)
مع اني ماليش في عز بس انا كنت متأكدة ان احمد علاء هيبقى ممتاز
على فكرة هومساعد شريف عرفه من قبل التاريخ تقريبا
ناس كتير كانوا اقل منه وكانوا مساعد تاني وتالت مع شريف عرفه وهو مساعد اول اخرجوا وعملوا افلام كتير وهو فضل مستني على نفسه جدا
فرحتني والله
انا عايزة اتفرج عشان احمد علاء ويارب الفيلم يعجبني ما يطلعش زي ابراهيم الابيض
ليكتر
ناس كتير اعترضوا علي النص الاولاني من الفيلم و قالوا انه كان ممل
بس انا شايف ان الايقاع كان مناسب فيه
لان ايقاع احداث الفيلم سريع اوى..و مع كتر الشد و الخدع مكنش ينفع الفيلم يبقي كله جري كده
فاطمة
انا فعلا قريت حوار لاحمد عز اتكلم فيه عن احمد علاء..قال انه من تلامذة شريف عرفة و انه بيتوقع له انه يحقق نجاح مبهر و ينتشر في الفترة الجاية ان شاء الله
لازم تشوفي الفيلم..ان مكنتش بالفعل شوفتيه دلوقتي :D
رحته
:)
فيلم حلو واخراجه ممتاز تكنيك بجد حلو واحمد عز بالرغم من اني ماليش فيه الا انه كان كويس اوي في الفيلم
في تفاصيل صغيرة عجبتني جدا وبالذات مشاهد احمد عز مع احمد عز
اخدت بالك ان في واحد فيهم اقصر من التاني ؟
انا التفصيله دي لوحدها مكيفاني جدا :)
مشاهد احمد عز مع احمد في منتهي العبقرية
خصوصآ مشهد تعليم الحقنة
مالاحظتش حتة الطول و ان كنت حسيت ان نبيل اتخن من فارس :D
اللعب في الإخراج كان عالي اوى..و مستني اشوف احمد علاء هيعمل ايه بعد الفيلم ده
Post a Comment