(1)
هو أبوهشيمة إتجوز هيفا ليه؟
(2)
نظرية: في ناس مابيعملوش حاجة في حياتهم إلا لما يكونوا مستعدين لها
دى حاجة حلوة أكيد..بس مين قال إن العالم بيستني حد يستعد؟
(3)
ايه اللي يخطر علي بالك لو شفت 3 شباب قاعدين قدام كارفور
حواليهم اكياس مرمية واضح انهم خلصوا اللي فيها
اللي بيشرب حاجة حمرا..و اللي بيشرب في قزازة خضرا و اللي شكله خلص شرب و واقف يحط قطرة لعينه عشان مايتفضحش
علني..في وسط الناس و عز الزحمة
(4)
الزمالك بيفاوض عمرو سماكة للإنضمام لصفوفه بداية من الموسم الجاى
تفاصيل العقد مليون جنيه في الموسم و قرش حشيش علي كل ماتش يلعبه و باكتة بانجو علي كل جول و جرام هيروين مكافأة إجادة
(5)
الطبيعي ان لما حد يتصل بك ترد تقول الو
بس في ناس لما بيتصلوا بابقي عايز أرد اقول
"بتتصل تطلب ايه؟"
مابحبش الناس بتوع انت حبيبي عشان عايز منك خدمة
(6)
وزير الصحة بيقول ان مفيش حاجة اسمها انفلونزا الخنازير
و إن الاسم الصحيح لها هو الانفلونزا المكسيكي..نظرآ لإنها جاية من المكسيك
وزير الصحة نسي يقول ان بداية الشكوك في وجود الأنفلونزا المكسيكي داخل مصر
كانت لما الاهلي خسر من نادى با..بااا..اااااتشووووو..كا المكسيكي في كاس العالم للأندية
(7)
الترواكار و التوب "اللي بيتزحلق" هم نجوم الموسم الصيف ده لغير المحجبات
و العباية اللي تحتها جينز هم موضة المحجبات
إبتسم انت في الاسكندرية
(8)
بقي لي 3 شهور مادخلتش السينما
و ده معناه ان بقي لنا 3 شهور بينزل عندنا افلام مستواها وحش
اما نشوف الصيف ده إن شاء الله هيبقي عامل إزاى؟
(9)
قريبآ إن شاء الله هستعرض موسم الصيف الجاى حسب ملامحه اللي ظاهرة
كل اللي اقدر اقوله دلوقتي..ان في عك كتير هيحصل
(10)
بعد موجة السيتكوم اللي غرقنا فيها بقي لنا 3 سنين
الموجة الجديدة هتكون في عروض
stand up comedyالـ
و ده بيثبت اننا فعلا شعب بيحب الضحك
24 comments:
اتزوجها علشان يبقي مشهور ولاسباب خبيثه
خطفها مني ابن اللذين كنت عمال احوش علشان اتزوجها
النظريه
دي انا بعملها للاسف
الشباب
لا تسيء الظن بهم مش بيمكن بيشربوا كاديه ولا فريز مش لازم منكر يعني
بالنسبه لتليفون
انا فعلا عارف ناس معينه مابيتصلوش الا علشان كده
فبرد اقول
ايوه يبني فيه ايه؟
الترواكار و التوب "اللي بيتزحلق" هم نجوم الموسم الصيف ده لغير المحجبات
و العباية اللي تحتها جينز هم موضة المحجبات
إبتسم انت في الاسكندرية
لا دي قديمه الصيف ده احلي حاجه انك تقعد تتفرج علي اللي بيعملوه المحجبات في نفسهم في الصيف عجب بجد
السينما يعني الصيف ده هيعوضونا كتيير اوي
استني الاسبوع ده فيلم عين شمس ودكان شحاته
الصيف ده هيبقي حلو زي صيف 2006 و 2007
قريبآ إن شاء الله هستعرض موسم الصيف الجاى حسب ملامحه اللي ظاهرة
كل اللي اقدر اقوله دلوقتي..ان في عك كتير هيحصل
هو لسه هيبقي فيه عك
ده ابتدي خلااص يامعلم
اقولك اتزوجها ليه
يعني اصله مقتدر وعنده فلوس فاتعود على الرفاهية و الحاجات الغالية فـ حابب يجرب شيء رخيص من باب التغيير يعني
شوفت لاكتر قالك أيه .. لا تسىء الظن بالشباب :D
و الله يا لاكتر هى كانت فريز فعلا و كان البيه بيشربها بالكيوى :D
و انا كنت بحط قطرة فى عينى :D
و يوسف بيه كانت أزازته حمرا .. يعنى بالفراولة .. و انا كانت صفرا بقى .. يوسفى بقى ..
تفتكر يا سولتو لو امجد كان حضر من الاول .. كان حيضرب أيه؟؟
على فكرة انا من ضمن الناس اللى مبيعملوش حاجة غير لما يكونوا مستعدين لها .. بس و الله يا عمنا ربنا يعلم الواحد بيجتهد و بيتعب قد ايه علشان يوصل .. بس انا النظرية دى نجحت معايا كتير تقدر تقول فى اغلب الحاجات .. بس تفتكر كل مرة حتنجح .. ؟؟
يابن اللذينة .. انا فاهم سؤالك .. ألا صحيح تفتكر البتاع دا اتجوز البتاعة دى ليه :D
دا فى عيال صغيرة عارفة دراع هيفا اكتر من دراع أمهم .. شوفت دراع دى :D
هوا مش الزمالك دا اللى هرب منه سماكة و راح وادى النطرون و مش عايز امضى يا بابا .!!
يارب يتوب :D
اه يا زبالة . كل دا علشان كلمتك علشان تسألى على CTP
المسج وصلت على راى القروطى :D
حلوة باتشوكا دى :D
لكى الله يا أسكدرية .. انا معرفش فى الترواكار و الحاجات دى .. بس ربك يستر .. السنة اللى فاتت شوفت موضة مرعبة ..لو مدونتك فوق 18 ممكن أقولك عليها :D
ولا أنا حتى عارف أقول لأحمد دخلنا سينما .. تصدق الفترة دى الواحد نسى السينما .. و عمك البتاع دا اللى أسمه تامر حسنى بتاع ضحكتها مبتهزرش .. ألا صحيح هوا يعنى ايه ضحكتها مبتهزرش :D
كفاية عليك كده
1: الست زي القمر وانثى بمعنى الكلمه ايه اللي يعيبها عشان ابو هشيمة مايتجوزهاش؟!
2: في حاجات بكون مستعدة ليها وفي حاجات بغامر فيها واوقات بفشل وانا مستعده وبنجح وانا مغامرة والعكس صحيح يعني النظرية دي مش مقياس
3: ههههههههههههه طالما قدامهم 3 قزايز فريز فأكيد بالي هيروح لبعيد اوووي d:
4: وانا سمعت ان كل اللي ذكرته ده اتقدم من كاظمة الكويتي للأهلي مقابل انتقال عمرو ولولا العرض المغري ده ماكانش الأهلي وافق على انتقال اللاعب d:
5: الدنيا مصالح يا محمد :)
6: طيب والله الإسم المكسيكي ده احلى واخف وطأة من الخنازير ..على الأقل الناس مايحصلهاش كل الرعب ده وتبقى دعوة لقضاء عطلة صيفية ممتعه d:
7: مش فاهمه موضوع العباية ده..
لو العباية مفتوحه وتحتها جينز يبقى مالهاش لازمه بصراحه ..انما لو مقفولة وتحتها جينز فين المشكلة ؟!
8: تصدق وتآمن بالله انا مابدخلش سينما الا في مصر :D
عندي كل الأفلام العالمية هنا واحسن السينماهات ولا بروح :D
9: سولتو للإنتاج الفني d:
10: الواحد يدفع نص عمره بس يضحك من قلبه ..للأسف على قد مابنضحك على قد مالضحكه مالهاش طعم الزمن ده مش عارفه ليه!
ليكتر
كمل تحويش..علي ما تعملك قرشين دورك يكون جه :D
بالنسبة للشباب..دول يبقوا انا و قباري و يوسف
و قباري هو اللي طرح التساؤل ده..لو الناس شافوا المنظر يفكروا في ايه؟ :D
البنات في الصيف بيعملوا اكروبات و عروض ترفيهية للجماهير..سواء محجبات او غير محجبات
انا عايز اشوف دكان شحاتة عشان افهم ايه متطلبات الدور اللي تخليهم يجيبوا هيفا؟؟
و ياتري بيبيع ايه؟
ريم
هي نظرية..بس المفروض لما ييجي يجرب
مايجربش حاجة بالرخص ده
قباري
امجد لو كان جه اكيد كان هيضرب اى حاجة زرقا
بالنسبة للنظرية..الفكرة ان الحياة بتجري و ساعات بتلاقي نفسك مشدود شدة علي خوانة و بتعمل حاجات انت مش عايز تعملها ولا مستعد لها نفسيآ
يعني اكيد كلنا بنحب نعمل الحاجة في الوقت اللي يناسب مزاجنا
بس مزاجنا مش مزاج الحياة
بالنسبة لابوهشيمة متهيألي انه حابب يجرب الجانب العملي
بس بيقولوا انها هتتقل هدومها شوية و تكتفي انها تلبس نص كم..لان الكم هيحر دراعها :D
سماكة برر انه لما كان هيوقع للزمالك كان متقل العيار شوية
و لما صحي الصبح و لقي نفسه في بيت غريب و لابس تي شيرت بيضا بخطين صرخ و لم الناس و قالك شربوني حاجة صفرا و مضوني للزمالك
و خرج يهيم علي وجهه و اختفي كام يوم لحد ما الاهلي عطف عليه و اواه في النادى
بس وقتها سماكة كان وصل لمرحلة الضياع و بقي منحرف و بيشرب حاجات صفرا و زرقا و حمرا كتير :D
يا عم انت قايل لي علي الحوار بتاعك و احنا سوا..هتتلكك عشان تبقي مصلحجي بقي
هو فعلا انت اخر واحد كلمني في التليفون قبل ما ابعتها..بس اكيد انت مش من الناس دول :D
الترواكار ده هو الجينز الضيق اوى اللي اخره عند قصبة الرجل
البلوج لفوق 18 سنة..أحكي لي موضة الصيف اللي فات :D
بالنسبة لفيلم تامر فانا متأكد انه هينجح اكتر من الجزء الاول
لدرجة انني ممكن ادخله في السينما
سـاره
1- هيفاء زي القمر و انثي؟
ده من اى زاوية؟
انوثتها مصطنعة لدرجة بتخليني مقدرش ابص في وشها دقيقة
3- غشيتي انتي موضوع الفريز ده :D
4- و لنفس السبب كاظمة الكويتي فسخ تعاقده في يناير اللي فات
6- بس كفاية حاجة مكسيكي
مسلسلات..اكلات..كمان انفلونزا؟
8- الصيف ده لو جيتي مصر مش هتلاقي افلام كتير تستاهل انك تدخلي السينما عشانها
10- ده لان الكوميديا بقت افيهات..و كوميديا الموقف بقت قليلة
بسم الله الرحمن الرحيم
أنا عاوزة أقول حاجة بس مش عاوزة تزعلوا مني
h g [ , h . g l h f d ; , k u g n s k m h g g i , v s , g i < l d s j p r a k q p ; u g d i < h , k j ; g l u g d i
l d s j p r a k j ; g l u k , h p ] m l s g l m t d ` l m , h p ]
] h d l h t d p d h j k h < f k ' , d w t p h j , k p h , g k p ' i h g , v h
g d i l a v h q d d k ; ] m < l u k h s j h k d m < l u h k s h k m , h k s h k < t d a d x h k s h k d f d o w i l < , a , d x ; , d s
أنا آسفة,يمكن غلطت,أنا آسفة,وبعتذر قوي
..
آسفة مرة تانية,مش هدخل وأضايق حد بدون قصد,أنا آسفة:)
آسفة,حطيت مسافات في الرد,علشان الصفحة,كانت معرتضة على الرد,اخطأ في العلامات html مش فاهمة
آسفةجدا:)
أنا آسفة,أنا معرفتش أترجم إللي أنا كاتباه تاني,ومش عارفة لما أخدت المسافات,اتلخبط ولا بقى صح
بس,كنت
بتكلم في موضوع,انتم بتتكلموا عنه,في الردود والموضوع
وخفت كلكم,,تتضايقوا وتزعلوا من وجهة نظري,عليه,الردود,أو الجزئية دي,آسفة مش مهمة,آسفة
إيمان
بعد 4 كومنتات فات الاوان انك تقولي انسوا :)
ياريت تقولي النقطة اللي حابة تتكلمي فيها
امم
انا هترجم :)
كنت بقول :)
أول حاجة,,أنا آسفة جدا,وبعتذر تاني :)
وآسفة لو كنت بضايقكم بدون قصد,أو ضايقت حضرتك بدخولي وتدخلي :)
تاني حاجة :)
..........
كنت بقول بالضبط,,,تقريبا :) بس اتكسفت تزعلوا,,فكتبته بحروف ملخبطة انجليزي :)
الجواز,لو على سنة الله ورسوله :)
فمش من حقنا,نقول ليه :)
زواج,إنسانة مسلمة :)
وإنسانة,وإنسان :)
السبب,,
الزواج دي حاجة كويسة :)
بدل ما نباركها,هنقول عليها ليه :)
........
دي حاجة,تخص طرفين,وأهلهم :)
,,,,,,,,
تاني حاجة,ومتزعلوش مني :)
في الردود :)
زعلت قوي
إننا بنتكلم عن إنسانة :)
ومسلمة :)
دراعات ومش دراعات :)
مش احنا قبل كدة زعلنا,لما اتكلمنا,عن بنات ميتين,صح :)
ايه الفرق :)
مش دي انسانة,ومسلمة :)
إيه لازمته,دراع الناس دلوقتي :)
دي انسانة,دخلت على مرحلة جديدة في حياتها,,والله أعلم بيها :)
واحنا نفسنا,,دايما بنحاول,,نطوي صفحات في حياتنا,,بأي شيء فيه :)
بأي كلمة قولناها :)
ليه إحنا,,كناس,,مش بندي غيرنا الفرصة دي :)
يعني,,دول مسلمين :)
وبشر :)
وآسفة ,لو أنا غلطت :)
آسفة لو غلطت,,وردي غلط :)
آسفة جدا بجد :)
وبعتذر :)
لأني دمي تقيل قوي في اللي بقوله ده,ويمكن اكون انا غلطانة,آسفة:)
شكرا جزيلا :)
وبعتذرلكم,مرة تانية:)
ومتزعلوش مني :)
إحنا يمكن,بننم على الفنانين :)
ويمكن,ذكر أخاك بما يكره,,إحنا بنعمل كدة :)
ساعات :)
وأنا,أول واحدة بغلط :)
وبنسى,إنهم مهما يكن,,بشر :)
آسفة لو زعلتم :)
بس,,دوافع حد لزواج,,تخصهم قوي :)
ودي حاجة,,سنة :) يعني ترضي ربنا :)
وحياة على سنة الله ورسوله,هنتكلم فيها ليه :)
وليه نقول,,دراعات
آسفة:)
بقول برضه,,لكل الردود
آسفة قوي:)
آسفة لو غلطت :)
هيفا و اللى زيها بجد بيصعبوا عليا..بعيدا عن ان ضحكتها بتقلبلى بطنى و لبسها بيستفز كل طاقات حقوق المراة جوايا و البقين بتوع امتهان كرامة المراة و النظرة السطحيةالى اخر الكلام دا.. بما انى فيمينست قديمة :D
بس حقيقي اللى زيها بيصعبوا عليا..يا ترى ايه مدى الوحدة اللى ممكن تخلى ست زيها تعرض نفسها بالشكل الرخيص دا عشان تلفت النظر ليها؟
العالم ما بيستناش حد و الفرصة اللى بتروح ما بترجعش ..بس فى فرق بين اللى فعلا مش مستعد و بين اللى خايف يجرب حاجة عشان مش عارف اخرها..اللى مش مستعد بيبقى سايب الاحتمالات كلها مفتوحة قدامه و الخايف هيضيع عمره و هو بيعد الفرص اللى فاتته و الناس اللى كان بيتمنى يقربهم منه اكتر لكن خوفه على نفسه منعه من حاجات كتير كانت ممكن تسعده و بايده سابها تعدى من قدامه
الاحمر ممكن يكون فراولة و الاخضر ممكن يكون ماونتن ديو..انا لو من اللى معديين فى الشارع هشك فى بتاع القطرة و مش بعيد ابلغ عنه :D
معلوماتى عن الكورة بالظبط زى معلوماتى عن الطبيخ فمش هحرج نفسي :D
كان عندى واحدة اعرفها كدا بالظبط ..الحل للناس دى هو انك تستأصلهم من حياتك تماما..او بمعنى اصح تخليهم يكرهوا اليوم اللى قرروا فيه انهم يقصدوك فى خدمة
كنت لسه بفكر انهاردة فى الانفصام الرسمى اللى فى مجتعنا..بيغفر اى حاجة للبنت بمجرد ما تحط الايشارب على راسها مهما كانت عملت ايه قبل كدا كله بيتنسي..و اللى مش محجبة فيه دايما مدانة حتى لو كان اقصى ما عملته فى حياتها هو انها شربت ازازتين ريدبول
فيلم واحد صفر حلو اوى و باقى الموسم واضح من اوله..كفاية عمر و سلمى 2
يا ريت يبقى عندنا حاجة زى saturday night live كدا فى يوم من الايام
بس انا بيتهيالى ان اقصى ما ممكن نوصله فى التليفزيون المصرى ستاند اب كوميدى من بطولة القدير عزب شو :D
رديت من اشتراك تاني,,أنا آسفة :)
ومتزعلوش مني,أنا مش بنصح,أنا كلي غلط في غلط,وأنا الوحيدة اللي غلطانة وبس,,آسفة قوي:)
ويمكن,,عيب قوي ردي ووجهة نظري دي
لأنكم مش تقصدوا كدة :)
أنا آسفة:)
ياسمين :)
يارب تكوني بخير يارب :)
هي سيت,يعني,زي سيت داون,ولا ايه؟
آسفة عن السؤال
صح
هو
stand up
يعني إيه
كوميديا على الواقف
أنا آسفة:)
يا الله يا إيمان
إيه يا سارة :S
يادي النيلة بقى
أعتذر
آسفة عن كلمة يادي النيلة طيب
يعني اعتذر عن ردي هنا طيب بس ولا ايه :S
انا حرة
الشعور بالوحدة تفسير منطقي جدآ للي ممكن يكون دافع لهيفا و امثالها يعملوا كده
لان اكيد رغبتهم في الفلوس وا لشهرة بتكون ناتجة عن ان حياتهم فيها نقص مخليهم مش راضيين عنها
فقر مادى..مفيش حد حواليها بيحسسها بانوثتها كفاية..حب لفت انتباه..حاسة ان كل اللي حواليها بيبصوا لشكلها و مابيهمتوش بشخصيتها
بس اعتقد ان دول وحدتهم بتكون شديدة لدرجة انها تدفعهم للجنون
شكك في بتاع القطرة في محله..ده انسان فاسد :D
احسن حل لبتوع المصلحة هو الإستئصال فعلا..و انا بدأت في ده
ازازتين ريدبول؟ دي لازم تعدم رجمآ بالزلط في ميدان عام
سمعت كتير عن فيلم واحد صفر..بس بالنسبة لعمر و سلمي انا حاسس ان تامر هيعمل شيء مختلف
اكيد مش فيلم محترم..بس حاسس انه صيف تامر حسني
اعلانات السقا و الاخبار عن باقي الافلام ماتشجعش
الصحفي هيثم دبور هيحول كتابه "اول مكرر" لعرض ستاند اب كوميدي
و اكرم حسني كمان هيتجه للمجال ده
و علي نطاق الوطن العربي
يوري مرقدي بقي له شهور بيقدم مسرحية قريبة من الستاند ادب كوميدي
و هيعرضها في جولة في الوطن العربي
و لحد الوقت ده..مجبرين نشوف كوميك شو بتاع عزب شو :D
و لو ان الراجل ده عمل كام حلقة حلوين :D
إيمان
مفيش مشكلة ولا كان في داعي لكل التردد ده ولا التفكير في الإعتذار
وجهة نظرك جديرة بالإحترام :)
Post a Comment