(1)
اول حب في حياته..كانت حبيبه صاحبه السابقة بتحاول تغيظ صاحبه
و لما صاحبه نفض لها و ما اهتمش بالموضوع..راحت صارحت صاحبه يوم الفالانتاين انها بتحبه هو..فنفض لها
سابت صاحبه و راحت تقابله عشان يحتفلوا بالفالانتاين
(2)
إحساسه بإنه أصغر واحد في المكتب خلي عنده إحساس إنه لازم يثبت نفسه لمديرته المفترية
فقرر مع أول صدام يقول لها لو مش عاجبك شغلي انا كاتب إستقالتي
و كان ردها و أنا قبلتها و اخدت منه الورقة و غابت 5 دقايق بعد ما اعتمدتها من رئيس مجلس الإدارة
(3)
مستني ميعاد مع حبيبته القديمة من 3 سنين
هي إدتله الميعاد و لسه ماجاتش..و هو لسه مستني
(4)
أول يوم إستلم فيه عربيته الجديدة قرر يروح بها مشوار بعيد عن بيته بـ300 متر
عمل في الـ300 متر دول حادثتين
(5)
يوم لما لقي أخيرآ فتاة أحلامه اللي تنسيه حبيبته القديمة جتله فرصة عمره بالسفر للخارج عشان يعمل رسالة الماجيستير
و بما ان ايامه في بلده بقت معدودة..قرر يصارح البنت بمشاعره
قعد يتصل بها يومين و ماتردش
و هو في المطار إتصلت هي به و قعدت تعتذر له نص ساعة كاملة بسبب عدم قدرتها علي الرد علي مكالماته بسبب ظروف حصلت لها
و رغم رومانسيتهم في المكالمة مقدرش يكمل الكلام و يبوح لها بمشاعره..اصلهم نادوا علي طيارته
10 comments:
اشته ده كله حصل
خير خير قضاء وقدر مش هعتبره حظ وحش ولا حلو
ممكن تمشي مقدر و نصيب مش شرط حظ
و لو انه حظ مش حلو بصراحة
بكرا يعرف ان اللي حصله كان كله لمصلحته
بطريقة او باخرى :)
لكتر
ايوه..ده كله حصل لنفس البني ادم
هو فعلا قدره و نصيبه
ريـم
هو فعلا مش شرط حظ
"يابن اللذينه يا محظوظ"
دي جملة كانت بتجمعنا بعد اى حاجة وحشة تحصل له
بس طبعآ ده قدره و اللي مكتوب له و هو دائمآ كان راضي عنه :)
فاطمة
هو فعلآ إبتدى يجني ثمار حاجات تانية خلت لحياته طعم أفضل الحمدلله
متهيألي لو الحاجات الوحشة دي ماكنتش حصلت ماكنش هيتحط علي الطريق اللي هو ماشي عليه دلوقتي
يكفي ان دلوقتي لما بتيجي سيرته وسط اى حديث بيني و بين اى حد من اصحابنا بنلاقي نفسنا تلقائيآ بندعي له بالتوفيق لانه يستاهل كل خير :)
ممكن,أدخل في النقاش
ولا لأ,أزعجكم :)
على فكرة
صديق حضرتك
حظه حلو
هو,بس,يفضل مقتنع,إن مفيش حاجة,بيجيبها ربنا وحشة
دايما
خيرها في غيرها
وأهو بيتعلم
ولكل حاجة
بإذن الله,سبب
علشان,تدخله على حاجة تانية
وعلى فرصة
يمكن أحسن
يمكن ربنا,بيقرب منه حاجات
وبيبعد عنه,حاجات
ويمكن,ويمكن
حاجات كتيرة قوي
ولكل حاجة في حياته
حكمة,وهدف منها
ويمكن,بقول أي كلام :)
بس هو,يفضل مقتنع,إنه حظه,أفضل من غيره
وإنه,أوفر الناس,حظا
وإنتم كمان :)
مهما شفته
من حاجات
اتهيأ لكم فيها
إنه سوء حظ ليه
اعرفه,إنها,خير ليه,
يمكن :) بإذن الله,يمكن
بعتذر,كتبت كلمةغلط.....اعرفوا* عادي:)
إيمان
طبعآ لازم الواحد يبقي راضي بكل اللي مكتوب له و لازم يحمد ربنا في كل الاحوال
و زي ما قلت قبل كده في ردي..هو كان دايمآ راضي و معترضش
و اللي كان باين حظ وحش كان فيه خير له :)
و انا برضه مقتنع بنفس النظرية..حاجات كتير وحشة مريت بها و رغم انها ضرتني جامد بس برضه استفدت
اصلآ اللي مايتعلمش من تجاربه الوحشة عمره ما هيتجنب انه يقلل فرص الوقوع في تجارب وحشة شبهها في المستقبل
ربنا يسترها معانا كلنا و يكتب لنا اللي فيه الخير :)
ربنا يسترها مع الجميع يارب
شكرا على الدعاء للجميع,ربنا يكرمك
Post a Comment