إنجلترا فيها برنامج مواهب اسمه
Britain's got talent
و هو النسخة البريطانية منها اللي تم اخذ البرنامج الامريكي
America's got talent
و
Australia's got talent
والتلاتة بينتجهم سيمون كاول
و هو عضو لجنة تحكيم النسختين بتوع بريطانيا و أمريكا
و في الوطن العربي هيكون عندنا النسخة العربية قريبآ إن شاء الله علي شاشة
و في الوطن العربي هيكون عندنا النسخة العربية قريبآ إن شاء الله علي شاشة
LBC
المهم..في الحلقة الاولي من موسم 2009 من برنامج
Britain's got talent
ظهرت متسابقة اسمها سوزان بويل
عمرها 47 سنة..قروية ساذجة..فستانها قديم و شعرها منكوش
مزارعة بريطانية تقليدية و بسيطة جايه من قرية في مدينة
جابوها في الكواليس قبل ما تظهر علي المسرح قاعدة تاكل بنهم و منظرها غير مألوف وسط المتسابقين
لما طلعت علي المسرح كانت مرتبكة شوية في كلامها
لجنة التحكيم و تحديدآ سايمون كاول اتكلموا معاها حوالي دقيقة و كان الكل مستغرب الست دي بتعمل ايه علي المسرح
الراجل سألها نفسك في ايه يا سوزان؟
تقوله عايزة ابقي مطربة محترفة
و الجمهور بيضحك كل ما تتكلم و الكاميرا بتجيب ردود افعال لجنة التحكيم و جمهور المسرح
طبعآ محدش مستوعب الست دي ايه اللي جابها
و نظرات السخرية و الإستهجان علي وشوش الكل
سألها تانى هتغني ايه؟
قالت هغني اغنية
I dreamed a dream
من فيلم البؤساء
و إشتغلت الموسيقي و غنت سوزان بويل..و صدمت الكل بأداء مبهر
الست القروية الساذجة طلعت بتتمتع بموهبة و صوت ساحر خلت المسرح كله يبقي في حالة تصقيف مع كل جملة تغنيها
و إدت للناس درس كبير في عدم الحكم علي الاشخاص بمظهرهم ولا الإستهانة ببساطة اى حد
و ادت للكل درس ان طالما عندك حلم انت مؤمن به و مصدق نفسك..مفيش حاجة ممكن تمنعك تحققه
خلصت الاغنية و رجعت تاني القروية الساذجة
بس وقتها كانت نظرات الإحترام و الإعجاب هي المسيطرة علي كل اللي موجودين حواليها
ده لينك الفيديو ع اليوتيوب
المهم..في الحلقة الاولي من موسم 2009 من برنامج
Britain's got talent
ظهرت متسابقة اسمها سوزان بويل
عمرها 47 سنة..قروية ساذجة..فستانها قديم و شعرها منكوش
مزارعة بريطانية تقليدية و بسيطة جايه من قرية في مدينة
جابوها في الكواليس قبل ما تظهر علي المسرح قاعدة تاكل بنهم و منظرها غير مألوف وسط المتسابقين
لما طلعت علي المسرح كانت مرتبكة شوية في كلامها
لجنة التحكيم و تحديدآ سايمون كاول اتكلموا معاها حوالي دقيقة و كان الكل مستغرب الست دي بتعمل ايه علي المسرح
الراجل سألها نفسك في ايه يا سوزان؟
تقوله عايزة ابقي مطربة محترفة
و الجمهور بيضحك كل ما تتكلم و الكاميرا بتجيب ردود افعال لجنة التحكيم و جمهور المسرح
طبعآ محدش مستوعب الست دي ايه اللي جابها
و نظرات السخرية و الإستهجان علي وشوش الكل
سألها تانى هتغني ايه؟
قالت هغني اغنية
I dreamed a dream
من فيلم البؤساء
و إشتغلت الموسيقي و غنت سوزان بويل..و صدمت الكل بأداء مبهر
الست القروية الساذجة طلعت بتتمتع بموهبة و صوت ساحر خلت المسرح كله يبقي في حالة تصقيف مع كل جملة تغنيها
و إدت للناس درس كبير في عدم الحكم علي الاشخاص بمظهرهم ولا الإستهانة ببساطة اى حد
و ادت للكل درس ان طالما عندك حلم انت مؤمن به و مصدق نفسك..مفيش حاجة ممكن تمنعك تحققه
خلصت الاغنية و رجعت تاني القروية الساذجة
بس وقتها كانت نظرات الإحترام و الإعجاب هي المسيطرة علي كل اللي موجودين حواليها
ده لينك الفيديو ع اليوتيوب
23 comments:
انا صقفت اصلا لمما شوفتها علي ام بي سي 4
بجد كنت مبهوور بها مش علشان صوتها الرائع وبس لا علشان ادت صفعه مدويه لكل اللي استهان بها
اظن ان سوزان بويل السنه دي هتبقي من اهم شخصيات 2009 لما يعملوا استفتاء في نهايه العام علي مجله تايمز
الست دي خرافة بجد
نفس احساسي اول ما شوفتها في احد البرامج
استهجنت شكلها بس لما غنت بجد والله
شيء يبهر الواحد اداء و احساس رهيب
فعلا ادت اهم درسين زي ما قولت للناس
بجد رائعة و خلتني في حالة ذهول
انسانه مش بس عندها حلم لالا دي عندها حلم وطموح وعزيمة واراده واصرار وثقة بالنفس جميلة جدااا خلتها واقفه زي الجبل قدام الإستنكار والإستهزاء بشكلها وسنها ..ماهتزتش ابدااا لأنها مؤمنه ان عندها موهبة تتحدى بيها كل الموجودين
تعال شوف بقى عندنا يامحمد..اهم حاجه الشكل عشان احنا في عصر الصورة ..عصر الفيديو كليب..بالله عليك لو سوزان دي اشتركت في اي برنامج عندنا تتوقع يقبلوها !!! اول حاجه حيقولوا انتي اتجاوزتي السن القانوني !!!
للأسف إحنا ناس بتهتم بالمظاهر وبس ..وللأسف اكتر اننا مابنعرفش معنى ان المظاهر خداعة الا لم يحصلنا موقف ..وقتها نقول ياريتنا فتشنا عالجوهر وبعدنا عن المظهر !! شئ مؤسف
بما اني عبقرية في الانجليش... فطبعا نص الكلام مافهمته..
لكن صوتها كان كتير حلو
وفعلا كلام سارة كله صح...
اعمل مقارنة كده بين اللي عندنا
واللي عندهم..
الحمد لله والشكر..
بس فعلا كان أداء متميز..
الحكاية دي فكرتني
رغم إنها بعيدة عنها:)
بعم محمد,الراجل العامل البسيط,,إللي قابلته مرة,في مستشفى الطلبة,وكان عنده,عزة نفس ,وأخلاق,وكرامة,أحسن من مليون دكتور:)
وبمناقشة رسالة ماجيستير صاحبتي النهاردة
بنت الناس العاديين,إللي على قد حالهم,وإللي الحمد لله
بقت أحسن من مليون حد :)
وبقت معيدة في الجامعة,وناقشت الماجيتسير,والحمد لله ربنا مش خذلها
وخلاها,أحسن واحدة الحمد لله,ودكتورة في الجامعة بإذن الله
وزي ناس كتيرة
رغم حالهم البسيط
بس جواهم حاجة,وربنا راضي عنهم,وبيديهم الحمد لله,ويدي درس لكل الناس:)
زي اللاعب البسيط,اللي فخور بأهله وبإنه كان عامل
والحمد لله,ربنا بيديه,على قد تعبه,على قد موهبته
,,,
المهم
سوزان بإذن الله,تفضل كدة
ومش تتغر
لأن,,
كلنا بنتغر :)
,,,,,,,
في يوم,نلاقينا,كنا في مكان ناس
وفي يوم تاني,نلاقينا,بنتريق عليهم,ساعات,نفسنا بيصيبها الغرور
النفس أمارة بالسوء :)
ربنا يوفق الجميع,وربنا مبينساش حد أبدا:)
وبيفرح الكل
سوزان البسيطة,وكل حد,ربنا بيفرحه:)
وربنا يهدينا جميعا:)
,,,,,,
وآسفة قوي:)
تسمح لي :)
أنا هحطه في إيجي فيلم :)
تسمح لي :)
الاول britain's got talent
ملوش دعوه بامريكان ايدول ...
البرنامج المناظر له فى امريكا اسمه amirca's got talent
وفيه برده نفس الراجل التانى .. مش سايمون
وهو نظامه غير امريكان ايدول خالص ... عشان ده لكل انواع المواهب من كل الاعمار
لو هى قدمت فى الايدول ... كان ممكن متتقبلش
بس هى فعلا وهمية ... و عندها موهبة سكتت كل الناس و كل اللى اتريقوا عليها و بصوا لها على انها جايه تعمل دى ايه هنا
هناك الناس تحلم وتحقق احلمها
شوفت الفيديو تعبت واتحسرت على حالنا مع ان الناس كانت مندهشة ومستغرباها ومستهترة بيها بس سمحولها بالمشاركة والوقوف ع المسرح وبالغناء واتحول كل دا لاعجاب وانبهار لانها كانت عايزة وحققت اللى عايزاه
هنا الناس تحلم ويقتلولك الحلم قبل ما يتولد ومش بس كدة بيقتلوا جواك اى حلم
ليكتر
انا شفت الفيديو علي اليوتيوب من غير ما اعرف موضوع انه بيتذاع هنا
هو البرنامج بييجي علي ام بي سي 4 يوم ايه و الساعة كام؟
انا برضه متفق معاك انها لو قدرت تكمل في مراحل ازيد من البرنامج لازم تبقي من اهم شخصيات 2009 في بريطانيا
ريم
انا اول ما شفتها كنت بسأل نفسي ليه يجيبوا الست يهزقوها
و كان صعبان عليا انهم بيسخروا منها..خصوصآ لما حطت ايدها في وسطها و هي بتكلمهم
و الناس قعدوا يضحكوا و المذيع قلدها
وقتها كنت ابتديت افكر انني اقفل الفيديو
بس كنت حابب اعرف الموقف هيخلص علي ايه..و اتفاجئت باللي عملته لما غنت
سـاره
إحنا مجتمع بيعشق المظاهر
البنت الحلوة لها الاولوية و التقدير و تتشال علي الراس
حتي لو شخصيتها كانت وحشة
لو رجعتي للفيديو في الدقيقة الاولي بعد 42 ثانية
ظهرت بنت جميلة و كان علي وشها اكتر تعبير استهزاء شفته في حياتي
حقيقي حسيت ان سوزان بويل ضربتها قلم مطرقع اول ما نالت اعجاب الجمهور
و كان في كومنتات كتير علي الفيديو لناس نازلين شتيمة و تحقير في البنت دي
بالنسبة لفكرة ان الصورة هي العنصر الاساسي في صناعة الاغاني
ده عندنا و عندهم برضه
قاعدة الشهرة مرتبطة بقاعدة اللحمةفي جميع انحاء الكرة الارضية : D
الاء
فعلا الاداء كان متميز جدآ
علي فكرة هي كصوت..صوت قوي مش مثلا صوت حلو و نادر
بس هي عشان عندها حلم دربت نفسها بحيث ان اداءها يطلع بالابهار ده
إيمان
طبعآ مفيش مشكلة بالنسبة لاستخدام الفيديو في إيجي فيلم او اى موقع تانى..ده يوتيوب يعني ملكية عامة :D
بس بالنسبة للبوست نفسه..طبعآ انا متشكر جدآ لكي انه عجبك و انك اهتميتي ان الناس تقرأه
بس اعذريني في الجزئية دي..مش هقدر :)
كل الامثلة اللي ذكرتيها إيجابية و بتأكد علي نقطة اننا فعلا مش المفروض نقيم الناس بمظهرهم او وضعهم الاجتماعي او هم جايين منين
طالما الناس عندهم حلم و بيحققوه بكل شرف و إحترام..يبقي إحترامهم و تقديرهم واجب علي كل الناس
نانسي
كلامك صح
britain's got talent
مش هو
american idol
سايمون كاول هو منتج البرنامج و لما نجح نقله لامريكا و قدم
america's got talent
و بعده
australia's got talent
و في النسختين بتوع انجلترا و امريكا بيرس مورجان بيقدم معاه البرنامج زي ما قلتي
و حسب ما اظن النسخة العربية هتقدمها
LBC
قريبآ إن شاء الله..لانني شفت من فترة إعلانات عن برنامج مشابه
احمد
احنا مجتمع مفيهوش ثقافة الحلم
لو قلت لحد فكرة معينة يقولك
"يا عم انت بتحلم"
و كإن الحلم عندنا عيب
و اللي بيحلم إما مجنون او مضطرب نفسيآ
برنامج انسايد ايدتشن جاب الفقره من اولها لاخرها وكان عامل حلقه كامله عن البرنامج واللي حصل ليلتها
بس معرفش بقي بيتذاع امتي
wow
روحها جميلة بجد
حبيت ثقتها في نفسها اوي اوي بجد اثرت فيا جدا
شكرا يا سلطان :)
ابن خالتى فى امريكا كان باعتلى الفيديو بتاعها من حوالى 3 اسابيع
كان الفيديو بيقول أضحك مع سوزان
و لو تلاحظ أن الناس فى الكواليس كانوا بيستهزؤ بيها و هيا واقفة على المسرح
صوتها وهمنى اساسا و بعت لأبن خالتى قولتله دى تحفة
ليكتر
انا كنت فاكر البرنامج نفسه هو اللي بيتعرض
شكرا علي التوضيح يابو الدكاترة :D
فاطمة
welcome back :)
انا مستني الست دي في المرحلة تانية من البرنامج
حسب ما سمعت هتبقي في نص مايو إن شاء الله
قباري
هو بعد الفيديو لسه في ناس بيقولوا اضحك مع سوزان؟
عايز تفهمني ان ابن خالتك شاف الفيديو و حسها كوميديه؟ :D
لا يا عمنا ..
الفيديو كان بيتعمله forward
يعنى تقدر تقول شافه و مغيرش العنوان
دى عجباه قوى علشان هوا بيحب الأصوات دى و كان احدى مجانين yanni
أنا آسفة جدا : )
Post a Comment