الموضوع بسيط جدآ
اتكلمت مع بعض من اصحابي في موضوع و لقيت اننا متفقين علي اهميته
الموضوع ده بينقسم لنصين
النص الاولاني كلمات بالانجليزي محيرة الناس نظرآ لاسباب قد تتعلق بلاتينية الكلمات او انها كلمات غير شائعة الاستخدام
النص التاني كلمات بالإنجليزي واضحة و صريحة و مع ذلك الناس بيفتكسوا فيها
طبعآ تجاهلت موضوع نطق
P/B و B/P
و فلسفة البي الخفيفة و البي التقيلة اللي إخترعها عباقرة التعليم العربي
اولا: الكلمات اللي دوخت الناس
status
الكلمة دي دوخت و مدوخة ناس كتير
لانها كلمة لاتينية فمحدش لاقي لها نطق سليم..و لذلك اجتمع علماء الامريكتين علي نطقين كلاهما صحيح
statyos و staytos
تاني كلمة هي
skype
كلنا عارفين البرنامج ده..و هو بالمناسبة أفضل برنامج من ناحية الصوت
و بيتنطق
skyep
زي كلمات مشابهة عارفينها زي
type - pipe
تالت كلمة هي
idle
و دي يتدارك اهميتها كل اللي بيتعاملوا مع ياهو ماسنجر و الماسنجر بلاس كمان
و بتتنطق
idel
زي كلمات مشابهة معروفة اكتر زي
icon - item - ipod
الجزء التاني كلمات محيرني ليه الناس يغلطوا فيها
الكلمات دي معظمها كلمات خاصة بمجتمعنا و هي غالبآ اسماء شركات
بس في ناس اخترعوا لها نطق خاص مش مفهوم سببه
اول حاجة
T E Data
تلات ارباعنا بيتعامل معاها عشان النت
..بتتنطق غلط ككلمة واحدة
tedata
رغم ان الاسم واضح و مميزينه بالالوان لسهولة النطق
T-E-Data
تاني كلمة
vodafone
واضحة و سهلة..بس في ناس لهم نطق مختلف لها
fodafone
و ده طبعآ ناتج لانهم بيقروا الاسم العربي
و دي مشكلة بيقع فيها ناس كتير في كلمات تانية
خصوصآ الصيادلة..بيكسلوا يقروا الاسم الاجنبي و بيقروا العربي
mobinil
اول ما ظهرت كان في افتكاسات هايلة في نطق اسمها
mobi-nile
mobi-nell
بالمناسبة..في ناس لسه بيكتبوها غلط
CV
اثناء رحلة البحث عن وظيفة..قابلت سيكرتيرة في شركة سألتني لو كنت جايب معايا السيفيه
و نطقتها كده
cefeh
و لما حاولت اكدب ودني..سالتها بتقول ايه
فتكرمت و ترجمت لي انها السيرة الذاتية..و اكيد في سرها قالت جااااهل
17 comments:
المشكلة يامحمد في اساس التعليم
!!شوف نطق الأساتذة عامل ازاي
طبيعي انك لما بتتعلم منهم هتاخد نطقهم
ولما تاخد نطقهم وتتعامل مع حد.. هيلقط نطقك منك
بالإضافه للعامل التاني اللي قلته وهو اننا بنقرا الكلام بالعربي
:D فبننطقه بنفس النطق..انجليزي متعرب
بس كله يهون يامحمد مقابل نطق الهنود
على الأقل الكلام بيتفهم وبينعرف المقصود منه
بس الهنود بينطقوا الإنجليزي بشكل غريب
r وخصوصا حرف الـ
بيلدغوه بشكل مش طبيعي ده غير لما ترافقه هزة الراس
:D وقتها انسى انك ممكن تفهم كلمة وحده
well it depends if u pronounce with or with out an accent. ana 3n nafsi msh b3raf lama atkalem anta2 el T b7es eni strangers if i say battle with the t :D i usually say barrle. americans never pronounce the t ya sulto.
لووز
كلمه virus
شوف بتتنطق ازاي من اساتذه الجامعه اللي معاهم دكتوراه
بيقولوها فيرووووووز بالمانجه اه يامانجه
والله ضحكتني على السيفيه..
لا حول الله يارب
ولا كمان سكايبي
افففففف.. في كلمات بجد تنرفز لما تسمعها
ولا زي ما ليكتر قال.. فيرووووز
هههههههه
موضوع نايس..
ويلكم باك مستر سولتو
طيب أنت عارف انا من الناس اللى بتنطق فودافون بـ F
انا بحس أن حرف الـ V
عندى بايظ :D
بس الباقى الحمد لله :D
سـاره
مشكلة التعليم في كل الاجيال انهم بيحفظوها مش بيفهموها
يعني مظنش حد فيهم كان بيهتم يتأكد من النطق
طالما مابيغلطوش فيها في الكتابة..يبقي مفيش مشكلة
كنتي بتتكلمي علي الهنود و حرف ال
t
و دخلت انغام تقولك انها زيها زي الهنود :D
أنغام
barrle
كده الناس يفتكروكي بتتكلمي عن البراميل
بعدين انتي بالذات الانجليزي بتاعك ضايع..امريكية مضروبة :D
ليكتر
دول واخدين الدكتوراه من جامعة ام زينهم ولا ايه؟
دول لا طالوا عربي ولا حصلوا انجليزي :D
ده انا بشوف بلاوي مع الصيادلة لما اروح اشتري دوا
الاء
هي الحكاية ماتعصبش..خصوصآ في الجزء الاول من الموضوع
بس في الجزء التاني..تثير الدهشة :D
قباري
اشوفك بالليل علي
avandina :D
انا الانجلش بتاعي مضروب
روح انت و ال british accent
انا لو يتدفع لي فلوس مش هتكلم غير امريكان انجلش :P:P:P
british قال
sarah
omg 3al indian lama yetkalemo :D:D
انا و لا بفهم منهم و لا حرف مش كلمه
عندهم عشق فضيع للدغ الحروف الانجليزيه كلها
الحكاية مابتعصب
قد ماهيا بتنرفز لما أحد بيتفلسف عليك
عامل حاله ..عبقري زمانه
وهو... ( من جمبها) يعني لايدري عما طحاها..
تحياتي
انا كنت طول عمرى بتريق على الناس اللى ما بتفهمش فى البطاطس و مصرة تحشر كام كلمة انجليزى فى كلامها عشان تنفى عن نفسها تهمة التعليم المجانى :D
لحد ما لقيتنى كاتبة ايميل فى شغلى بتكلم فيه عن الfaith بتاع الشيك بدل ال fate بتاعه
بطلت اتريق بصراحة حفاظا على ماء الوجه زى ما بيقولوا :D
أنغام
english = england
يعني الانجليزي لغة اهل انجلترا اصلا
زي ما العربي لغة الوطن العربي
سكان كوالالمبور لما يتكلموا عربي فده لا يصنع العربي الكوالالمبوري
بالنسبة لي مابعترفش بشرعية الانجليزي الامريكاني..زيه زي العربي المكسر
ألاء
هي طبعآ بتعصب جدآ مع الناس اللي يصمموا يتكلموا انجليزي بدون الحاجة لده و هم لغتهم ضعيفة
انا عامة لما اكون بتكلم مع حد و الاقيه قلب انجليزي بنزعج
خصوصآ اللي بيعملوا الحركة دي بهدف ان اللي حوالينا مايفهموش
مرة كنت مع واحد صاحبي في تاكسي و طلبت معاه يسألني ادفع للسواق كام..قالها لي بالفرنساوى
السواق هو اللي جاوبه :D
انا حـرة
لا التريقة مش حلوة..لانها بتخلي الانسان في نفس الموقف انآ ام عاجلآ
مرة كان عندي بريزينتيشن في الكلية..و الدكتور كان في نفس مدرستي و عمال يتفاخر بطلاب مدرستنا و التعليم
و قبل ما اطلع كان كل اللي طلعوا يتكلموا الانجليزي بيقع منهم
فكان بيقعد يتريق عليهم
و جه دوري و قعد يقول لهم شوفووووا ابن مدرستني و اتعلموا
اول ما ابتديت اتكلم كانت القاعة فيها دوشة فمعرفتش اركز
و كانت النتيجة حوالي نص دقيقة مانطقتش كلمة واحدة صح
و فجأة العالم كله توقف من حواليا و ساد الصمت و الدكتور تنح لي
بس قلت لهم سيبكم من اللي سمعتوه و نبتدي صفحة جديدة..و الحمدلله عدت علي خير لما بدأت من جديد :D
Post a Comment