زي ما إتعودنا من سنوات قليلة..بقي يوم الجمعة الاول من شهر إبريل هو يوم اليتيم
و السنة دي يوم اليتيم هيكون يوم الجمعة 3 إبريل إن شاء الله
حابب أتكلم هنا عن تجربة إيجابية عملتها شركة جوجل
زي ما عارفين شعار موقع جوجل بيتم تغييره مع كل عيد يخص البلد اللي بيمثلها
و بما ان عندنا من حوالي سنتين موقع جوجل مصر..فبقينا نشوف الخروف و الكحك في شعارات جوجل ايام اعياد الفطر و الاضحي
و السنة دي..جوجل قررت تساهم في يوم اليتيم
جمعوا 160 طفل من دور الايتام المختلفة و عملوا لهم مسابقة رسم تحت شعار
Doodle 4 Google Egypt
كل طفل يرسم شعار جوجل اللي يتحط علي موقع جوجل مصر يوم 2 إبريل الجاى
و اختاروا من رسومات الـ160 طفل 25 رسمة تتنافس في تصويت علي موقع جوجل مصر
و اللي هيدخل علي
هيلاقي اللينك اللي بيدعو للتصويت
ده لينك الحدث
و ده لينك صفحة التصويت
صوتوا للرسمة اللي تحبوا تشوفوها يوم 2 إبريل علي موقع جوجل
8 comments:
رسومات العيال تجنن
انت اخترت انهي واحدة ؟
ياريت لو كل حد يرد يقول اختار انهي واحدة
أنا مش عارفه اختار
لما اقرر هقول
انا قعدت محتار برضه و مع كل رسمه اقول هختار دي
لحد ما استقريت علي الرسمة رقم 21 بتاعة جوجل بألوان علم مصر
هي مرسومة بالرصاص..و اللي راسمها اسمه جابر سرور
عجبتني اوى بساطة الفكرة
:)اهو ياسيدي تم التصويت
من الشمال الرسمة الأولى .. الصف الخامس
الرسمة دي كانت من الاختيارات اللي وقفت عندها برضه
عجبتني كمان الفكرة بتاعة الولد اللي رسم قدرة فول..دماغه حلوة :D
اللي انا اخترتها تقريبا نفس اللي سارة اختارتها
بصراحة كنت محتارة اوي
بس دا اكتر واحد عجبني
كان محتاج بس الوانه تبقى بالوان علم مصر
شوفت الشعار اللي كسب :)
مش ممكن ده نفس اللي اخترناه
دحنا طلعنا بنعرف ننشن اهو
:Dايه الحرفنة دي كلها
:)الف مبروووك لسامح ولينا
الولد فنان و الرسمة حلوة و تستاهل
شفتها النهاردة..كان منظرها حلو بجد
ياريت اصلا يسيبوها اهو الواحد يحس بفرق بين جوجل العادى و جوجل مصر :)
Post a Comment