أندريه أرشافين..لاعب كرة قدم روسي ..تألق مع منتخب بلده في بطولة الامم الاوروبية اللي اتلعبت في صيف 2008
كل الاندية الكبيرة بقي عندها اهتمام به..و حصلت حمي أرشافين في أوروبا..يا تري هيروح فين؟
خلص موسم الإنتقالات الصيفية و أرشافين فضل زي ما هو في ناديه الروسي
و جه شهر يناير 2009..و فضلنا طول الشهر ننام و نصحي في مسلسل أين يذهب أرشافين
لحد ما في اخر ساعة من موسم الإنتقالات الشتوية حصلت النهاية السعيدة و أرشافين إنضم لفريقي المفضل أرسنال
لحد هنا و دي مقدمة مالهاش دعوة بالموضوع..الفكرة في أول تصريح لأرشافين بعد إنتهاء فيلمه الطويل
اول حاجة قالها بعد البقين بتوع انا فرحان و بوعد الجمهور انني اكل النجيلة
"لازم تمنعوا الستات من سواقة العربيات"
و قعد يشرح انه لو كان مسئول كان قام بسحب كل الرخص و العربيات من الستات لانهم بيمثلوا خطر علي الطريق و انه بيركبه مليون عفريت لو شاف واحدة سايقة جانبه
حسيت ان الناس في أوروبا زي مصر..بنتخنق من سواقة الستات
دايمآ بنقول ان في مشكلة لو اللي سايقة واحدة ست..تلاقيها بتدي كلاكسات علي الفاضي..بتدي إشارة قبل ما تحود بنص كيلو
ماشية في الصحراوى ع الشمال علي سرعة 40 كم
و لما كنا نقول الكلام ده لاي واحدة كانت تتحمق و تقعد تدافع عن بنات جنسها
لحد ما جت نانسي و حلت لنا المشكلة
في رأيي نانسي اهميتها لمجتمع المرأة في اهمية قاسم امين و هدي شعراوى و نيكول سابا
نانسي مين؟
اسيبكم مع الخبر ده اللي نقلته مواقع كتير من جريدة الاهرام عدد الجمعة 6 فبراير 2009
قررت النيابة العامة في مصر حبس أول سيدة مصرية 4 أيام احتياطياً ، وتقديمها إلي محكمة المرور السبت 7 نوفمبر بتهمة السير عكس الاتجاه وفي حالة سكر.
وقالت صحيفة "الأهرام" فى عددها الصادر الجمعة ان الرائد أحمد زكي ضبط المتهمة نانسي فاروق محمد "28 سنة" تقود سيارتها عكس الاتجاه ، وفي حالة سكر ولا تحمل أي رخص أو بطاقة شخصية، وادعت أنها سكرتير ثالث بوزارة الخارجية وتبين أنها حاصلة علي بكالوريوس تجارة
وقالت صحيفة "الأهرام" فى عددها الصادر الجمعة ان الرائد أحمد زكي ضبط المتهمة نانسي فاروق محمد "28 سنة" تقود سيارتها عكس الاتجاه ، وفي حالة سكر ولا تحمل أي رخص أو بطاقة شخصية، وادعت أنها سكرتير ثالث بوزارة الخارجية وتبين أنها حاصلة علي بكالوريوس تجارة
أول واحدة كسرت قانون المرور الجديد..واحدة ست
و كانت كمان سكرانة و معهاش بطاقة و حاولت تبلطج علي الظابط
نانسي فاروق اهم للمجتمع من نهي رشدي
علي الأقل نهي رشدي فقاعة صابون مالهاش معني ولا قيمة
لكن نانسي فاروق فجرت القضية..و حطت ايدها علي مفتاح حل أزمة المرور في مصر
إمنعوا الستات من السواقة
من اجل سلامة السائقين الاخرين
من اجل سلامة الناس اللي بيعبروا الطريق
من اجل سلامة الناس اللي ماشيين علي الرصيف و مالهمش دعوة بحاجة
!إمنعوهم و خلاص
10 comments:
ههههههههههههههههههههههههههه
اه يا قلبي هموت من الضحك
انا في الاول قبل ما اقرا الخبر اللي بيوضح مين نانسي سيطرت على دماغي فكرة واحدة وهي ان نانسي بتاعتنا قررت اخيرا تتشجع وتسوق وانت بتطالب بأنهم يمنعوها :)
لحد ما قريت الخبر وانا كل اللي في دماغي نانسي بتاعتنا
انت متحامل جدا يا سلطان في بنات كتير بتسوق زي الرجالة واحسن
بس دا ما يمنعش اني بتشل بردو من سواقة الستات الحقيقة
انا شخصيا بمشي عكسي :) ورخصة العربية خلصانة من شهر اغسطس اللي فات ولسه ما جددتهاش :)
انا اجبن من كده كتيييييييير يا فاطمه (H)
انا ببقي راكبه جنب اخويا و هو سايق .. و قلبى هيقف :D
بس مين عارف .. العلم كل يوم بيتقدم .. ممكن يخترعوا علاج للجبن
بس اصل بالعقل .. واحده قلبها بيقف لما يعدى جنبها قطه او كلب :D
هتسوق ازاى فى الشوارع المصريه
بالنسبه للبوست
قلتلك يا سلطان انك مزودها
المصريين كلهم بيسوقوا وحش
رجاله و ستات .... فى رجاله سواقتهم ابشع من الستات كمان
كفايه ان سواقين الميكروباصات رجاله
ليه بس كدة
واحنا اللي بنطالب بالسواقة اسوة
بكل نساء العالم
تقوم تقولو كدة و تبوظو خطتنا اهم هيزودوها و يقولو اوهو اللي الستات
بيسقو عندهم طالبين انه الستات ماتسوقش
يبقى مافيش سواقة
:) مجلس الشورى عندنا لو سمع كلامك
حيقول اهو.. شايفين المصريين بيشتكوا من سواقة النساء..
اذن .. مفيش سواقة..
-----------------
بصراحة انا مع رأي حنان..
اصلا الرجال والنساء المصريين
سواقتهم ( عدم)
----------------
بس اصلا مينفعش تمنع سواقة النساء
ممكن تحط شروط للسواقة
يعني مثلا تكون فوق سنة 35 سنة
بحيث تكون ناضجة وعاقلة..
اعتقد يعني..
نايس توبيك يابرنس..
بصراحة انا أؤيد قيادة المرأة للسيارة..
عشان الواحد ما يحتاج فلان ولا علان
ولا جميلة خالي ولا عمي..
تحياتي..
فاطمة
انا مستخدم اسلوب البيع بالعناوين بتاع الجرايد و مستغل شهرة نانسي في الموضوع :D
انا معنديش مشكلة مع الستات..يعني لو واحدة بتعرف تسوق اهلا بها علي الطريق
لكن المشكلة ان 90% من اللي بيسوقوا مالهمش فيها
مش كفاية علينا ان نص اللي بيسوقوا من الرجالة بيقضوها جو العربة الطائشة؟؟
انتي مغامرة اوى..يعني اللي يمشي عكسي ده حد يكون رخصه سليمة و مش هامه..لكن تمشي عكسي و رخصتك منتهية من 7 شهور..مانصحكيش تعمليها :D
نونوس
ما انا عارف ان المصريين بيسوقوا وحش..عشان كده مش عايز اسوق
بعدين انتي عمرك فكرتي لو كان في ستات بيسوقوا ميكروباص كان الكوارث اللي بتحصل هتبقي عاملة ازاى؟
ريم
تعددت الاسباب و اعتراض الرجال علي سواقة الستات واحد :D
الاء
مجلس الشوري عندكم مش محتاج يسمع..هم حاسين بمعاناة كل رجال العالم :D
علي فكرة..نانوز تبقي نانسي مش حنان :)
بالنسبة لقاعدة الـ35 سنة..انا موافق عليها..كده اضمن ان مفيش ست واحدة هتتجرأ تسوق عربية :D
sulto 7zak 7elw enak 3omrak ma rekbt m3aya o ana basooo2 :D :D
أنغام
لما تبقي تعرفي تسوقي الاول ابقي ركبي الناس جنبك :D
Post a Comment