بعد ما خلصنا كلام عن السينما جه وقت التليفزيون
السنة دي كانت طفرة في عالم التليفزيون
سواء من ناحية البرامج او المسلسلات او حتي الإعلانات
الجوايز مش هتبقي زي جوايز سينما..احسن ممثل و احسن مخرج و الكلام ده
لان بكل بساطة بتوع كل سنة هم اللي هياخدوا الجوايز و مفيش مسلسل في 2008 يستاهل لقب مسلسل ممتاز
ممكن تلاقي حلقة او اتنين..او حتى مشهد او مشهدين
حتي الجزء التانى من الدالي مسلسلي المفضل..مكنش فيه حاجة مبهرة تخليه ينتزع لقب الافضل
السنة دي كانت طفرة في عالم التليفزيون
سواء من ناحية البرامج او المسلسلات او حتي الإعلانات
الجوايز مش هتبقي زي جوايز سينما..احسن ممثل و احسن مخرج و الكلام ده
لان بكل بساطة بتوع كل سنة هم اللي هياخدوا الجوايز و مفيش مسلسل في 2008 يستاهل لقب مسلسل ممتاز
ممكن تلاقي حلقة او اتنين..او حتى مشهد او مشهدين
حتي الجزء التانى من الدالي مسلسلي المفضل..مكنش فيه حاجة مبهرة تخليه ينتزع لقب الافضل
خلونا نبدأ بجوايز المسلسلات حسب وجهة نظرى
جايزة أحلي مشهد في مسلسل
خالد صالح و هند صبري في مسلسل بعد الفراق
لما هند صبري بتتفق مع خالد محمود في العربية تحت بيتها انهم يتخطبوا
خالد محمود بيسألها اكتر من مرة عشان يعرف ان القرار ده بكامل إرادتها
و تطلع هند صبري فتلاقي خالد صالح مستنيها في البيت و عايز يتجوزها
المواجهة اللي بينهم كانت مبهرة
المواجهة اللي بينهم كانت مبهرة
ما بين خنقة صوت خالد صالح..و عينين هند صبري المدمعين..و الحوار الممتع
مباراة تمثيلية عنيفة بين اتنين من احسن الممثلين الموجودين دلوقتي
جايزة الإزعاج التليفزيوني
مناصفة بين
إلهام شاهين
سميرة أحمد
مش كفاية كده بقي؟
كل سنة تعملوا لنا مسلسلات تتذاع وقت السحور و تجيبوا للناس كوابيس بسبب انكم كنتم اخر حاجة يشوفوها قبل ما يناموا
خنفان إلهام شاهين و حواجب سميرة احمد المرفوعين مع إبتسامتها الدائمة حتي في اشد المواقف تراجيدية يخلوني اطبق في زمارة رقبة اي حد يقولي زمان الفن كان إبداع
جايزة زيج زاج للأداء المتذبذب المتوازى
يحي الفخراني
زي كل سنة..يحي الفخراني يعمل مسلسل حلو و مسلسل وحش و بعد المسلسل الوحش يقول هعمل دور محمد علي
بقي لي ييجي 10 سنين بسمع نفس الكلام..و دلوقتي محمد علي بقي فيلم مش مسلسل
ياتري بعد 10 سنين إن شاءالله هنسمع خبر مسرحية محمد علي من بطولة يحي الفخراني علي خشبة المسرح القومي؟
جايزة إنت فين يا عم؟
رشوان توفيق
مستغرب ان محدش بيفكر في رشوان توفيق و محمد كامل وهم بيعملوا المسلسلات في حين ان في ممثلين بيتكرروا في 5 و 6 مسلسلات في ادوار متشابهة
رشوان توفيق من الممثلين اللي بيدفوا الشاشة لما يظهروا
جايزة كايداهم
سوسن بدر
كمية البنات اللي سمعتهم بينفسنوا علي رشاقتها في السن ده تخليها جديرة بالجايزة
يمكن رشاقتها كانت باينة في مسلسل الدالي
و تفوقها علي الممثلات اللي عملوا ادوار بناتها..زي ايتن عامر و هبة فؤاد
جايزة الأسرة السعيدة
مسلسل الدالي
نور الشريف و بنته مي
المنتج محمد فوزي و مراته وفاء عامر و اختها ايتن عامر
المخرج يوسف شرف الدين و مراته صفاء المغربي
و حتي المؤلف وليد يوسف جاب ولاده يعملوا ادوار الاطفال
في انتظار مها ابو عوف في الجزء التالت..ولا هي جت علي عزت ابو عوف يعني؟
جايزة جمعية بنات نادية الجندي للقضاء علي الرجال
تيسير فهمي
للسنة التالتة علي التوالي تيسير فهمي بتطارد العصابات في أمريكا و بتنتصر عليهم يوم 30 رمضان
و هي بتعيد امجاد نادية الجندي اللي برعت في الأدوار دي لحد ما فلست محمد مختار و قضت علي مستقبل ياسر جلال السنيمائي
و تتميز تيسير فهمي عن نادية الجندي في ان نادية الجندي كانت بتروح تل ابيب..بينما تيسير جابت من الاخر و راحت هزمت الامريكان في عقر دارهم
جايزة تقل الدم اللامتناهية
مناصفة بين
خالد النبوي
دنيا سمير غانم
مش عارف مين اللي اقنعهم انهم ممكن يعملوا ادوار كوميدية؟
اسوأ حاجة في كافيتشينو هو ابطاله الرئيسيين
الكوميديا كلها جاية من الشخصيات الثانوية
جايزة أحلي ثنائي
مناصفة بين
أشرف عبد الباقي - سامح حسين / راجل و 6 ستات
محمد هنيدي - طلعت زكريا / سوبر هنيدي
البطل و ابن عمه الغبي في حالة أشرف و سامح
و البطل و صديقه الغبي في حالة هنيدي و طلعت
اي مشهد بيجمع الثنائي بيكون مباراة في الكوميديا و التعليقات العجيبة
ساعات كتير بسأل نفسي بيستحملوا ازاى يقولوا الكلام ده من غير مايضحكوا
قليل اوى لما بنشوف دلوقتي كوميديا بين اتنين كوميديانات بجد
جايزة خرج و لم يعد
أحمد مكي
من الغلطات اللي وقع فيها منتجين تامر و شوقية لما مصدقوش أحمد مكي لما قال لهم ان الموسم التاني هو الاخير له في المسلسل
فلسفة مكي ان المسلسل عرضه كان هيكون في اثناء عرض فيلمه "إتش دبور" في السينما
كان خايف انه يتحرق كممثل..و كان حابب يتغلب علي عقدة هيثم دبور و الباروكة
بس الحقيقة إعتذاره عن المسلسل كان خسارة للطرفين
لا هو الحل اللي هيخلي الناس ينسوا الباروكة..ولا المسلسل قدر يعوض غيابه
البوست الجاى ان شاءالله نكمل كلام عن التليفزيون..بس المرة دي البرامج
8 comments:
سميرة أحمد..
المفروض شخصيتها تكون إمرأة مثالية
المفروض تكون ابتسامتها دي
المفروض تكون ولا انا مش عارفة
المفروض تكون الشخصية دي..وتكون عجبت ناس..وتكون بإبتسامتها دي
شفت المسلسل..وعجبني..واللي شدني وبيعجبني ابتسامتها اصلا
مش كله مش تابعته.. بس..هي ابنها بيتخطف..وظروفها بتكون وحشة قوي..نفسيا..بس مهو كانت ملامحها وكنت حاساها ام برضه..ابتسامتها تطمن اصلا..ام
بس يعني..هي كانت مسئولة عن عيلتها صح..لازم مش ت
مش عارفة..انا اسفة انا مش شايفة ازعاج تليفزيوني من سميرة احمد
اسفة مش عارفة زيكم اسفة
مش حاجة مهمة اسفة..اسفة
ما هي الشخصية المثالية دي في حد ذاتها إزعاج
هو احنا في المدينة الفاضلة عشان سميرة احمد تفضل مثالية و توعظ و تدي نصايح و هي مبتسمة و رافعة حواجبها؟
و بالنسبة لكم الاشادة اللي بسمعه عن مشهدها بتاع خطف ابنها و الناس بيقولوا انها انفعلت
ده اعتراف صريح انها مش بتعرف تنفل و ان معجزة حصلت في المشهد ده
يعني خيرية أحمد تتفوق على سميرة أحمد ,صح :D
أنا آسفة,بس علشان كنت من شوية بشوف خيرية أحمد..زي العسل هي خالص فعلا :D
أختين :D
لا مفيش حد أحسن من حد آسفة:)
كان قصدي الأداء,بس مفيش حد أحسن من حد :)
على فكرة.أداء سميرة أحمد حلو:)
:)
أصل أنا لقيت ان انا ظلمت
مش مشكلة:)
ايمان
واضح انك بتحبي سميرة احمد اوى :D
انا اخر مسلسل حبيتها فيه كان امراة من زمن الحب
من يوم ما شفت اميرة في عابدين قاطعت مسلسلاتها
بس ميزة مسلسلات سميرة احمد انها بتقدم دراما محترمة و هادفة بصرف النظر لو هي بتلعب نفس الدور كل مرة
مش عارفة.ما هما جيل وكدة..ولهم.تاريخ يعني..فاللي اقصده..مش عارفة..امم..اتلخبطت.
مش عارفة بقى عادي:)
Post a Comment