راحت 2009 و جت 2010
كل عام و انتم بخير..كل عام و احنا كلنا افضل
اعتقادى ان 2009 و 2010 مجرد مسميات افتراضية مانقدرش نعول عليها
يعني مش بأتفق مع الناس اللي بيقولوا اول كل سنة..خليكي احسن من اللي قبلها
لكن لأن رقم السنة بقي هو المسمي الافتراضي لحقبة مدتها 365 يوم
اتمني لي و لكم 2010 سعيدة و هانئة و هادئة و مطمئنة
مفتقد بشدة الكتابة..زي ما مفتقد بشدة اصدقائي اللي كانوا بيكتبوا و توقفوا عن الكتابة بدون سبب
في اعتقادى ان تجمعنا في مناقشة فكرة او قصة طرحها حد مننا هو من افضل الحاجات اللي نقدر نعملها في وقتنا الحالي
نقاشات مثمرة..بنطلع بها بأفكار بتفيدنا في حياتنا..او حتى بنقرا خبرات غيرنا
يعني بنوسع مداركنا في الحياة
مش ده هدف كافي و سامي للناس اللي بيقولوا نكتب ليه و لمين؟
حابب اتكلم عن نظرتي و املي في 2010..زي ما حابب انني اتكلم عن 2009 و ما فيها و ما عنها
و هاتكلم عن ده في بوست او اكتر ان شاء الله
لازم انتم كمان تتكلموا و تشاركوا و تفكروا
و علي رأى محمد منير
الكلمة كوبري صلب فوق بحر العباد..الجن يا احباب ما يقدر يهدمه
فإتكلموا..إتكلموا..إتكلموا
9 comments:
ممكن أشارك معاكم
يعني,نتكلم عن السنة يعني
أنا الحلو فيها
كل لحظة,بعدت فيها عن النت شوية
وعن المنتديات :)
..
يعني
هي,كانت,سنة,غريبة شوية
فيها حاجات,مرت زي الحلم :)
بداية,من الدبلومة
بدأت,من آخر 2008
وبدأت,في 2009
كنت بسافر, سبت واتنين,للإسماعيلية,مدة سفر,تلات ساعات :)
طريق جديد وغريب
وأرض,أنا شايفاها,أرض تانية
أرض,صفرا
وبلدنا,المنصورة,أرضها,لونها أسود :)
وشفت الصحرا :D
هو طريق سفر
أنا أول مرة,أجرب الإحساس ده,سفر,كتير :)
وآخر مرة,لما,وقفنا أو وقفتنا لجنة على الطريق,ورعبونا أساسا,وأخدوا زميلتنا وقالوا لينا,الاسم متشابه مع ناس عليها حكم
إحساس السفر ده,ونرجع متأخر,وإننا على طريق سفر,وطريق اسماعيلية الزقازيق المنصورة وحش أصلا :)
...
عادي :)
بس,كانت تجربة,بالنسبة لي,مميزة يمكن وبس بالنسبة لي
عدت,زي الحلم
قابلت ناس,فجأة,أكتر من ألف واحد
من كل بلاد مصر
معانا من الصعيد,ومن كل حتة
قابلت ناس,من بلاد تانية,وبقينا أصحاب في المحاضرات :)
قابلت ناس,شفتها بعد كدة صدفة:)
قابلت صديقة,اتعلمت منها كتير :)
في السفر
السفر فعلا,بيقرب قوي,بين الناس :)
اتكلمنا,واتناقشنا,كتير قوي :)
مجموعة,قرب بينا السفر قوي :)
...
خلصت الدبلومة :)
باقي السنة :)
سافرت في يوم القاهرة,في شهر أربعة,أكتر من مرة
أقدم وزمايلي,للطب الشرعي هناك :)
الحمد لله,مش وفقنا
بس في يوم,مع زميلتي
رحنا,مع بعض,أكتر من مشوار
لسة فاكرة,مشوار السيدة زينب,لأن الطب الشرعي هناك :)
رحنا المتحف,والبرج,ومشينا في أماكن
كل ده,في ذاكرتي :)
لأني كنت,في القاهرة :)
........
أنا السنة غريبة
بلاقي نفسي
بتشال وأتحط
من أكتر من مكان
ومش عارفة
تايهة :)
....
بتشال وأتحط,وأتشال وأتحط :)
....
من هنا لهنا,ومن مكان لمكان
ومن ناس,لناس :)
......
السنة دي,حاجات كتيرة فيها,زعلتني,من ناس,قوي,وفرقت معايا كتير
لكن,بحاول أنساها
....
بس أحسن حاجة,مع بداية السنة الجديدة
إني بقرب,للناس على الواقع,أكتر :)
....
في السنة دي
أتميت,مرحلة من عمري
بعدها
حاسة,إني طفلة :)
مش شايفة نفسي إني كبيرة,ولا هكبر عن كدة :)
.....
السنة دي,إللي عدت
معرفش,حسيت بالموت,أو لأ
شفت ناس,في فترة
بعدها,ملقتهمش
يمكن
فهمت
إن الموت,قدر,وشيء مكتوب
هتعود,مش أزعل,علشان,بفهم كدة,في حياتي
شفت ناس,كتيرة,ماتوا
فهمت يمكن وعرفت,إن دول,كانوا عايشين,زي الملايكة,عايشين,علشان يموتوا بدري
......
سامحت ناس
ناس,كتيرة,قالوا في حقي,كلام كويس
وفرحت,رغم إن فيه حاجة جوايا,زعلتني
......
زعلت,من ناس تانية,كتيرة قوي,أو كتير قوي
وسامحتهم,بعدها,علشان مش مستاهلة..
...
سنة جديدة
يارب,يارب
تكون سعيدة
ويكون فيه,في العمر بقية
بس تعدي يارب
كدة,بسيطة,علشان مش فجأة,نلاقي نفسنا,بقينا خمسين سنة,وفجأة,وقريب:)
ومنكونش,عملنا حاجة في حياتنا :)
فيارب,يارب
تتغير حياتنا
للأحسن,السنين الجاية
مش يقرب الموت فجأة,وإحنا في غفلة
ومش عارفين
عملنا إيه,ومصيرنا إيه,جنة ولا نار
.....
في السنة دي
حاجات,توهتني قوي,على الانترنت
في أماكن كتيرة
أفكار,واعتقادات,خلتني,خفت فعلا,وخفت,من الموت,لما,أفضل,بالشكل ده,بالإعتقاد ده
...
السنة دي
تهت
بين,التشدد
وبين,الأفكار الغريبة,إللي شفتها,في كلام ناس كتيرة,على الانترنت
وسألت نفسي
فين العالم
إللي كنت عايشاه وأنا صغيرة
إللي كان بسيط
مكنش,بيتعبني قوي كدة
نفسيا,حاجات بسيطة,في مسألة الحرام والحلال,اللي تهت,لما لقيت,أفكار الناس,بدأت أفكر فيها,وأتوه
....
السنة دي,أعصابي تعبتني قوي,بسبب مواضيع السياسة
أنا مالي:)
كنت ناوية اعمل بوست بردي ده
بس هكتفي بيه عندك :)
2009 كانت سنة المتغيرات بالنسبالي
حاجات كتير اتغيرت في حياتي اهمها اني رجعت من كندا واستقريت في الدمام كأول مرة اعيش فيها .. ولما رجعت لقيت ان اجيال كتير ظهرت انا ماشفتهاش .. اللي اتجوز واللي خلف واللي طلق واللي سافر واللي واللي ..!! حقيقي كانت متغيرات رهيبة لحد دلوقتي بحاول اتأقلم عليها ..
على الصعيد الشخصي ماحصليش حاجات كتيرة يعني وكنت ناوية ابتدي في 2009 اي نشاط دراسي او مهني بالنسبالي بس الوقت جري ومالحقتش اعمل لحد دلوقتي لنفسي حاجه !
في علاقات او معرفة مع ناس ابتدت في 2009 ولحد دوقتي ملامحها مش واضحه بس بحاول اكون صادقة فيها قدر الإمكان لحد مايبان هل انا شخص مرغوب فيه او لا لأن للأسف في ناس تبينلك انك محبوب بينما انت العكس بالنسبالهم والنقطة دي بتسببلي احراج جدااا لأني مش من النوع اللي احب افرض نفسي على حد بس ربنا يكتب فيه الخير ..
نهاية 2009 كانت مرحلة عدم استقرار بالنسبالي كنت حاسة اني بتنقل من مكان لمكان ادور على حتة استقر فيها ولحد دلوقتي مش حاسة بالإستقرار التام على الصعيد النفسي والعائلي لسبب اننا كمان عايشين هنا مؤقتا وفترة وهننقل مكان تاني ومدارس تانية فتلاقيني مجهزة نفسي للموضوع ده ..
عموما 2009 ماكانتش وحشة بالنسبالي ابداااا
بالعكس حصلتلي حاجات حلوة كتير تقريبا الحمدلله كانت افضل من غيرها :)
2008
كانت اسوا سنه ليا بجد وكم من الاحباط والكتئابات
في 2009 حصلت احداث مؤسفه برده وخسرت حاجات وناس عزيزه ليا بس برده كسبت ناس اكتر وناس اعز وعرفت ناس جديده وخدت خبره اكتر واتحسنت نوعا ما وانجزت حاجات خلتني اتقدم خطوه لادام
بالظبط في اخر 5 شهور كانوا مليانين كم غير طبيعي من الاحداث المهمه اللي اثرت عليا في حاجات كتيره
2009 بتفكرني
ب 2007
مش عارف ليه متشابهين جدا ويمكن لان 2007 كانت افضل سنه مريت بها فحسييت
ان 2009 قريبه برده منها
ناس طكتيره مش هتوافق علي اللي بقوله لانها اتاذت في 2009
لكني راضي عنها والحمد لله انها كانت مسك ختام بالنسبه ليا مع نفس الاشخاص اللي كنت عاوز انهي السنه معاهم في اسكندريه
السنه دي حصلت لي حاجه غريبه بالظبط من شهر اغسطس
اني بقيت متشبث اكتر بالحياه وبالدنيا ومصر اعمل حاجات معينه وامر بتجارب معينه علشان كنت حاسس اني مش هامر بها تاني خالص وكان عندي اراده اني اعمل ده كله في وقت قياسي وطبعا كان فيه رد فعل عكسي لاني اجهدت جدا علي اخر اسبوعين بس كان لازم اعملها علشان ابقي راضي عن نفسي
وماندمش علي اي فرصه
بحلوها ومرها 2009 مرت زي اس سنه
صح,كنت هقول إيه
الزمن,كدة كدة,لازم نكون راضيين بيه,بجد
قصدي,علشان,فيه حديث,بيقول لنا كدة
صح,يعني لحكمة,أو ده الصح
مش عارفة
لو مش مركزين,ومش هتفهموني غلط
مش مشكلة
يعني قصدي,
مش مشكلة
هاقتبس مقولة قباري اللي كاتبها
..
تمنيت .. و كان أكثر مما تمنيت
و تخيلت .. و كان أسوء مما تخيلت
!!
سبحانك يارب سنة 2009 دي ابتدتيها بصدمه عمري
ونهايتها بصدمه تانية!!!
مش عارفه فيه ايه؟!
كانت فيها ايام جميلة عيشتهاوحصلي
احداث حلوة كتيرة فيها
بس بدايتها واخرها وجعوني اوووي
عندي 2008 كانت احلى بكتيييير بصراحة من احلى سنين عمري :)
بس عندي احساس ويارب يتحقق يارب 2010 بأذن الله هتبقى سنة سعيدة
وهابقى مبسوطة فيها اوي إن شاء الله
حاسة بكدا ويارب احساسي ما يخيب :)
سعيد جدآ بحالة المشاركة الايجابية اللي شفتها دى
انا ابتديت اكتب سنتي اللي فاتت..الكلام كتير و الاختصار هو اصعب شيء
فاصل و نتواصل في البوست الجاى ان شاء الله
طولت علينا ياتيموجن :)
كل عام وانت بخير يامحمد
ويارب تكون سنة حلوة عليك
وتحقق فيها امنياتك
واشوفك وانت خاطب يارب قريباً باذن الله
وحشتووووووووووني
سـاره
اديني رجعت :)
__________________________________
الاء
و انتي طيبة و ربنا يجعلها سنة سعيدة عليكي و اشوفك بالفستان الابيض ان شاء الله
ياريت ماتغيبيش عشان نقدر نقول لك عودآ حميدآ :)
Post a Comment