حد فيكم شاف فيلم
blood diamond?
الفيلم احداثه بتدور في سيراليون و الحرب الاهلية اللي حصلت فيها
بصراحة الموضوع شدني اوى لدرجة انني ادور علي معلومات عن الحرب دي اللي انتهت سنة 2003
كانت صدمتي لما عرفت ان سبب كل البلاوي اللي بتحصل في دول افريقيا الفقيرة هو معمر القذاقي..رئيس الجماهيرية الليبية العظمي الشقيقة
الراجل ده بياكل دماغ الدول الافريقية التعبانة و يديلهم فلوس و يعمل معسكرات بيجمع فيها ناس من البلاد دي لهم اهتمامات سياسية و ينشر للناسا افكاره الثورية
فطبعآ الغلابة دول بيصدقوا كلامه و بيرجعوا بلادهم يخططوا لثورات و إنقلابات
بلد زي سيراليون سنة 1996 حكمها 5 رؤساء
و القذافي نفسه إبنه حاول يعمل عليه إنقلاب قبل كده بس فشل و الولد هرب و جه مصر، لحد ما ابوه سامحه
ده انا حتي سمعت ان ايام السادات، القذافي كان بيخطط لغزو مصر!؟
المهم الناس دول اقتنعوا بكلامه و بقت معظم دول أفريقيا عبارة عن انقلابات و حروب اهلية و البركة في القذافي اللي بيدفع فلوس للي يكسب الحرب و يحكم
يعني كل الخراب ده بيموله القذافي!!؟
البلاد دي فيها ثروات اكتر من الثروات اللي في ليبيا..يعني القذافي اكيد بيقبض مقابل افعاله و تمويله العلني للحروب دي
دلوقتي الاوضاع في أفريقيا الوسطي بتفكرني بجملة عمرو أديب عن الدول التعبانة "اللي بيصحي اول واحد يحكم"..هو ده ادق وصف للوضع في سيراليون و بلاد افريقية كتير اوى
افريقيا كقارة اغني القارات..اغني من اسيا..اسيا فيها بترول لكن افريقيا فيها ماس و بترول و اراضي خصبة و ثروة حيوانية و نهر نيل...بس فيها جهل شديد للأسف..أتمني ييجي اليوم و أفريقيا تبقي قارة مؤثرة بالإيجاب علي العالم
و زي ما ليوناردو دي كابريو كان بيقول في الفيلم
TIA..This Is Africa
بس وقتها الجملة يبقي لها معني أجمل
افريقيا كقارة اغني القارات..اغني من اسيا..اسيا فيها بترول لكن افريقيا فيها ماس و بترول و اراضي خصبة و ثروة حيوانية و نهر نيل...بس فيها جهل شديد للأسف..أتمني ييجي اليوم و أفريقيا تبقي قارة مؤثرة بالإيجاب علي العالم
و زي ما ليوناردو دي كابريو كان بيقول في الفيلم
TIA..This Is Africa
بس وقتها الجملة يبقي لها معني أجمل
No comments:
Post a Comment