إمبارح اصبحت رسميآ شاب في منتصف العشرينات و تميت 25 سنة
كل سنة و انا طيب و بصحة و سلامة و سعادة و احقق كل احلامى إن شاء الله
احب اشكر كل الناس اللي عايدوني علي تمنياتهم الرائعة
و أول حدث جديد في السنة الجديدة كان مشاركتي لاول مرة في راديو تيت
الحلقة شغالة عرض متواصل لحد يوم الاتنين الجاى ان شاء الله
للناس اللي بيزهقوا من كتر السمع..انا فقرتي بتبدأ بعد حوالي 10 دقايق من الحلقة و انا تالت مذيع بيتكلم
16 comments:
كل سنة و انت طيب
و ان شاء الله سنينك الجاية تكون لها خضرا
و موفق في الراديو
و اهو كم شهر و نحصلك بس 25 عند البنت
بيبقى دمها تقيل و تحصد فيها كمية
القاب غلسة اوي ربنا يصبرنا عليها
مع اني عملتلك عيد ميلاد عن نانسي وانت شكلك ماشفتوش بس ما يضرش :)
كل سنة وانت طيب يا سلطان 25 نقطة تحول حقيقية في حياة الانسان والعقد زي ما بيقولوا بيفرط خد بالك كويس وماتضيعش ولا ثانية من غير ما تستفيد بيها وتستمتع للماكسيمم
ربنا يسعدك يارب وكل سنة وانت طيب ومبروك على الراديو
مبروك عليكم الربع قرن :)
ربنا يوفقكم جميعا :)
ريـم
و انتي طيبة ربنا يخليكي :)
يا تري رأيك ايه في اللي سمعتيه علي الراديو؟ :D
كل سنة و انتي طيبة مقدمآ
بس سن الـ25 عند البنت حلو برضه
ان شاء الله لما تتمي الـ25 سنة تكون كل القابك حلوة :)
فـاطـمـة
و انتي طيبة و بصحة و سعادة
الكومنت اللي عند نانسي فلت مني لانه جه في نص كومنتاتي اللي كنت عمال ابعت فيها..بس تم تدارك الموقف و السيطرة علي الكومنت :)
انا كنت مستني مرحلة الـ25 دي..و حاسس انها مهمة
و يظهر من كلامك ان احساسي في محله..شكلي هتجوز ولا اعمل حاجة من الحاجات المرعبة اللي بيعملوها الطايشين اللي في سني :D
ايـمـان
و انتي طيبة شكرآ :)
بس هم مين الناس التانيين اللي بتتكلمي عنهم؟ :))
ارسى على بر بقى يا محمد
من القاهرة عند نانسي لأليكس دوغري كدا عندك
الواحد كبر ومبقاش قد الشحططة دي :D
ربنا ينولك كل اللي بتتمناه يارب
بس انا اول مره اسمع عن الاذاعة دي؟
كل سنة وانت طيب.. وان شاء الله كل سنة تكون أحلى من اللى قبلها :)
دى أول مرة اسمع عن الراديو والصراحة معرفش البرنامج بيبدأ امتى أصلا عشان أعرف ال 10 دقايق هيخلصوا امتى :D
كل سنة وانت بخير وبصحة وسلامة ياسولتو
ويارب تحقق كل اللي بتتمناه
وربنا يوفقك في حياتك يارب ويسعدك ويكرمك ويكتبلك الخير
وعقبال البوست المئوي :)
الناس كلها طيبة,عادي والله :) ربنا يوفقكم جميعا:)
مـروة
شفتي متبهدل في المواصلات ازاى رايح جاى؟
لا و هكتب الكومنت ده و اقوم احضر شنطتي عشان اسافر القاهرة فعليآ ان شاء الله :D
تيت اذاعة معروفة بيسمعها الملايين بس مختلفة شوية عن اى اذاعة تانية
و كان في تقرير عنها اتذاع علي الجزيرة من كام يوم :)
رقـيـة
و انتي طيبة و بألف خير :)
الراديو شغال بنظام التسجيل مش لايف
المذيعين بيسجل كل واحد منهم فقرته و بيتجمع ده كله و يفضل شغال متواصل لمدة اسبوع
لحد ما ييجي يوم الاتنين اللي بعده و ينزل ابديت جديد بالحلقة الجديدة اللي بتفضل شغالة اسبوع بدون توقف :)
فأنتي في اى وقت هتحاولي تسمعي الراديو هتلاقي الحلقة بتبدأ من الاول و انا فقرتي بتبدأ بعد 10 دقايق :)
هـبـة
و انتي طيبة و بصحة و سعادة
حلوة فكرة البوست المئوي دي :D
إيـمـان
ماشي..شكرآ :)
اه انا فهمت نظام الراديو لما سمعته والصراحة كله عاجبنى, ولازم أهنيك على اللقب اللى وصلتله :)
بس فعلا مواضيع الراديو وشكل عرض المواضيع نفسها حلوة أوى,,, بعيدا طبعا عن اسمه الغريب وموضوع انه مجرد نص ساعة لمدة اسبوع
كل سنة وأنت طيب يا محمد
ويارب تكون سنة حلوة عليك
آسفة انها متأخرة ..
عقبال ما نباركلك كمان 25 سنة بالنصف قرن :)
كل عام وانت بألف خير
وعيد أضحى مبارك يارب..
Post a Comment